صفحة 1 من 51 12311 ... الأخيرةالأخيرة
النتائج 1 إلى 7 من 354
  1. #1
    تاجرة برونزية


    رقم العضوية: 29974

    تاريخ التسجيل
    28 - 04 - 2007
    الدولة
    UAE
    مشاركات
    8,706

    Thumbs up عبايا ايفا كوليكشن ملون Eva's Abaya Line with Limtid Edition exquisite designs ^_^


    [CENTER]





    السلام عليكم
    اسفة تاخرت لين ما نزلت الصور و الموضوع لانة كانت فترة امتحاناتي.. اليوم برجع انزل الصور اللي اختفت من موضوعي مرة ثانية و ضفت 8 ديزاينات يديدة و كلها ليمتد اديشن limited edition يعني بفصل منهم عدد محدود جدا.



    اليوم بعرضلكم مجموعة من عبايات ايفا.. و بستقبل عليها طلبات لفترة معينة و بعدين بوقف اخذ الطلبات لظروف الدراسة و رمضان ^_^



    اولا: نبذة عن عبايات ايفا..
    العبايات من تصميم مواطنة و غير موجودة في محلات العبي .. معضم الشغل في العبايات يتم تنفيذها يدويا handmade . جميع العبايا تصمم معها شنط evening bags و اكسيسوار للشعر و ذلك بالطلب بس اليوم مابعرضلكم الشنط ولا الاكسيسوار لاني ما قدر اخذ عليهم اوردرز حاليا لين شهرسبتمبر.





    من اشهر الديزاينات الموجودة و اللي بعرضها على فترات :
    عبايا رومانية
    عبايا like a rainbow
    Lollipop
    Candy
    عباية Victorian style Ana Christina
    عباية hazelnuts
    عباية Lady Vintage
    ديزي Daisy
    Azrar
    Vintage Rose
    Blizzard
    عبايا البف Puff





    الاسعار


    اسعار العبايات المعروضة تبدأ من 550-1200 AED
    الاسعار المعروضة غير شاملة الاكسيسوارت من شنط او هيد باند او هير كليب فقط اسعار طقم العباة مع الشيلة.

    الخامات


    خامة العبايا: باريس ( تشبة الانترنت بس غامجة وايد و احسن عن الصالونة) او انترنت او صالونة1 او 2 (السعر بيختلف للصالونة 1).
    خامة الشيلة: دجى الليل او ساري فرنسي (السعر بيختلف للساري).

    القياس


    القياس: تاخذينة من اي خياط او تسوين سكان حق اي فاتورة عندج.. عندي فورم بطرشة لج و تعبينة او ممكن اطرشين قياسج ويا اي شركة توصيل ^_^

    التفصيل


    التفصيل: من 20 يوم الى 25 يوم على حسب الموديل و الشغل.

    الدفع


    الدفع: عن طريق الايداع في البنك.

    التوصيل


    التوصيل: عل مشترية ارامكس 40 درهم.. او امبوست 25 درهم و البريد الممتاز للطلبات الخارجية.


    الطلب


    الطلب: الرجاء ارسال الصورة نفسها و تحديد اللون المطلوب. اللي حابة تطلب تراسلني عل خاص فقط و اللي عندها استفسار ممكن تحطة عل عام و انا برد عليها ^_^



    الكوليكشن





    Abbaya number 1
    Name: Candle Light Limited Edition
    Price: 1200 AED
    Sheila: one side
    Description:
    عباية فيها شغل باللون البنفسجي و البرونز و الذهبي والعنابي الغامج المحمر مع كرستال و لولو و خيوط نحاسية الشغل بارز مش تطريز .. ممكن تتنفذ مسكرة او مفتوحة الموديل سمبل بس وايد ربشة تنفع للمناسبات او العيد مع حركة مميزة جدا عل اكمام و الاكمام فرنسية بس خفيفة مب وايد وسيعة ..الشغل ياي عل اكمام بشكل يديد و مبتكر و العبايا محددة بلون ذهبي نحاسي من الامام و الاطراف و امام الصدر بعد و شغل الشيلة طرف واحد ياي في النص مع شغل عل صدر من الجهتين وياي بشكل مميز كذلك. هاي العباة بفصل منها طقمين فقط!! يعني اللي بتاخذ العباة بتكون متميزة فيها وانا ماحب اكرر في الموديلات احب افصل من كل طقم عدد محدود جدا وللي دوم يفصلون عندي يعرفون هالشي ^_^ على فكرة العباة جدا راقية في اللبس وتركيب الشغل اللي فيها خذ وايد وقت و خامتها صالونة رقم 1..







