الي تزوجت شخص كارهته وبعدين؟ ضروري اختكم متورطه ارجوكم الله يخليكم ويدخلكم الجنه يارب

[Wolves_grl]

عزيزتي المسألة مش في شكله في نفسيتج انتي الظاهر مش متقبلته ابد من كلامج لأنج لو كنتي تحبينه باتحبين شكله لو كله عيوب بتنعمين بحبج له...

نصيحتي لج قبل لا تتخذين اي قرار استخيري ربج هو الوحيد اللي بايقولج وبيسهل عليج دربج سواء بالاستمرار او بالطلاق...لكن لو تمت نفسيتج على نفس الحالة لا تغامرين علشان اتشوفين بعد الزواج شو يصير...ترا لي فات الفوت ما ينفع الصوت احتمال تحبينه واحتمال تكرهينه اكثر...

حاولي تتفاهمين معاه بأنج مو مرتاحة لهالخطبة ومو لازم تشرحين التفاصيل يا حرام غامضني الريال يبين انه يحبج...وممكن هو بنفسه يتفاهم ويا اهلج على الأنفصال ويتقبلون اهلج على الفكرة دامها يت منه...واذا خلاص مصرة ما تكملين معاه حاولي اتفهمين اهلج امج ولا ابوج انه هذا زواج مو لعبة يعني تخافين ان الموضوع يكبر بعدين للأسوء فدامج على البر اسحبي نفسج بهدوء لكن قبل كل شي عزيزتي استخيري ثم استخيري ثم استخيري...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[salamh]

لالا اختى لا تغصبين نفسج على شى انتى ما تريدينة وهى حياة وعشرة عمر مش يوم ولا يومين لالا من اللحين وانتى على بر الامان اذا مش مرتاحة فكى الخطبة واللة يعوضج ويعوضة احسن من الورطة بعدين وعندج عيال ما تقدرين تسوين شى

[ونــة ألــم]

من راقب الناس مات هما

والرجل ما يعيبه شكله ولا لونه دام انه اخلاق ويعرف ربه وشاريج

ولو انتي ما تبينه مب ضروري توافقي عليه ولا حتى اهلج حتى لو يوج مليون مرة يخطبونج

مب مسألة انهم تفشلوا ووافقوا هذا مب يناصيب يا يصيب يا يخيب هذا زواج

واعتقد يوم اهلج سألوج انتي بعد وافقتي يعني مقتنعة الى حد ما بالريال

اختي اللي صار مكتوب من رب العالمين ولو في نصيبج حتى لو فيه عيوب الدنيا كلها ربي بيآتيج به

ولو مب من نصيبج حتى لو يكون توم كروز ربي ما بيسهل فيه

استخيري ربج وفكري بدل المرة مليون لان هاي عشرة عمر مش فسحة تنتهي بانتهاء الاجازة

هاي حياة وعشرة وعيال ومستقبل

استخيري واذا ما ارتحتي من حقج ترفضي دام انكم بعدكم في البر

وعلى كلام الناس ما في كائن حي على وجه الارض كامل لان الكمال لله وحده

كل واحد في الدنيا اذا ما عنده عيب عنده عيوب

والناس اللي يطنرزون هم نفس الشي مب كاملين

اذا انتي مقتنعة بالريال وحاسة انها بيعشج في راحة اقبلي وتوكلي على رب العالمين

واذا تميتي تسمعي كلام الناس اسمحي لي اقولج انج بتكوني في عداد العوانس بعد فترة ووقتها الناس ما راح ترحمج


الله يوفقج

[السيده نفافه]

يا اختي اذا مب قادرة تتقبلين الريال لااااااااا تتزوجينه
عشان صدق بتظلمينه وبتظلمين عمرج

بس قبل كل شي فكري زييييييييييييييييين

احس اللي مأثر فيج كلام الناس عن شكله وطنازتهم
الناس في كل الاحوال يرمسون ومااااااااااايسكتون

ياما رياييل أشكالهم غااااااااااااويه بس بدون أخلاق

فكري عدل يا اختي عشان يوم تاخذين قرارج ما تندمين

نفس ها الراي باجر اذا خذتيه وانت نافره منه كيف بتخلينه يتقرب منج حتى في الامور الخاصه ما بتقبلينه بتنفرين منه وبتجرحينه وهو شارنج ويباج وانتي لايعه جبدج منه واذا اطلقتي بتردين تلومين اهلج واذا طلعوا عيالج مثله شو بتسوين ,العرس مب بس ادب واخلاق الاعجاب له دور كبير ما ينهمل في الزواج .....باي طريقه حاولي انج اطولين الخطوبه ليين ما تستقرين ع راى ودخلي اخوج في الموضوع اقرب بين وجهات نظركم

[عزي قرآني]

همم
صلي استخاره

[Love_Babies]

هذا نصيبج ادعي ربج

[وردة راك]

استخيري والله يكتبلج اللي فيه الخير والصلاح

[كشيخة]

