بيتزا بيتزا بيتزا هوووووووووت ياويلكم منها

**زنبقه** · 2008-05-13, 01:33

اليوم عندنا بيتزامأقول سهله لاء بصراحه يبيلها شغل >>>يعني العجزانات مأنصحهن يدخلن
اذا عرفتو سرها راح تودعووووووووون بيتزا المطاعم وللابد
البيتزا لذيذه لأبعد حد يعني يبيلها شغل >>> متعوووب عليها

نبدأ في المفيد
عجينه فرنسيه =
7
7
(ملعقة خمير+كاسين ماء + فنجال سكر+كاس طحين مذوبه مع بعض وتترك لمدة 10دقائق)
بعد ذلك يضاف اليها(علبة حليب سايل+ كاسة ماء +فنجال زيت +4كاسات طحين) وتعجن جيدا
وتترك العجينه ترتاح مغطاه لمدة عشر دقائق اخرى >>>
عاد ونشوف صلابة العجينه من طراوتها ونزيد الدقيق او نقلل وكل ماكانت العجينه طريه كانت أظبط بس مو سايحه

يعني تحتفظ بشكلها لمن تتشكل ولمن تمطينها ترجع بسرعه
معليش كثّرت عليكم الشرح لانه كثيرين يسألون عن الصلابه تختلف من نوع طحين لثاني
عموما الطريقه ذي للطحين الفاخر او الكويتي او البر الاماراتي المطحون محليا واللي استعملته اليوم هنا
وهذي صورة العجينه مقسمه قسم فردناه وقسمين باقيين على فكره الكميه كبيره مره انا اسويها واخزنها في الثلاجه اخبزها نص استوى واطلع منها على فترات

مقادير حشوة الخضار :
نقطع ريش او قطع طويله (مو مره)للمقادير التاليه ونخلطها
2فليفله(فلفل رومي)+5أصابع نقانق +2طماط +بصل +سن ثوم مطحون ناعم +نصف علبة ذره+نص علبة+ زيتون اخضر واسود مقطع +علبة مشروم مقطعه شرايح+2فلفل حار يفضل احمر عشان يعطي لون+ملعقة ملح ناعم+وملعقة بهارات مشكله

نجي للصوص
عباره عن (علبة معجون طماط كامله+ملعقة دقوس للي يحبون الحريف+ملعقتين زيت زيتون +4ملاعق كاتشب +نص ملعقه صغيره فلفل اسود وملعقة كمون+ملعقة ملح صيني +ملعقه كبيره ونص زعتر لبناني (اللي معه سمسم أو الساده مو مشكله) )

كيس جبن موزريلا مبشور +4 ملاعق جبن سايل
نفرد العجينه في الصينيه بواسطة اليد او الفرّاده الصغيره بشكل متساوي وطبقه رقيقه ندهنها بملعقتين من الصوص بواسطة الملعقه

ثم نغطيها بطبقه رقيقه من حشوة الخضار
نضع الجبن السايل في كيس ونفتح فتحه صغيره على احدد زواياه ونصبه بشكل دائري على كاااااافة البيتزا ونرش فوقه جبنة الموزريلا المبشوره (عشان تختلط مع بعض تضلها تتمدد ولو البيتزا دافيه)

ندخلها الفرن وتكون قريبه نوعا ما من النار السفليه ولمدة سبع دقائق الى عشر ومن ثم نرفعها قريبه من الموقد العلوي لمدة خمس دقائق تقريبا او الى ان تشقّر
نقطعها بالقطاعه العجله وهي ساخنه

وبالعافيه على قلوبكم بس لاتنسون تجهزون المطافي لانها مرّّّّّّّّّّررررررره حاره
باقي العجين تقدرون تعملون منه لبنه بعد فرده في صاج تخلط ملعقتين لبنه مع ملعقة زيت زيتون وتدهن به العجين بسخاء>>>مو بفقر
ونرش عليها يأما الزعتر اللبناني او زعتر ساده وبعده رشة ملح وحبه سودا وسماق وزيت زيتون ونحمرها من تحت شويه ومن فوق شويتين وبس

عاد الله الله في الردود ترى قعدت ساعه كامله بس على عمل الموضوع

المزيد من آخر المواضيع من نفس القسم:

الجـــوري* · 2008-05-13, 01:39

يعطيج العافيه..................
.............................بس ما في صور

الجـــوري* · 2008-05-13, 01:58

اممممممممم شكلها لذيد
تسلم ايدينج
انا ماعرف ليش دايما العجينه ما تضبط معاي

**فيض الحروف** · 2008-05-13, 02:49

يعطيج العافيه شهيتيني

باجر راح اسويها ان شاالله

**huda.N** · 2008-05-14, 22:36

تسلمين

**نور زوجها** · 2008-05-14, 23:22

روووووووووووووووعة مشكورة

شكلها لذيذة

**زنبقه** · 2008-05-15, 05:44

المشاركة الأصلية كتبت بواسطة الجـــوري*

اممممممممم شكلها لذيد
تسلم ايدينج
انا ماعرف ليش دايما العجينه ما تضبط معاي

جربي هالطريق واكيد باذن الله راح تظبط

ولاتنسين الدعوه الحلوه ولكي مثلها مقدما

المشاركة الأصلية كتبت بواسطة فيض الحروف

يعطيج العافيه شهيتيني

باجر راح اسويها ان شاالله

سويها وصوريها وهاتي صورتها هنيه

وبالعافيه مقدما

المشاركة الأصلية كتبت بواسطة huda.N

تسلمين

الله يسلمج

المشاركة الأصلية كتبت بواسطة نور زوجها

روووووووووووووووعة مشكورة

شكلها لذيذة

جربيها بتعجبج اكيد

**Baby22** · 2008-05-15, 05:53

والله شهيتينا
بس الغاليه بالنسبه للتخمير بس 10 دقايق ... ولا اكثر ؟

**flymengo** · 2008-05-15, 15:59

يعطيج العافيه

رووووووووووووعة

**خريجة إدارة** · 2008-05-15, 20:56

اممممممممممممممممممممممممممم

**dala dubai** · 2008-05-15, 21:02

يم يمي

يعطيج العافيه

**مروهاج** · 2008-05-16, 10:34

وين نصيبي

**اناقه** · 2008-05-16, 16:41

يعطيج العافيه

**الاميره...** · 2008-05-16, 16:45

واااااااااااااو
مشكوره وراح اجربها باقرب وقت ان شاء الله

**زنبقه** · 2008-05-16, 17:27

بالنسبه لكمية الفلفل تقدرون ماتضيفون الدقوس

يعني تكتفون به في خلطة الحشوه

بس والله ولا ارووووووووووووووووع

الموضوع: بيتزا بيتزا بيتزا هوووووووووت ياويلكم منها

أدوات الموضوع

عرض

بيتزا بيتزا بيتزا هوووووووووت ياويلكم منها

المزيد من آخر المواضيع من نفس القسم:

المواضيع المتشابهه

بيتزا خاصة تجنن افضل بيتزا لذيذة و مقادير البيتزا

أحلى بيتزا...وأسهل بيتزا

بيتزا هت

ابى طريقة بيتزا روعه مثل بيتزا هت

الغاليات بغيت اعرف مكان بيتزا ان و بيتزا لاند فالشارجه ضروري