لبسها صدمني ،، ومب عارفه كيف اتصرف !!

**ميعاد الحب** · 2008-06-08, 02:21

السلام عليكم

اشحالكم ,, جفت مافي مشاكل يديدة فالقسم قلت احطلكم موضوع ههه

لا والله اتكلم جد في موضووع من زمااان فبالي واليوم عااد زااد عن حده وماعرفت اكلم منوو والله حدي مضايجه

ربيعتي الله يهداها لبسها لبس شبابي وانا مب من حقي اقولا لاتلبسين هاللبس لاني مره قلتلها ها لبس شباب وييع كرهتني فعيشتي وقلت فخاطري ياريت ماقلتلها

والله اني اعزها شرااات خواتي وماارضى عليها بأي سوووء وانا وياها من 8 سنووات

واقوولكم عااد يوم ادش المسن القاها حاطه صورتها وصورت ربيعتها طبعا ويها مب طالع وهم لابسين برمودا ودنيا ومره القاها حاطه صورتها وهي لابسه كااب وييع شو ها !!

انا يحليلي ع نياتي مااقول شي بس اليووم بما ان المزااج مش ولا بد

دشيت المسن عل وعسى القى حد يونسني ويعدل مزااجي

جان القاها اونلاين ويوم سلمت الحبيبه وسولفت جان اتغير الصوورة وهنييه عااد الصدمه

اتخيلوا يالسه فممكاان عاام ولابسه تيشيرت والشعر امنتف يعني اللي مابيعرف انها بويه بيعرف

والله العظيييم تغمضني والله حراام هالبنت جي تسوي فنفسها والله

هالانسانه اتخاف ربها واتصلي وتقرا قرآآن ,, بس ليش اتسوي فنفسها جي !!

لاتقولولي انصحيها يوم اقولا ليش وليش اتم اتفاتن واتقول لااا انا مش بويه

اوكي مب بويه ليش لبسج جي ؟؟ ليش شعرج جي ؟؟

انا مابا اخسر صداقتها لانها انسانه طيبه وموول ماضرتني في شي

بلييز ابا نصاايحكم وكيف اتصرف ويا هالمخلووقه قبل ماتغرق

الله يسااامح رفقااء السووء والله محد مخربنها غير هالبنااات الضااايعاااات اللي اهلهم امهيتينهم شرق وغرب

انا ماارضى عليها لانها شرااات اختييه ولا ابا اخسرها لان بداخلها انسانه اتخااف ربها

بس المشكلة هالبنات اللي مرابعتنهم والله انهم دمااااااااااار شاامل ):

لبسها والله صدمني يوم حطت صورتها ,, قلت فخاطري ياريتني كنت على عماااي ولا دشيت المسن
سوري اذا الكلاام مب مرتب لاني مب قادره استوعب السالفه اصلاااا

نصايحكم بلييز ,,

المزيد من آخر المواضيع من نفس القسم:

**OM MUBARK** · 2008-06-08, 02:47

وايد بنات يتغيرون من يدشون الجامعه او يتغير المحيط اللي عندهم
يعني مثل ماقلتي رفيقات السووووء
والله نفس الحاله ويا ربيعتي من دشت الجامعه بترت شعرها وتسوي حركات تقهرر اونه تيلس بدفاشه وتتصرف بدفاشه
وانا يوم اقولها تعصب وتزعل وتقول والله مستحيل ومادري كيف
انا ماعرف المقصد من هالحركات بس اكيد هم حصلوا الانتباه من هالاسلوب وهالطريقه يعني جذبوا البنات لهم
وفي النهاايه انتي ماتقدرين تغصبينها على شي يعني ادعيلها بالهدايه وبس مادام اسلوب النصيحه مامشى معاهاا
والله يهدي البنات وين عقولهم يوم يسوون هالحركاااات ؟!؟

**bnt zayed 98** · 2008-06-08, 02:48

الله يهديها ويهدي الجميع ان شاء الله
مالج حبيبتي غير الدعاء

**mshmoom** · 2008-06-08, 02:53

الله يهديهاا

**احاول انسى** · 2008-06-08, 02:54

يمكن هي استايلها من النوع الاسبورتي يعني تحب تلبس برمودا وترتاح اكثر .. وعن سالفة الكاب حتى انا مرات البس كاب في البيت بس حق الدلع خخخخخخخخ ... يمكن هي مش بوية بس تحب هالاستايل لانها يمكن رياضية. بس فهميها انها مب لازم تسوي هالحركات جدام الرياييل لانه مب حلوة قوليلها تلبس شيلة جدامهم وماتسوي هالاشياء .

**حرمه يديده** · 2008-06-08, 02:54

اختي إذا ما تقدرين تنصحينها ويه بويه خذي لها اشرطه محاضرات و الا بالعماله سيري معاها مكان و حطي شريط محاظرات .. يعني اتعمدي انها تسمع محاضرات دينيه عن هالسوالف عسى الله يهديها .. دوووري لها قصص و لو قدرتي ألفي لها سوااااالف تخوفها من هالجانب ( أخاف تقولين مابي اجذب بس احس هالجذب بيكون في صلح لها ما ادري لو ما عيبج هالشي الغيه ) المهم ذكرييييييييييييييييييييها بالعقاب و الحساب بس بطريقه غير مباشره يمكن تودر هالحركاااااات ...

**نسيم_البر** · 2008-06-08, 03:01

لو انتي صدق صديقتها ...بكل معنى الكلمه ...

صدييييييييييييييييييييييييييييييييييييقتها...

جان سايستيها وخليتيها تفتح قلبها ...

بشوي شوي يريتيها من هالعالم..

