مع تجاربي للبشره(نضاره .توحيد لون .بياض)

[AAA2007]

بكتبلكم تجاربي للحصول على بشره نضره وصافيه وياليت كل وحده تدخل تكتبلنا عن اي شي استخدمته او سمعت عنه .فادها او ضرها عشان نفيد ونستفيد
انا بشرتي صافيه والحمدلله بس نفسي افتح شوي يعني وجهي ينور مااعرف شويسمونه (تفتيح بشره او تبييض او توحيد لون) بس انا اخاف العب في بشرتي واعدمها بعدين اندم
مابطول عليكم

اول شي استخدمته وفادني الى حد ما حبوب ايميدين تعطي الوجه والبشره نضاره صارلي سنه وانا استخدمها مااقدر اقول اني تغيرت بس وجهي صار نضر يعني احسن من اول والهالات خفت عن اول يعني افضل اني اعالج نفسي من الداخل والخارج

ثانيا بالنسبه للكريمات يعني الاستعمال الخارجي باستشارة دكتوره طبعا صرفتلي كريمات اعتقد ان مالها داعي من ترطيب وفيتامين سي وسن بلوك وما الى ذلك ومافي اي فائده تذكر

الكريم الوحيد الي استفدت منه كريم اسكين يو اس ايه skin usa هذا الكريم فادني يفتح الوجه وبقع الحبوب بعد اسبوعين تلاحظين النتيجه وعلى حسب البشره .انا ماقشر وجهي بس اختي لما استخدمته قشر وجهها بس هي كانت تكثر من الكميه على قولتها
وبعد سمعت عن حبوب antioxidant يعني فيتامينات مضادات اكسده تفيد الجسم تعطيه مناعه ضد الامراض وتساعد على ازالة تصبغات الجلد يعني تساعد على تفتيح وتوحيد البشره وصارلي تقريبا ثلاث شهور استخدمها بس نتايجها يقولون على المدى البعيد احس اني فتحت شوي للحين.

سمعت عن كريمات تفتيح مثل السيروم الفرنسي استخدمته وحده بس مااعرف اسمه بالضبط شفتها بعد فتره بيضاء ووجهها صافي سمعت انها تستخدم كريم فرنسي اعتقد انه السيروم الفرنسي
نبعد الفا بلاس نصحتني فيه الصيدلانيه وتقول هي جربته حق المناطق الغامقه بالجسم مثل الابط وفتحت على فكره هي كانت بيضاء.وبحث عنه في النت ولاقيت بنات يمدحونه بس ماجربته
اوباجي دايما اشوف البنات الي يروحون عنده يلقون لق نفسي اكون مثلهم بس اخاف من كريمات لأن بشرتي رقيقه

مااعرف اشوف بنات سمر صارو بيض شو السر نفسي حد يقولي
في اشياء وايد سمعت عنها بس مااعرف من وين وكيف نحصل عليها
في وصفات خلطات حصلت عليها للتفتيح من عند دكاتره ومن عند سعاد لطفي بس ماحبيت استخدمها لأني اخاف من الخلطات اخاف تلقب بعد فتره لشئ اسوا
مع اني شفت النتيجه على وحده استخدمت خلطه من عند سعاد لطفي ووجهها فتح وتوحد بس اذا تركتها ترجع زي ماكانت

اتمنى اكون افدتكم وماضيعت وقتكم وكل ماتوصلت لشي جديد بخبركم

[الجتبيه2008]

يزااج الله ألف خيييييييير ختيه

[ريحانة الجنه]

يزااج الله ألف خيييييييير ختيه

تنبيه بسيط يقال جزاك الله خير وليس جزاك الله الف خير لان الله لم يحدد الخير او الاجر واللي سمعته من شيوخ ان لا يجوز تحديد الاجر .....
اسمحيلي الغاليه بس حبيت انبهج

[ريحانة الجنه]

AAA2007
تسلمين اختي مشكوره على الافاده

[ام الصيصان]

تسلمين اختي

[انثى الحب]

اي انا بعد ابي اوحد لون بشرتي