صفحة 1 من 21 12311 ... الأخيرةالأخيرة
النتائج 1 إلى 7 من 143

الموضوع: الاستوديو..حرقوا صور عرس اختي

  1. #1
    نجمة برونزية

    رقم العضوية: 57844

    تاريخ التسجيل
    29 - 10 - 2007
    الدولة
    أبوظبي مافي أحلى منها
    مشاركات
    1,152

    Icon100202 الاستوديو..حرقوا صور عرس اختي

    السلام عليكم..

    عرس اختي كان في شهر 3 اللي طاف..
    وكانت حاجزة في استديو ســـــولو Solo للتصوير الفوتوغرافي في أبوظبي..
    يمكن بنات بوظبي يعرفن الاستديو..وطلبوا 37,000 درهم للصور والشريط

    وياو المصورات وصورن وكل شي مر على خير بس اختي تم قلبها ناغزنها.. وقالت للمصورة ما ادري ليش احس انكم بتخربون الصور.. وتمت الصورة (لبنانية) تقول لاتحاتين بسوي لج البوم يجنن..(مع العلم ان اختي جرافيك دزاينر يعني تعرف للفوتوشوب عدل وانا مهندسة كمبيوتر يعني اعرف للكمبيوتر)..وانتي لانج تعرفين في الفوتوشوب.. بابهرج بشغلي المرتب..

    وعقب العرس باسبوع رحت انا اشوف واختار الصور.. هم عندهم غرفة صغيرة عند الباب.. ويدخلون الزوار ويشوفون ويختارون الصور اللي يبونها ويطلعون.. وفي هذي الغرفة.. يابت المصورة السي دي اللي عليه الصور ونزلت كم صورة على الكمبيوتر اللي في الغرفة واخترت صوري..وثاني يومي اختي وريلها نفس الشي راحو وشافو كم صورة وطلعوا لانها كانت وايد مشغولة. على اساس انهم بيردون بعدين يوم بتتصل هي فيهم..وهم بالعادة بعد تصوير العرس ب4 شهور يسلمونج الصور والشريط..

    وفي شهر6 اتصلوا باختي ويسألونها.. انتي خذتي السي دي من عندنا!! اختي قلبها وقف وفالت لا طبعا مالي حاجة فيه..ليش باخذه..وقالوا ترانا ماحصلناه بس لاتخافين بندوره عدل..

    وعقب اسبوع اتصلوا وقالوا انهم ماحصلوه..وان الهارد ديسك مال الكمبيوتر احترق والميموري كارد بعد ضاع.. وانهم يبونها اتيي عشان يتفاهمون معاها.. طبعا اختي كانت حامل ماشاءالله ومزاجها عصبي.. فراحت ويا ريلها وقالوا لها شو رايج نييب لج الفستان ونسوي لج المكياج نفسه والتسريحة ونرد نصورج مرة ثانية.. وطبعا اختي ماقصرت.. تمت تتضارب وتقول لهم انا حامل.. الفستان يالله يالله دخل فيني وانا عروس.. الحين شو بيدخله فيني وانا وزني زايد!

    وقالو لها عيل شو تبينا نسوي لج.. جان تطلب تعويض فلوس.. ولا بينا وبينكم المحاكم..وطبعا هم مايبون بدفعون..

    وطلبوا مهلة شهر زيادة.. اونة بييبون سوفت وير من امريكا يرد الصور اللي في الكمبيوتر.. انا رديت كلمت المصورة.. وقلت لها اسمعي.. الصور اصلا ما احترقن.. ولا اي شي من هالكلام..لانهن لو احترق الهارد ديسك على قولتكم.. انتوا عندكم السي دي ترومون تنسخون الصور منه مرة ثانية.. بس اصلا السي دي نفسه اختفى من عندكم..يعني حد شله.. وعيال الحرام وايدين في الشارع.. وانا مايرضيني اشوف صوري وصور اختي بدون شيل وعبي ولابسات ضيق وكت منتشرة.. تمت تقول لا يا مدام.. نحن مافي شي بيطلع من عندنا ابدا.. وكتير عندنا برامج حماية,, ومحد يقدر ياخذ اي شي من عندنا وبعد ما نخلص الصور نتخلص من كل شي..الخ

    وبعد شهر وشوي..ردوا قالو والله ماقدرنا نسوي شي وماقدرنا نطلع الصور.. وسووا اللي بتسوونه..

    طبعا انا شو قلت من خبرتي في مجال الكمبيوتر.. ان المصورة
    [LIST][*]صورت وطبعا الصور اتخزنت على الميموري كارد مالت الكاميرا.. [*]وثاني يوم سوت كت cut للصور من الميموري وبيست paste على الهارد ديسك [*]وعقب نزلت الصور على سي دي وديليت Delete من الهارد ديسك[*]ويوم يه الوقت انهم يشتغلون على الصور..[*]ردت وحطت السي دي ونزلت الصور مرة ثانية وكسرت السي دي لانها قالت في خاطرها خلاص ما احتاجه لان الصور على الكمبيوتر وهذي هي الطامة الكبرى..والغلطة اللي ضيعت كل شي[/LIST]
    وبقدرة قادر.. الهارد ديسك احترق ثاني يوم..وراحن الصور

    وبعدين اتصلوا يستهبلون اون انتي خذتي السي دي وهم يعرفون انها ماخذته..وبعد المناقشات بينا وبين راعية الاستديو,, وحدة زلمة عيوز وما عندها اسلوب في الكلام.. اون بناخذ كم لقطة من الشريط وبنطلع منهن الصور وخلاص.. وبعدين هذا حظج ان الصور احترقت! مثل يوم اختين يربن في نفس الوقت..وحدة يطلع ولدها معاق والثانية بخير.. ليش؟ لان هذا نصيبها..وهي تعرف ان اختي حامل.. وتهزبها اختي هزبة..