اختاري الشخص اللي تحسين انج بتتمسكين فيه طول عمرج لان هذا زواج! اذا الحين مب مقتنعه فيه ارفضيه..وشو اكثر شي بيستوي يعني؟ اككككككككبر شي بيستوي انه اهلج بيزعلون يومين وبيرظون...بس انتي اللي بتعيشين ويا هالريال مب اهلج! وانتي اللي بتجابلينه 24 ساعه اذا الحين مب مقتنعه فيه ماظن بعد الزواج والعشره بتستمرين بدون مشاكل..هاي وجهه نظري

[HATAAN]

انا مع اختي (صبح وليل)

استخيري ربج وان شاء الله اتحصلي الجواب ف استخارتج

والله يوفقج حبــوبه

[ام ميروه]

وايد في السوق كنت اشوف رياييل حلوين وحريمهم مب حلواات بس يبان عليهم الحب
اهم شي انج تحبينه ومثل مايقولون الحب اعمى .. مابتشوفين شكله جي صدقيني
وربي يسعدج ويوفقج

[Style Bébé]

اختي استخيري

وإذا كان على المتن صارحيه وقوليله انزين سوي رجيمم وقوليله مابنعرس غير وانت ضعفان ..

[A.H.S]

فديييييييييييييييييييييييتج

يبتييهاا صح

هذا وضعي *-*

بصييييييييييييييييييييييييييح

اطيب منه ماشي ومو بس يحبني يمووووووووووت فيني
بس مب طااايقته ابد والسبب شكله, قصيير ومتين واسمر
كلمته مسكييين
احب السماار (لاني بيضه فنصير شكولاته بالحليب ^^) والمتن هو حليله نزل واايد ويسيير الجم وتعدل جسمه
طبعا مايروم يطوول روحه ولا جاان حاول ,,

المشكله اني حااسه بالذنب,,
اخاف بعد الزوااج تم كارهته وهو ماله ذنب
وانا من اللحين مش مقصره فيه, وروحه قاايل لاخته انه حااس اني احاول اطفشه,,
مدري شسوي!!
اوقاات ابي اكلم هلي اقولهم مابييه,, واوقات افكر حراام بس عشاان شكله الرياال ماعليه كلام

احترت صج
وماحصلت بالردود اللي يتج شي يفيدني غير لا اتزوج قبل لا اتاكد,,

[*عواش*]

مممممممممم الله يعينج صح الاخلاص اهم وكل شي بس بعد الشكل مممم مهم


الله يعينج غلاي

[رعبوووبه]

ليش تغصبين عمرج عليه؟؟؟

السالفه مب لعبه و لا شي هين عشان تغصبين عمرج عليه

هاي عشرة عمر

و اذا مب مرتاحه ويا الريال لا تظلمينه وياج ..

خليه يشوف نصيبه

و حاولي تشرحين لاهلج الوضع ..تتعبين اسبوع وياهم ...

احسن عن ما تتعبين طول عمرج و يا ريال ماتطيقينه

[حساسه]

شوفي حبيبتي أنا بقولج شي وهالكلام تراه واقع مب كلام وشعارات وكلام مسلسلات!!

أول شي لازم تكونين مرتاحه لهالشخص .... بكل حالاته بغض النظر شو السبب اللي يخلج كارهته!!

بس هالشي لازم يكون عن قناعتج الخاصة! مب متأثرة بكلام ناس من برا.. وأنا متأكده أنه سبب
نفورج منه كلام الناس!!!! لذلك الناس حبيبتي بيروحون بيوتهم وبيحطون روسهم وبينامون مرتاحين
وأنتي اللي الأمر يهمج! لاتخلينهم يشورون بج!

قصة الشكل! أذكر مره داوم عندنا مدير! أول ما داوم كنت أقول الله يعين زوجته كيف مقابلته!(اشتغفر الله)
يعني ما أقدر اقول قبيح ربنا ما يخلق القبح ولكن سبحان الله شكله ما تتقبله بالمرررررررررره!!

الشخص هذا قمة الطيبه! بعد كم شهر شوفي سبحان الله! كنت أتكلم معاه وبنية طيبه (وبراءه) قلت ماشاءالله
عليه رموووش ونظرة عين!! لو الله يرزقني! بعدين انتبهت! كيف انه اول ما داوم ما كنا متقبلين شكله
ولا مشيته وكل شي كنا نشوف فيه زين!!!!! ولكن شوفي مع الوقت صرنا نشوف فيه أشياء جميله والسبب
طبعه!!!!!!!!

ولو كان الشخص ملك جمال وطبعه وصخ! سبحان الله ما تقدرين تطالعين في ويهه!!!!!!

ولكن مثل ما قالولج البنات استخيري!!!! وإذا شفتي نفسج مب متقبله من قناعة شخصية
الأفضل تفسخين، .. لكن لا تنسين إن لله في خلقه شؤون!! ممكن باجر اييج الجميل ولكن
تعيشين تعيسه!!!!! خلج حكيمة وخايفه ربج في كل قرار ..... عشان ما تدور الدواير عليج!!1

أتمنى لج كل خير وإن شاءالله توصلين للحل السليم