    Abbaya number 2
    Name: Vintage turquoise Lace (Limited Edition)
    Price: 900 AED
    Sheila: One side / ruched at side
    Description:
    عبايا مسكرة الشغل متركز فيها عل كمين و الصدر اللون جدا مميز و مب منتشر وايد وهو اللون التركواز المغبر الفينتاج ولونة وايد حلو و يناسب الاسود.. كم العباة عادي بس ممكن انفذة فرنسي و الشغل ياي بشكل طولي لين نص اليد مثل ماهو واضح في الصورة.. العباة فيها كسرات مميزة عل يد و الصدر و الشيلة كذلك و الشغل ياي عل صدر بشكل طولي و الشيلة نفس الحركة و مزمومة من عل طرف و العباة محددة بلون تركواز من الجهتين.. هاي العباة بفصل منها 3 اطقم فقط!! اللي حابة تكنسل شغل الصدر و تسوي الايادي فقط مع الشيلة بنزلها السعر ^_^






    Abbaya number 3
    Name: Black Diamond Vintage Rose (Limited Edition)
    Price: 1200 AED
    Sheila: One side
    Description:
    عبايا مسكرة خامتها صالونة 1 لونها جدا مميز و من لونها استوحيت اسمها ههههه.. اللون هو اللون الفضي المعتق المغبر اللي راد على رمادي و هو لون الموضة لون البلاك دايموند ^_^ عبارة عن دانتيل راقي جدا و مطرز عل عباة بشكل دائري و مميز و حركة الكم وايد حلوة و مبتكرة و فيها فتحة داخلها دانتيل مزموم و الشغل لين الكوع تقريبا و الصورة تشرح اكثر .. عليها كرستالات سورافيسكي اصلية بلون البلاك دايموند الفضي المغبر بس في الصورة بعدة الشغل ماكان مكتمل عسب جي مب مبين بس عل طبيعة لمعتها رهيبة و على فكرة انا مفصلتنها لنفسي و لبستها كذا مرة و دوم يسألوني عنها لانة اللون مثل ماقلتكم غريب هو مبين فضي بس هو شوي اغبر عن الفضي اوف وايتي و حلو ^_^






    الالوان اللي اقدر افصل منها لون البلاك دايموند اللي في الصورة (بفصل منة طقم واحد فقط!!)
    اللون البنفسجي العيناوي رهيب في اللبس مع لمعة ذهبية و فية نقشات بسيطة جدا باللون الباذنجاني (بفصل منة 3 اطقم فقط طقم واحد انحجز اوردي)
    اللون الرمادي مع الفضي هو قريب من اللون المعروض بس اغمج يعني ياي رمادي مش فضي.



    اللي حابة تخفف من الشغل ممكن انقص في سعرها بس للونين البنفسجي او الرمادي فقط البلاك دايموند سعرها ثابت 1200 درهم لاني بفصل منها طقم واحد فقط و اللي بتاخذها تكون متاكدة من هالشي!!





    Abbaya number 4
    Name: Blizzard
    Price: 950 AED
    Sheila: one side
    Description:
    العباية هاي تصلح للسفر لانة فيها فرو.. يعني ماتخيل وحدة تلبس فرو في عز الحر الحين.. يمكن في الشتاء من اسمها بليزرد يعني صقيع هههههههه. المهم الشغل على كم اليد مع ورود كبار و ريبونات و سلاسل + كرستالات السوارفيسكي ( الكور ) + لولو احجام مختلفة (ممكن المتيريالز و طريقة تركيب الشغل تتغير على حسب اللون والشغل المطلوب) .. يوم اوصفها شكلها ثجيلة بس هيه خفيفة في اللبس .. ممكن تتنفذ باي لون و افضل الالون للتنفيذ هذا الموديل الاسود + البنفسجي الغامج (باذنجاني) + البني الشوكليت. اللون اللي في الصورة مفصل حق حد وغير موجود حاليا.. العباية هاي تاخذ وايد وقت للتنفيذ لانها شغل يد كل قطعة فيها تتركب بروحها من السلاسل الى الورود عسب جي بخذ عليها طلبين فقط الان. الشيلة من نفس شغل الكم بس ياي في النص بشكل مميز ونازل منها سلاسل. اللي حابة تضيف شغل زيادة عل الصدر السعر بيختلف.
    الالوان المتوفرة
    الوردي – البني – الاسود – الباذنجاني (بنفسجي) – الرمادي – العنابي








    وهاي صورة طلبية اخت ويانا في المنتدى من قطر .. الشغل بلون الرمادي الفاتح بس استبدلت الماتيريالز بدال الوردة استخدمت بروش فيكتوري بنفس اللون و السلاسل و الكرستال السواروفيسكي بلون البلاك دايموند و دانتيل فرنسي راقي بدرجتين كخلفية و طلعت بهذا الشكل ^_^



    Evening bag:
    هاند باق هاند ميد من نفس الشغل و حركة الفرو السلاسل على طرف واحد.




