تجارب العضوات في شغلي ---------

**ام شامخ 2** · 2008-03-24, 21:45

هذي تجربة مشرفتنا قموزة

المشاركة الأصلية كتبت بواسطة القمزية

سـلام عليكم خواتـي

اليوم حابة اكتب عن تجربتي ويا ماكييرة

تستحق هاللقب بصراحة. . عاللي شفته

أسلـوب . . نظافـة . . لباقـة .. طولة بــال

خفة الايد فالعمـل . . شغل متقـن

. أم شامـخ .

بصراحة تجربتي ويـاج . . كان وايد حلوة ومرضية

ييتلج ليلة العيد عسب تسوين شعري . . صح اني

تأخرت شوية . . من كثرة الزباين ماشاء الله . .

بس ماقصرتي فيني بحسن ضيافتج لي . .

أحلى شي يوم توصين خيرية عليه ^.*

خلصت من شعري الساعة 11

وسرت البيت وانا مستانسة اني تعاملت وياها

. . رجعتلها صباح العيد وحطيت الميك اب

حليلها كانت مخلصة شغل الساعة 3 الفير . .

ماظن ارتاحـت . . سوتلي ميك اب غاوي وبسيط للعيد

حبيت شكلي لوول . . واهلي بعد عيبهم الشغل . .

ماقصرتي يام شامخ . . ياحيج يا بنت دار الأمـان . .

الله يوفجج يارب ونشوف ابداعج . .

بنات ترى فمجلد الأنيقة . . ام شامخ حاطة شغلها

باسم . . العـلا . . ^.* فضحتج لوول

وترى ام شامخ تسشور الشعر وتسوي تشقيير ومن هالسوالف

يعني مب بس ميك اب ^-^

الله يوفجج عزيزتي

أختج قمـوز

المشاركة الأصلية كتبت بواسطة نور 2007

حبيت اشكر أم شامخ الله يجزيها الخير على المكياج الي سوته النا يوم الخميس الماضي في العرس كان بصراحة روعة والكل سالنا وين متمكيجين وطلعتنا صدق غيييير والشي الثاني اسلوبها وايد راقي في التعامل مع الزبائن فعلا هذه الانسانة ذوق

وانا بصراحة اول مرة اكون راضية عن مكياجي

المشاركة الأصلية كتبت بواسطة حبيبة توتو

بصراحه انا حبيت اشكر الغاليه ام شامخ وتسلم ايدها ع المكياج الحلو

ماشاالله عليها انا اي مناسبه عندي اسير عندها اتمكيج ومحد ماسألني عن مكياجها شغل نظيف ومرتب
ماشالله روعه روعه ربي يوفقج يا الغاليه
يعطيج العافيه

المشاركة الأصلية كتبت بواسطة jeenan

السلام عليكم ورحمة الله وبركاته

سويت مكيجي حق عرس

طبعا عند ام شامخ لا خليت منها....

بس طبعا هالمرة لاني مجربة مكياجها اللي قبل

قلت لها خليني غير.....

بسم الله ما شاء الله عليها....

صدق صدق اللي شافني قال بتنافسين العروس الليلة

الله يحفظها...

بس طبعا ماقدر احط صور من صوري ...

بس اللي مجربنها بيعرف شغلها...

تسلمين حبوبة...

وهذا حقج ...

لا خليت ولا عدمتج

واللي يبغي رقمها يكلمني على الخاص تراها من بوظبي هي

المشاركة الأصلية كتبت بواسطة jeenan

السلام عليكم ورحمة الله وبركاته

اسمحوا لي على العنوان

بس ما لقيت شي يناسب الا هالعنوان...

صراحة من شهرين وانا شايفة لها صورة مكياج...

وحجزت عندها...

وطبعا المكياج في البيت

رحت لها .. ودلتني البيت

وتمكيجت عندها وسويت تسريحة...

بس لما رحت البيت وشافوني خواتي

تخبلوااااااااااااااااااااا

والله حتي خالي وخوي دشوا عليي

ما عرفوني .........

مكياج ولا احلى... رووووووعة

تسلم يديها..

والا التسريحة انعم واحلى تسريحة....

حتى يوم ييت افكها ولا تعبت منها...

ورووووعة مسوية لي الشعر مرفوع ومنزلة منه خصل ...

صدق صدق خلتني غيييييييييييير

وهذي كلمة حق لازم اقولها.. اعطي لكل ذي حق حقه...

وهذا حقها .... مش اني اسوي دعاية....

اللي مش مصدقة تحجز وتشوف ...

لا عدمتج يا ام شامخ2

تراني حاجزتنج يوم 24 /2

باذن الله ابغي شي نفس اللي سويتيه لي هالمرة...

المشاركة الأصلية كتبت بواسطة business

السلام عليكم خواتي..

أمس سرت اتمكيج عند الاخت ام شامخ 2

الصراحه مكياجها روعه
وطلعتني غير غير
والصراحه انا انعجبت في عمري من طريقة المكياج اللي سوته لي
والكل كان يسألني من وين متمكيجه
وفوق هذا كله
اسلوبها وايد راقي وحلو
وتعاملها ويالزباين وايد راقي
وتفوووووت عالقلب ^_^

مشكوره الغاليه وما تقصرين
والله يوفقج ويرزقج من حلاله ان شاء الله..

