الي تبا أجر تدخل..........

دلوعة خطيبها*-* · 2008-05-31, 16:02

السلا عليكم

خواتي انا حامل فالشهر الرابع وهذا اول حمل لي

وبدا جسمي يتغير تعرفون كيف..

وهالشي بدا يضايقني وايد مب متعوده انه جسمي جذي يكون..

ومرات احس فجأة بضيق واكتئاب مادي ليش من يوم حملت وانا بين فتره والثانيه

احس بضيق واكتئاب حتى مرات احس اني اكره نفسي..

مادري شو السبب يمكن عشان جسمي منتفخ والله مب عارفه ليش!!!

الله يخليكم الي مرت بنفس حالتي تنصحني لأني صج تعبانه نفسيا..

انا وايد مستانسه عالحمل وبالعكس قاعده اتشرى للبيبي بس مادري شو سبب هالضيقه؟؟

وكل وحده بترد علي لو بكلمه اطيب الخاطر اقولها مقدما يزاج الله خير..

المزيد من آخر المواضيع من نفس القسم:

**روحي تحبـك** · 2008-05-31, 16:09

أول شي ربي يتمم لج هـالحماااال ،،
ويـقر علينج بـشوووفة البيبي
عاادي حبوووبه أحيد خواتي نفسج من اييهن الضيق يتمن يصيييحن بعد
وهالـشي عادي جسمج ينتفخ وتضييق بج الدنـياااا ..
بس أصـبري ما ورا التعب الا الراااحه بإذن الله
ومـااعليج شر حبوووبه

**بنت-المها** · 2008-05-31, 16:15

عادي حبيبتي ضريبة الأمومة عليج بالصبر و الصلاة و الله يتمم لج على خير

**bulbula** · 2008-05-31, 16:19

الله يتمم حملك على خير و يسهل عليكي ولادتك..
الضيقه هذي شي عادي أنا هذا ثالث حمل لي و أمس كنت أقول لبنات تجمعنا في المنتدى انه ضايق صدري فجأه و بدون سبب..و تنتابني حالات بكاء و ضيقه باستمرار و ما فيه شي تعمليه غير الإستغفار و ان شا الله فتره و تعدي..
أسأل الله العظيم رب العرش العظيم أن يفك ضيقتك و ضيقتي و ضيقة كل حامل اللهم استجب

دلوعة خطيبها*-* · 2008-05-31, 16:19

روحي تحبك ..
بنت-المها..
مشكورات خواتي على ردودكن عالاقل حسيت انه هالهشي طبيعي تحس فيه اي وحده حامل ..

**غلا الحب** · 2008-05-31, 16:27

السلام عليكم ورحمة الله وبركاته

اختي لاتضايجبن ولاتكدرين بعمرج

انتي فكري في الاهم

صحتح وصحة البيبي

الحرمة الحامل يتغير جسمها والهرمونات تتبدل خلال فترة الحمل هذا شي طبيعي

اتعوذي من الشيطان وكثري من سماع القرآن

وربي يبعد كل ضيج عنج

**دلوعه حماده** · 2008-05-31, 16:31

عادي حبيبتي ضريبة الأمومة عليج بالصبر و الصلاة و الله يتمم لج على خير

**قايده الغزلان** · 2008-05-31, 16:34

انا قريت انه مثل هالاشياء اللي تمر فيها الحامل طبيعية بسبب تغير الهرمونات يعني مرات تحس بانفعالات وتعصب بسرعة واحيانا تحس بضيقة

تبين الصدق حتى انا شالة هم اني بمتن وبيتغير جسمي ويمكن شكلي بعد بس كله يهون في سبيل الجنين اهم شي يطلع سليم معافى

**أمورة** · 2008-05-31, 16:37

الغاليه انا نفس حالتج...

ضاربني اكتئاب فضيع لاني توني عروس و جسمي بدا ينتفخ (احتباس سوائل) و بعدني ما تهنيت ويا ريلي (لانه بعيد في دوره من بعد العرس) يعني يوم ريلي بيي من الدوره بكون غير عن الانسانه اللي قبل....و هالشي وايد مسببلي اكتئاب و ضييج...

طبيعي مودج يتغير في الحمل...و احتباس السوائل بعد. كثري من الماي عسب ما يصير لج احتباس و كلي وايد سلطات. انا الحين بديت جيه اسوي و ما آكل عيوش و خبز و معجنات. و ان شاء الله ما انتفخ وايد (ماريد ازيد أكثر عن الزياده الطبيعيه. و ان شاء الله براقب عمري)

انا بديت هاليومين اقرا الاذكار و ايد و اقرا قرآن بعد عسب يروح عني الاكتئاب.

سوي مثلي أكيد بترتاحين.

الله يعينج و يعيني و يعين كل الحوامل.

**مرت سلطان** · 2008-05-31, 16:39

حبيبتي عليج بالاستغفار وترا هاي هرمونات الحمل اتخلي الوحده على اعصابها ....الله يهدي بالج ان شاء الله

**زوجه الياسي** · 2008-05-31, 16:42

تدرين انا هالحمل جي..
اللهم ثبت حمل كل حامل وقر عينهن بالطفل الصالح المعافي كامل الخلق والخلقهـ بدون زياده ولا نقصان و ترزق كل محرومهـ عاجل غير آجل يارب العالمين

**..>روح غاليها<..** · 2008-05-31, 16:48

حبيبتي انا شراتج
كارهه عمري
يقولون لانها فترة تغير هرمونات
فيكون مزاجج متعكر ..,,
حتى اليوم يالسه في الصاله
امي تقولي شوفيج
اقولها كارهه عمري

**reemyah_1** · 2008-05-31, 17:29

السلام عليكم ورحمة الله وبركاته....

أختي دلوعه عادي الأحساس طبيعي يسمونه اكتئاب الحمل الله يبعده عنج حاولي تذكرين الله دوووم وتستغفرين وتقرين قرآن...واذا على انتفاخ الجسم شو تقولين عنيه انا اهئ اهئ اهئ مستويه درام ديزل
وبعدني في الرابع عيل في التاسع شو بستوي شاحنه.....الله لا يقول
لا والقهر كنت مسويه ريجيم قاسي فبل لا أحمل....يالله الحمدلله على كل حال
كلها كم من شهر وبيي البيبي بالسلامه وبتسوين ريجيم وبتغدين أحلى عن الاول انشالله...

**رومنسيه دوووم** · 2008-05-31, 18:00

ايه والله وانا بعد شراتج ضديجه مرات وايد ابكي

الله يمرر هالفتره علينا ع خير ان شا الله

**ام منصور81** · 2008-05-31, 18:38

الله يسهل عليك اختي ويبعد عنك الضيق ..اللهم امين

الموضوع: الي تبا أجر تدخل..........

أدوات الموضوع

عرض

الي تبا أجر تدخل..........

المزيد من آخر المواضيع من نفس القسم:

المواضيع المتشابهه

الموظفه إلي تشفط لطفلها تدخل بليز - ولي توها مخلصه الاربعين بعد تدخل

ياريت كل وحده تعرف وردة الجاردينا تدخل و حتى اللي ما تعرفها تدخل

مرحبا خواتي ... اللي تبى تدخل مرحبابها واللي ما تبا تدخل على كيفها ^_^

اللي ريلها يدوخ تدخل..وللي تقدر تفيدنا بعد تدخل ^^

يارب الي تدخل وتجوبني تدخل الجنه ويغفر لها بها الشهر الكريم