    Abbaya number 5
    Name: Aqua with sequins (Limited Edition)
    Price: 750 AED
    Sheila: one side
    Description:
    عباة تتنفذ مفتوحة او مسكرة الشغل متركز عل كمين فقط و الكم فرنسي واسع تقريبا 9 انش (يعني يوم ترفعين يدج الكم يوصل لين الكوع عشان جي تنلبس في المناسبات) مبطن من الداخل بساتان بلون الاكوا ( السماوي) الشغل وايد يلمع عل طبيعة لانة كلة فولك شفاف و ياي بشكل حلو و مخرم اللون غريب ماجد شفت عباة مفصلة بهاللون .. شغل الشيلة طرف واحد .. ممكن اضافة شغل عل صدر للي تحب .. العباة محددة بنفس اللون من الاطراف و بفصل منها 3 اطقم فقط .





    Abbaya number 6
    Name: vintage pink with velvet and sequins
    Price: 750 AED
    Sheila: one side
    Description:
    عباة تتنفذ مفتوحة او مسكرة الشغل متركز عل كمين فقط و الكم فرنسي واسع تقريبا 9 او 10 انش (يعني يوم ترفعين يدج الكم يوصل لين الكوع عشان جي تنلبس في المناسبات) مبطن من الداخل بساتان بلون الوردي اللي راد على فوشي نفس لون المخمل اللي في الصورة الشغل عل كمين ويلمع لانة كلة فولك نفس اللي قبلة .. شغل الشيلة طرف واحد .. السعر هذا بدون شغل الصدر اللي حابة تضيف شغل عل صدر السعر بيختلف .. الشغل اللي عل صدر يكون عبارة عن لعب بقماش نفس لون المخمل وياي لين نص البطن تقريبا و الحركة وايد حلوة مابغي اعرضها عل عام .. اللي حابة تضيف شغل عل صدر لازم تفصلها مسكرة : )



    تابع
    التعديل الأخير تم بواسطة zoomyat ; 2008-09-23 الساعة 23:54 سبب آخر: مسح الصور


    لطلب جديد عبايا ايفا راسلوني على الخاص



  2. #2
    تاجرة برونزية


    رقم العضوية: 29974

    تاريخ التسجيل
    28 - 04 - 2007
    الدولة
    UAE
    مشاركات
    8,706

    افتراضي

    Abbaya number 7
    Name: cottage girl
    Price: 650 AED
    Sheila: one side
    Description:
    عباة عملية الشغل متركز عل كمين فقط و الكم فرنسي ..اللون بيج راد على لون القش و فية سلاسل و كور فضية صغيرة و الشغل مثل ماهو مبين في الصورة.. شغل الشيلة طرف واحد .. السعر هذا بدون شغل الصدر اللي حابة تضيف شغل عل صدر السعر بيختلف العباة محددة من الجوانب بلون البيج.... اقدر انفذها مسكرة او مفتوحة ^_^



    Abbaya number 8
    Name: drops
    Price: 850 AED
    Sheila: one side
    Description:
    عباية بقصة مرتبة من جدام و فيها كسرة خفيفة الشغل نازل من عل صدر مثل ماهو واضح في الصورة... الشغل كلة هاند ورك و متعب و ياخذ و قت في التنفيذ اللي حابة تطلبها تستعيل فيها.. ممكن الماتيريلز تختلف بختلاف اللون المطلوب.. ولازم تتنفذ مسكرة مايصير مفتوحة عشان الموديل اللي جدام يبين.. اللون اللي في الصورة مكس برونز + قولد + كستنائي .. اللي حابة الوان ثانية ممكن افصلها .. و العباة محددة من الاطراف بلون كستنائي و تنفع للحامل في الشهور الاولى لانها فيها حركة بسيطة جدا من تحت الصدر.




