كيف ارتب غرفتي؟

**redmoon** · 2008-08-13, 02:51

اشحالكن؟

فكرت اطرح هالموضوع بعد ما شفت التجارب الحلوه للبنات بتزين غرفهن

بدش بالموضوع على طول

اريد افكاركن الحلوه والمبتكره بتزين غرفتي

الأغراض الموجوده بغرفتي:

السرير من الخشب لونه بني غامج يتكون من 2 كوميدينو و التسريحه مع كرسيها وانا حطيت الخزانه بغرفه ثانيه عشان اخلي غرفتي واسعه وما اضيج على نفسي

وخزانه مكونه من سدات اخزن فيها بعض الاغراض

وسرير بنتي الله يحفظها لي

لون الديكور احمر ماروني كل جدار شكل ورق جدرانه غير بس من نفس النوع والالوان ، جدار لون احمر ماروني ساده وجدار ماروني وفيه رسوم بسيطه باللون البرتقالي وجدار رسماته كبار

على كل كوميدينو فيه تعليقات عليها شمعتين من نفس لون الغرفه

ياليت تكون خذيتو فكره واضحه عن الغرفه واي سؤال عنها انا حاضرة

اريد افكار بتزين الكميديني والتسريحه وشو ازين الخزانه ال فيها سدات

انا فكرت احط العطور ال فوق الكوكيدينو بمندوس صغير يكفي العطور ال استخدمها وبين كل فتره والثانيه اغير بين العطور ال بالخزانه وال العطور ال على التسريحه

وفكرت اشتري كرسي خشبي على شكل مريحانه بس اخاف اضيج بالغرفه وما اعرف من وين اشتريه

وبعد اريد اغير مفرش السرير من وين تنصحوني اشتري غيره وشو اللون المناسب اريد ابتعد عن اللون البني او البيج او البرتقالي او الاحمر اريد اغير شوي

وبعد فكرت احوط السرير باعمده خشبه واغطيه بستاره من الشيفون يعني مثل سرير الاميرات بقصص السندباد، بس ما اعرف وين افصل هالاعمده

وبس ها ال عندي ياليت تعطوني افكاركن حبيباتي

**أم كنه** · 2008-08-13, 04:33

حطي ع ابجورتين ع الكومدينات ..والعطور كنت قبل مسويه مندوسين صغار للعطور واحد لي وواحد لريلي اما الحين حطيت اكسسوارات ع التسريحه وحسيت احلى وارقى ..والعطور حطيتهم في كبت طويل وخليته ع زاويه غرفه الملابس وطلع احلى وبخصوص المريحانه والله انتي شوفي حجم الغرفه اذا تناسب ولا مالها داعي وفكري لبعدين ممكن تحتاجين اغراض لبنتج غير السرير وبتحمين الغرفه باشياء وايده ..مثل كبتها والعابها الخ ..الكفر عندج اماكن وايد تبيعه ..مثل لايف ستايل بي اج اس..وفمركز زايد كذا محل ..شين ون

**مبدعة النت** · 2008-08-13, 08:53

التسريحه حطي عليها مفارش فخمة واتوقع مخمل احلى ... وشمووع وورد منثر ....

بالنسبة للكرسي اللي على شكل مريحانه ... بتلقينه في حول الأمارت للمفروشات ..

عندهم احجااام واشكال شوفي اللي يناسبج من الحجم ..

**redmoon** · 2008-08-13, 15:26

المشاركة الأصلية كتبت بواسطة أم كنه

حطي ع ابجورتين ع الكومدينات ..والعطور كنت قبل مسويه مندوسين صغار للعطور واحد لي وواحد لريلي اما الحين حطيت اكسسوارات ع التسريحه وحسيت احلى وارقى ..والعطور حطيتهم في كبت طويل وخليته ع زاويه غرفه الملابس وطلع احلى وبخصوص المريحانه والله انتي شوفي حجم الغرفه اذا تناسب ولا مالها داعي وفكري لبعدين ممكن تحتاجين اغراض لبنتج غير السرير وبتحمين الغرفه باشياء وايده ..مثل كبتها والعابها الخ ..الكفر عندج اماكن وايد تبيعه ..مثل لايف ستايل بي اج اس..وفمركز زايد كذا محل ..شين ون

فكرت احط ابجورتين على الكوكيدينو بس حسيت ما ينفع احط شمعدان و ابجوره

وعن العطور ريلي وايد يحب يتعطر ويحب تكون العطور جدامه مع ان افضل ان اخلي كل شي بالكبت لان ارتب ، تعرفين بجرب احطهم فالكبت وبساعده يتعود على الترتيب اليديد

مشكوره اختي على الافكار

**redmoon** · 2008-08-13, 15:27

المشاركة الأصلية كتبت بواسطة مبدعة النت

التسريحه حطي عليها مفارش فخمة واتوقع مخمل احلى ... وشمووع وورد منثر ....

بالنسبة للكرسي اللي على شكل مريحانه ... بتلقينه في حول الأمارت للمفروشات ..

عندهم احجااام واشكال شوفي اللي يناسبج من الحجم ..

مشكوره اختي على الرد