    الحين رفعنا عليهم قضية..ويوم المحاكمة اول مرة ما ياو للمحكمة.. وثاني مرة وكلموا محامي.. الحين نحن يالسين ندور على محامي زين.. ومش عارفين بكم ممكن نطلع من القضية.. حسبي الله عليهم ونعم الوكــــيل.. الله لايوفقهم في شغلهم

    القهر انه الزلمة ولا هامنها..شافونا مجتمع طيب زيادة عن اللزوم.. وان نحن بنسكت عنهم.. ويوم كنت اخبر ربيعتي.. قالت ان اختها استوى نفس الشي وياها.. وما قالت شي.. تتخيلون؟؟..ليش نحن ساكتين عن حقنا!!

    نحن صدق شعب طيب عشان جي يالسين يستغلونا ويسرقونا.. لابركة فيهم


    بنات منوا تعرف حد يقدر يساعدنا.. او تنصحنا شو نسوي عشان نكسب القضية؟

    ولكم جزيل الشكر

  2. #2
    نجمة براقة

    رقم العضوية: 60934

    تاريخ التسجيل
    19 - 11 - 2007
    الدولة
    حبكم وسط الحشا سادي
    مشاركات
    794

    افتراضي

    لاحول ولاقوة إلا بالله ....
    الله يغربل بليسهم .......شو هاللعانه اللي فيهم....
    الله يعينكم وإن شاء الله تكسبون وتبهدلوهم ....


    يالله ياكريم انك اتيسر اموري ...
    وتصلح لي شاني واتفرج همي يا رب



  3. #3
    عضوة

    رقم العضوية: 13676

    تاريخ التسجيل
    16 - 11 - 2006
    مشاركات
    87

    افتراضي

    عليج بالشرطــــــــــــــــــــــة
    الله يستر عليكم يا رب


    فديت ارضج يا ابلادي
    فديتج يا امـــــــــاراتي



  4. #4
    نجمة ماسية

    رقم العضوية: 5603

    تاريخ التسجيل
    14 - 06 - 2006
    الدولة
    في قلـب اللي أحبـهـ
    مشاركات
    19,486

    افتراضي

    الله يعينكم ... 37 الف حج الصور؟؟ حراااااااااام بصراحه ماكان له داعي تكلفون هالمبلغ والله
    والله انه الصور بعدين محد يي صوبها مول.. وبعد الصور احترقن وفلوسكم مارجعوها لكم
    حاولوا تحصلون محامي عدل عشان تكسبون القضيه لاتسكتووووون عنهم مووول

    ان شاءلله الخوات يفيدونج بمحامي زييييييييييييييييييييين


    شنــــط ، ســـــــــوع ، نعـول
    اللي حابه تطلب



  5. #5
    تاجرة برونزية

    رقم العضوية: 48442

    تاريخ التسجيل
    08 - 08 - 2007
    الدولة
    الله لا يحرمني من المكان اللي انا فيه
    مشاركات
    860

    افتراضي

    الله ينصركم ويردلكم حقكم يا رب ...صدق السالفه تقهر وااايد


    الحمدلله عدد خلقه ورضا نفسه وزنة عرشه ومداد كلماته



  6. #6
    عضوة جديدة

    رقم العضوية: 23444

    تاريخ التسجيل
    09 - 03 - 2007
    مشاركات
    45

    افتراضي

    مرحبـــا الساع ,,,


    لا حول ولاقوة الا بالله العلي العظيم .... وحسبي الله عليها من عيوووز ان شاء الله ...

    ختيه ... بخبرج حايـــه ,,, اعرف محااامي وااايد شاطر وااايد اوكي ... وبتكسبوون القضيـــة ان الله راااد لانه هالمحااامي واااااايد ,, معــــرووف وشـــاطر بالمحـــامااه والقضــــايه ...


    اسم المحــــامي ,,,,, (( ابراهيــــــم التميمي )) .... وبطرش لج بالخاص رقمــــه ... اتصلي بـــه وخبريه بسالفتكم ... وان شاء الله هووو مابيقصـــر بيفيدج بكل شي ... وان الله راد .... بيكسبكم القضيـــه ,,,


    السمووووحه منج ع القصور
    ختج
    الســـولعيـــــه

  7. #7
    نجمة

    رقم العضوية: 86950

    تاريخ التسجيل
    22 - 04 - 2008
    الدولة
    دانة الدنيا
    مشاركات
    113

    افتراضي


    ماعرف شو اقول
    الله يعينكم





صفحة 1 من 21 12311 ... الأخيرةالأخيرة

المواضيع المتشابهه

  1. برنامج لـ تصميم الصور شرات الاستوديو
    بواسطة من عنوني في قسم : التصميم و الجرافيكس
    مشاركات: 8
    : 2010-06-17, 15:26
  2. أبغي خلفيات حق الاستوديو لو سمحتوا
    بواسطة كشمشه في قسم : سـاعــدونـي
    مشاركات: 2
    : 2008-06-11, 21:39

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  



Loading