    Abbaya number 9
    Name: Lady Oscar
    Price: 850 AED
    Sheila: one side
    Description:
    عبايا مسكرة الشغل متركز فيها عل كمين اللون جدا مميز وملكي وهو اللون الاخضر العشبي اللي فية لمعة ذهبية.. كم العباة عادي بس قصتة قديمة نفس الرسوم ^_^ و الشيلة نفس الحركة و مزمومة من عل طرف و العباة محددة بلون الاخضر من الجهتين.. لون الليس المستخدم جدا فخم في اللبس و الكرستال الاخضر ياي علية بشكل حلو و طبعا كللكم تعرفون انة الشغل بالليس / الدانتيل مع الكرستال ابدا ماطيح موضتة بعكس التطريز اللي يتقلد بسهولة و تروح موضتة.







    Abbaya number 10
    Name: Like A Rainbow
    Price: 750 AED
    Sheila: all over
    Description:
    عباية بسيطة لكن مشغولة من الخاطر.. ملونة الشغل متركز فيها عل كمين من الكف لين الكوع ( ممكن تخفيفين الشغل اذا ما تحبين الزحمة) ..و موديلها غريب وايد تلفت في اللبس لانة فيها لمعة تصالق من بعيد ههههه بسبة افيكت المرايا.. العباية تتفصل مفتوحة او مسكرة.. و مابعرض الصورة عل عام حفاظا على حقوق الطبع لانة العباة وايد خذت وقت في التنفيذ لين ماطلعت بالشكل النهائي..


    Hair accessory:
    كليب من نفس شغل العباية .. الصور عل خاص





    Abbaya number 11
    Name: rosette
    Price: 650 AED
    Sheila: one side
    Description:
    عباية مميزة.. فكرتها و لونها اوريجنال .. اللون برتقالي صارخ مع كرستال و العباية مسكرة و محددة بلون اورانج .. الخامات المستخدمة مختلفة خليط من الصوف و المخمل المخطط .. شي منها لون ثاني اللي هوليبرد و الخلفية بني .. العباة ملفتة باللون البرتقالي و اللي ماتحب الالوان الصارخة مابتعيبها!! الشغل عل كمين و الشيلة طرف واحد و العباة هاي وايد انطلبت مني و لين الحين تيني طلبات عليها عسب جي اللي تباها تستعيل لانة الالوان تخلص بسرعة البرتقالي فصلت منة 3 اطقم فقط و هو غير متوفر حاليا. ممكن افصلج معاها كليب للشعر.



    الالوان الموجودة: البني مع الليبرد ( جلد الفهد) – الوردي مع الابيض و قطعتها رهيبة عبارة عن صوف –– الزيبرا مع الاسود عملية و مرتبة - الجينز الكاجوال بوهيميان ستايل تنفع لبنات الجامعة اللي يحبون الاستايل الشبابي ^_^





    Abbaya number 12
    Name: Silver Leaves
    Price: 850 AED
    Sheila: One side
    Description:
    عبايا الشغل متركز فيها عل كمين و الصدر.. عبارة عن دانتيل و تور مطرز علية باللون الفضي والاسود .. العبايا محددة بلون سيلفر من اربع جوانب كما هو موضح في الصورة .. قصة اليد فرنش ممكن عمل اضافات عل ظهر . شغل الشيلة طرف واحد. العباة مفتوحة بس ممكن تتنفذ مسكرة.



    Abbaya number 13
    Name: plaid
    Price: 550 AED
    Sheila: one side
    Description:
    عباية سمبل الشغل فيها باللون الاحمر .. محددة من الجوانب بنفس اللون الشغل متركز عل صدر و الكمين مع اضافة حركة مميزة بس بسيطة في نهاية العباية. الشيلة محددة بنفس اللون و نفس الشغل اللي عل طرف الشيلة.قصة اليد عادية مايستوي فرنسية لهذا الموديل الا اذا غيرت لج الحركة ^_*

    تابع
    التعديل الأخير تم بواسطة zoomyat ; 2008-09-23 الساعة 23:57 سبب آخر: مسح الصور