من دون ما تحس سحبتيها من عند اربيعاتها ...

صدقيني هاي الانسانه ..فيه نقص حنان..

في يوم من الايام كانت منسيه ..

في يوم من الايام كانت شخص بلا هويه مع ناس من دمها ولحمها ..

والانسان المكبوت والانسان اللي يمر بمواقف..تحذفه من قائمة العائله

ولا قائمه الحب...

يكون بهاي الطريقه البشعه يحاول يسترد ما فقده بطريقه خاطئه..

اسمحيلي يا ميعاد..
الصداقه مب كلام ...الصداقه كل معاني الاخلاص..وحب الشخص والوفاء له ...
الصداقه مب يعني انج تشوفين صديقج تغرق وانتي تتفرجين ..

لا

انا عنديه صديقات وقسم بالله ... الله يستر عليهن دنيا واخره ..قبل لا يغرقن..

مسكت بيدينهن وطلعتهن من هالوحل اللي عايشاتنه...

من دون ما يحسن

من دون ما اعتب عليهن ولا اضغط عليهن ...

ويوم الحمدالله الله رضى عليهن

خلاص لا صار شي ولا استوا...

والي صار شي بلعته ولا كانه صار

(يا ليتها صديقتي ... جان عرفت كيف انتشلها من اللي هيه فيه )

اختج نسيم البر

**طيف وردي** · 2008-06-08, 03:07

المشاركة الأصلية كتبت بواسطة bnt zayed 98

الله يهديها ويهدي الجميع ان شاء الله
مالج حبيبتي غير الدعاء

المشاركة الأصلية كتبت بواسطة mshmoom

الله يهديهاا

المشاركة الأصلية كتبت بواسطة حرمه يديده

اختي إذا ما تقدرين تنصحينها ويه بويه خذي لها اشرطه محاضرات و الا بالعماله سيري معاها مكان و حطي شريط محاظرات .. يعني اتعمدي انها تسمع محاضرات دينيه عن هالسوالف عسى الله يهديها .. دوووري لها قصص و لو قدرتي ألفي لها سوااااالف تخوفها من هالجانب ( أخاف تقولين مابي اجذب بس احس هالجذب بيكون في صلح لها ما ادري لو ما عيبج هالشي الغيه ) المهم ذكرييييييييييييييييييييها بالعقاب و الحساب بس بطريقه غير مباشره يمكن تودر هالحركاااااات ...

**ME_ME** · 2008-06-08, 03:10

ماعليه فالبيت عادي تلبس اللي تباه

نحن نلبس شورتات وسوالف سبورتيه بس مش في الاماكن العامه عاد!!!!!!!!!

قوليلها ترى الحين اذا ظهرت بلبس رجالي برع عادي يزخونها التحريات عقب مانزل القرار اليديد

حاولي وياها باي طريقه

الله يهديها

**ميعاد الحب** · 2008-06-08, 03:11

المشاركة الأصلية كتبت بواسطة احاول انسى

يمكن هي استايلها من النوع الاسبورتي يعني تحب تلبس برمودا وترتاح اكثر .. وعن سالفة الكاب حتى انا مرات البس كاب في البيت بس حق الدلع خخخخخخخخ ... يمكن هي مش بوية بس تحب هالاستايل لانها يمكن رياضية. بس فهميها انها مب لازم تسوي هالحركات جدام الرياييل لانه مب حلوة قوليلها تلبس شيلة جدامهم وماتسوي هالاشياء .

والله يا قلبي كلاامج ع العين والراااس وانا مب معترضة ع لبس الكااب او الاستايل السبورتي

وحيااتج لبسي ساعات يكون سبوورتي بس ماافصخ الحيااا جداام الناااس مالبس كاب جدام الناس

بس عيب البنت تطلع جي جدام العالم شو بيقولون عنها ؟؟

اوكي اذا ستايلها سبورتي ليش تطلع جدام الناس بهالصوورره شو بيقولون عنها الناس ؟؟ هااي بوويه ؟؟!!

**LittLe.** · 2008-06-08, 03:50

الله يهديها ويهدي الجميع ان شاء الله

**عروس جديده** · 2008-06-08, 03:59

و ي يا ما شفت مثل هالبنات يوم كنت ادرس كانت وحده جي سلسله في الرقبه و مستحيل تنورة كل يوم بنطلون و تيشرت شبابي و نظارات كشخه و حلقه شعرها بموس عشان يستوي خشن و سموكي و الله هي حلوووووووووه بس ها الشي يخرب فيها و يوم حد يقوللها بويه تقووووووول لا عيل بلا عليج شو بيتحرون الناس و هم يشوفونج جي ؟؟؟؟!!!!

**(بنوووته)** · 2008-06-08, 06:00

الله يهديهااااااا ان شااءلله...

**...(مريّة)...** · 2008-06-08, 07:51

إذا فعلا تصلي وتخاف ربها وتقرا قرآن بتعرف
إن اللي تسويه تشبه بالرجال ، الله يهديها

**ميعاد الحب** · 2008-06-08, 10:04

مشكووورين على مروركم ودعواتكم الصاااادقه

وان شالله احصل حلول اقدر استفيد منها

الموضوع: لبسها صدمني ،، ومب عارفه كيف اتصرف !!

أدوات الموضوع

عرض

لبسها صدمني ،، ومب عارفه كيف اتصرف !!

المزيد من آخر المواضيع من نفس القسم:

المواضيع المتشابهه

انا حامل ومب عارفه كيف اتصرف :(

مو عارفه كيف اتصرف

مقهورة..و مب عارفه كيف اتصرف !!

هلا حبوبات..بنتي بس عارفه كيف اتصرف

مو عارفه اتصرف