إستفسار عن الحبوب الصينيه للتنحيف ؟؟؟؟؟

[عنود الجزراوية]

السلام عليكم ورحمة الله وبركاته خوااااااتي

حابه أستفسر إذا في وحده منكم جربت أو سمعت عن الحبوب الصينيه للتنحيف

وحده من ربيعاتي تستخدمه واااايد ضعفت عليه بس أنا متردده وخايفه يكون له آثار جانبيه

فياريت لو في حد منكم عنده خبره أو مجربه تفيدني جزاها الله خير ......

[دلال الشوق]

اختي الي فاد غيرج ما يفيدج

[عنود الجزراوية]

الغالية شو شكل الحبوب لان في وايد انواع

حبوبه العلبه خضره وفيها ظل وحده باللون الأصفر وفيه كتابه بالصيني تحته كتابه بالإنجليزي ( XIANME SLIMMING CAPSULE )

[عنود الجزراوية]

اختي الي فاد غيرج ما يفيدج

إختي بس في وايد بنات استخدموه وضعفوا .... بس أنا سؤالي هل الحبوب الصينيه لها أثار مضره

[ايامي]

ممكن الغاليه اتطرشيلي على الخاص من وين وكيف استعماله..

[reem-m]

مب زين اختي انا و اربيعتي خذناه انا الحمدلله ما ستوالي شي بس اربيعتي تمت اترجع و نوموها قالو عندها شي في الكلى يارب اتشافيها...ما اقولج ما يضعف بالعكس نزلت واايد عليه بس عقب فتره اذا و قفتي اتردينهن دبل! و ها كله يحبس السوائل اللي فالجسم و لازم تشربين وايد ماي و ها خطر انا ماكنت اعرف عقب ودرته...

خلج على الرجيم و الرياضه احسن و السموحه.

[حلو الأمل]

هلا أختي أنا استخدمهن الحمدلله من شهر تقريبا ولله الحمد نزلت عليهن 10 كيلو حتى ماكملت الشهر
وبصراحة أخوي كان مجربنهن قبلي ونقص قولي ماشاءالله نقص ( فوق 45 كليو ) ولله الحمد مافي أي اضرار والوالد استخدمهن ونزل عليهن في الأسبوع 5كيلو وأختي فديتها استخدمتنهن.
ولين الحين استخدمهن بالعكس واااااايد استفدت منهن بس بصراحة مرات تيوعين وأنا عن نفسي أمسك نفسي عن الأكل عشان أضعف مافيني لأني ولله الحمد يتني الوظيفة وماريد يكون شكلي مبهدل.
والعيد ياي وخاطري البس شي زين وع فكرة فوق كل هذا عشان صحتي.
إن شاءالله أكون فدتج.