    لطلب جديد عبايا ايفا راسلوني على الخاص



  3. #3
    تاجرة برونزية


    رقم العضوية: 29974

    تاريخ التسجيل
    28 - 04 - 2007
    الدولة
    UAE
    مشاركات
    8,706

    افتراضي

    Abbaya Number 14
    Name: Anna Christina
    Price: 600 AED
    shiela: One side
    Description:
    عبايا فكتورية مبطنة بساتان بنفسجي و دانتيل و مزينة بكاميو ( بروش) وعلى الدانتيل فصوص بنفس لون الساتان.. قصة اليد عادية و مزينة بليس اسود نفس شغل الصدر العباية جدا مميزة و وايد انطلبت مني ( سبق و عرضتها في موضوعي الجديم) بس ماقدرت اخذ كل الطلبات عليها لاني كنت مزحومة و ماقدرت اخذ كل الطلبات.
    الالوان اللي اقدر افصل منها: السيلفر و البنفسجي فقط كان فية برونزي بس خلص.
    انا غيرت سعر العباة لانة سعر خامات هاي العباة بالذات تغيرت الليس و الكاميو تغير سعرة و ماحصلت البروش القديم اليديد سعرة غير.





    Evening bag:
    شنطة فكتورية كلتش كيوت و عملية الشغل و البروش من نفس لون العباية ..
    (السعر غير محدد حاليا .. يعتمد على سايز الشنطة).




    Abbaya number 15
    Name: Lollipop
    Price: 700 AED
    Sheila: one side
    Description:
    عباة مفتوحة من جدام عل رقبة شغل بالمخمل و اللولو البرونزي الفاتح. و الشيلة شغل طرف واحد بس فية اكثر عن موديل اختاري اللي يناسبج من الصور. و كم العباة فرنسي يتني طلبات عليها قبل بس بعد مارمت اخذ اوردرز وقتها لاني كنت مضغوطة و اعتذرت للبنات.. اللي تبغيها تفصلها الحين لاني مابرد اخذ عليها طلب بعدين لانها تاخذ وقت في التنفيذ اكثر عن الباقيات الشغل كلة هاند ميد و يبالها وقت على ماتزهب.. بالنسبة للاوان ( البرونزي اللي في الصورة مخلص.. اللي حابة بيبي بينك وردي او بيبي بلو ازرق او سيلفر نفس السامبلات المعروضة واللي تباها ملونة ملتي كلر بعد ممكن).






    Abbaya number 16
    Name: Azrar
    Price: 650 AED
    Sheila: one side
    Description:
    عباية بسيطة الحركة المميزة فيها انة عليها شيفون ينلم من جدام ب بروش فية سلاسل... و مدخل فيها سلاسل و ازرار ملونة عل كمين ..و موديلها فعلا غريب و مستحيل تتقلد. ممكن انتي تحددين لون السلاسل قولد او سيلفر. هاي العباة تلفت النظر و انا مفصلة مثلها لدرجة انة في مرة وحدة ماعرفها في الجامعة و قفتني و سألتني عنها.. و بعد مرة كنت لابستنها و سمعت هنتين يأشرون وعقب وحدة سالتني كيف مسوية عباتج .. هههه... مادري مع انها ملونة بس لانة الشغل غريب شوي. العباية تتفصل مفتوحة او مسكرة .. اللي في الصورة مفتوحة. اللي تبا هاي العباة تستعيل في طلبها لانها تاخذ وقت في التنفيذ شوي لانة كل الشغل فيها هاند ميد.


    Abbaya number 17
    Name: bronz with velvet
    Price: 650 AED
    Sheila: one side
    Description:
    عباية بسيطة بس عملية في نفس الوقت الشغل بلون البرونزي المحمر بس مبين في الصورة ذهبي بس هو برونزي.. فيها مخمل و مشغول علية مثل ماهو موضح بالصورة.. و الكم فرنسي خفيف.. العباة تاخذ وقت في التنفيذ لانة الشغل كلة يتركب يدويا عسب جي باخذ عليها طلبين فقط.. هاي العباة وايد اليجانت في اللبس و ماتربطج بلون معين و تناسب الطلعات او حتى العزايم البسيطة.. اللي تبا تخفف الشغل براعيها في السعر : )



    Abbaya number 18
    Name: bat girl
    Price: 470 AED
    Sheila: no shiela provided.. You can order if you wish
    Description:
    وايد خوات راسلوني يسألوني اذا اقدر اسويلهم العباة البحرينية.. انا ماعندي موديلات للعبي البحرينية بس اختى مفصلة وحدة عند محل مادري كيف شكلها بس هيه واسعة وايد وايد و مافيها كم يوم ترفعين يدج لين تحت الكوع تقريبا تبين و خامة الحرير البحريني و تنلبس للمناسبات لانها ملفتة وايد في اللبس .. انا ماحبيتها لانها ماتناسبني بس فية ناس تطلع عليهم حلوة و مرتبة في اللبس ^_^ اللي تبا اقدر افصلها العباة لانة في اخت من المنتدى تباني افصلها عشان جي اللي تباها تخبرني عسب افصلهم مرة وحدة.. بس انا ماسوي عليهم شغل .. افصل العباة سادة لانها تنلبس مع اسكارفات. والسعر المعروض غير شامل الشيلة.


    اليوم ضفت الصورة لانة كذا عضوة حبت اتشوف شكلها في اللبس .. بس الكم عند الرسغ بس يوم ترفعين يدج يوصل للكوع




    رجاء الطلبات عل خاص و الاستفسارات عل عام.. بليز اقروا الموضوع عدل المرة اللي طافت بنات سألوني اسئلة انا اوردي مجاوبة عليها بليز اي سؤال عل عام لانة الانبوكس فل عندي و الاسعار موجودة فوق كل صورة وين كلمة برايس بالانجليزي و بالنسبة للشنط حاليا مابقدر اخذ كل الطلبات عليهم ..


    بالنسبة للموديلات انا ماعندي صور زيادة.. بليز لاطرشولي رسايل عشان احط صور ثانية والحمدللة وايدات اللي فصلوا عندي مب طقم و طقمين ..5 اطقم مرة وحدة والعبي وصلتهم مثل ماشافوها في الصورة بالضبط ^_^ .. الصور بطرشهم عل خاص فقط لزبوناتي اللي سبق و فصلوا عندي و ماقدراحطهم عل عام حفاظا على خصوصية الموديل والافكار و الي بتاخذ العباية. انا ماروم اظلم حد توارث الافكار موجود و بعض القصات ممكن تتطبق عسب جي مابغي احط صور الديتيلز عل عام والرقم بعطية للجادات فقط!!

    بعض الموديلات ليمتد اديشن.. يعني بفصل منهم بس طقم واحد عسب جي.. ماقبل الحجز.. اللي بتحجز الطقم تحول البيزات خلال يومين و اذا ماطرشت بعتبر الحجز لاغي و بفصل الطقم للزبونة الثانية

    اتمنى الكوليكشن هذا يرضي جميع الاذواق ^_^


    .
    التعديل الأخير تم بواسطة zoomyat ; 2008-09-24 الساعة 00:02 سبب آخر: مسح الصور


    لطلب جديد عبايا ايفا راسلوني على الخاص



  4. #4
    تاجرة برونزية


    رقم العضوية: 97112

    تاريخ التسجيل
    01 - 07 - 2008
    الدولة
    دبي
    مشاركات
    595

    افتراضي

    موفقه يارب





  5. #5
    تاجرة برونزية


    رقم العضوية: 37099

    تاريخ التسجيل
    09 - 06 - 2007
    الدولة
    دبي-ند الحمر
    مشاركات
    84,624

    افتراضي

    مووووووووووووووفقة


    كوليكشن مغربي جاهز و تفصيل 0559570776
    http://forum.uaewomen.net/showthread...3#post43224953



  6. #6
    نجمة متألقة


    رقم العضوية: 56245

    تاريخ التسجيل
    20 - 10 - 2007
    الدولة
    راس الخيمة
    مشاركات
    318

    افتراضي

    الغالية

    ممكن اعرف وين ساكنة؟؟؟؟؟؟؟؟؟؟؟؟؟؟؟؟؟؟

  7. #7
    تاجرة برونزية


    رقم العضوية: 69062

    تاريخ التسجيل
    07 - 01 - 2008
    الدولة
    London
    مشاركات
    6,830

    افتراضي


    .
    .

    ربيــ يوفــ ق ـج غلاايـ ..^^"
    > لا إلـــه إلا أنـت سبحانــك إنــي كنــت مـن الظـالـمـيـن <

    .
    .

صفحة 1 من 51 12311 ... الأخيرةالأخيرة


المواضيع المتشابهه

  1. Monya Collection - Abaya Designs from kwt
    بواسطة miss q8 في قسم : أزياء و موضة
    مشاركات: 24
    : 2010-10-05, 08:23
  2. عبايا من دار M&A Abaya Art
    بواسطة إمارتيه في قسم : Garage Sale
    مشاركات: 44
    : 2009-06-19, 18:10
  3. مشاركات: 48
    : 2009-05-16, 10:05
  4. عبايا ايفا Eva's Abbaya Second Collection
    بواسطة Maria_Louisa في قسم : المول العام
    مشاركات: 310
    : 2008-08-02, 05:34

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  



Loading