المشاركة الأصلية كتبت بواسطة نسج الخيال

مرحبا خواتي .. بقولكم المسلسل اللي حصل لي يوم الخميس بتاريخ 7/6/2007 بس لا تضحكون علي بنات ..
قبل يوم الخميس بأسبوع حجزت عند أم شامخ علشان اتمكيج واتسرح عندها وبعدها أطلع على ملجة ولد عم ريلي اللي كانت في دبي :1 (81): .. أتفقت وياها على أساس أني بكون عندها في الشامخه على الساعه 4 العصر وبما أني ما أعرف المناطق الخارجيه لأمارة أبوظبي وما في مره سرت الشامخه أو بني ياس مع أني من أهل بوظبي فقمت بدوري سويت أتصالاتي مع بنات عمي وخواتي علشان يدلوني منطقة الشامخه ومن ذكاءهم الخارق اونهم دلوني المنطقه لكن امحق مدله الا ضيعوني :1 (36):
طلعت الساعه 3 من بوظبي وما اتصلت في أم شامخ مع انها الحرمه قالت لي أتصلي فيني وانا بدلج المنطقه لكن أوني انا واثقه من عمري ادل الشامخه .. الله وكيلكم أسوق بالسياره الين ما وصلت للباهيه جان أتصل في أم شامخ اقولها ها وين بيتكم انا في منطقة الباهيه تخيلوا الحرمه مش عارفه تضحك ولا تصيح اكيد انصعقت وقالت انتي وين وصلتي انتي قريب دبي ونحن بعد مصفح وبعد منطقة خليفه فتخيلوني ذيج الساعه بموت من القهر ..

المهم خذت نفسي ورديت الين جسر المقطع وأم شامخ معاي عالخط وبعدها عطت أخت زوجها التليفون علشان تدلني عالطريق وبعد عذاب وحواطه لمعظم المناطق الخارجيه لأمارة أبوظبي وصلت لبيتها طبعا ببركة أخت زوجها اللي كانت تضحك علي وتقولي المفروض يسحبون الليسن منج ويعطونج تراي من أول ويديد ..

وصلت عندها الساعه 4:15 وأول ما دخلت عندها الصراحه كأني أعرف هذي الحرمه من زمان .. والله ما أبالغ اذا أقول ان أم شامخ فعلا شامخه بأخلاقها والتعامل معاها فعلا راقي وأنا قعدت معاها ساعه لكن كنت أتمنى اطول لأن يلستها ما تنمل وخصوصا أخت زوجها العسوله اللي كله تضحك وتضحكني وياها وأم شامخ تقول لأخت زوجها لا تضحكين علشان ما تضحك وياج الحرمه ويخترب الميك اب .. ومعاها بعد وحده للشعر بعد شغلها وايد راقي وحلو .. بالنهايه طلعت من عندها وانا مستانسه من شغلها اللي أكثر من روعه مع أن سعرها وايد قليل يعني سعرها لا يذكر بالمقارنه بشغلها المرتب ..

(تتوقعون ان السالفه خلصت لا لا لا لا بعدنا في أول المشوار)

وانا طالعه تسألني أخت ريلها تدلين الطريق اللي يطلعج لدبي ورديت عليها بكل وثوق نعم أدل الطريق ولا تحاتين الغاليه .. المهم طلعت من البيت وانا طاره الشارع وفرحانه الا اشوف لافته كبيره مكتوب عليها بني ياس شرق جان افتح عيوني واقول في خاطري يا ويلي ويلاه شو هاي المصيبه انا شو طلعني للشارع هذا .. وانا في عز المحنه الا بأخت زوج أم شامخ تتصل فيني علشان تطمن علي وأنا اقولها الحقي علي تراني مضيعه وقامت المسكينه قالت لي ردي لنفس المكان المصيبه حتى طريق الرده مش عارفتنه وين.. المهم بعد تعب رجعت لنفس المكان لكن المصيبه مره ثانيه طلعت طريق غلط لكن هذي المره طريق المقبره الجديده اللي تودي العين .. شوي والحرمه بتستخف مني وتقولي أنتي شو طلعج طريق العين وانا ساكته من القفطه :1 (82): بعد معاناه شديده شفت دوار رجعت منه وبعدها وصلت لدوار سويحان اللين ما دخلت الطريق اللي يطلعني لدبي والفضل يوصل للأم شامخ وأخت زوجها العسل

أهم من كل هذا أني وصلت القاعه والكل يسألني عن مكياجي وتسريحتي واللي قرروا خوات زوجي انهم يحجزون معاي للعرس عند أم شامخ ..

ومن هذا المنتدى أريد أشكر أم شامخ على كل شي واسمحيلي ادري اني تعبتج وياي وايد بس يالله موقف وعدا على خير والمره اليايه ما بتبع شور بنات عمي بخليج معاي عالخط اللين ما أوصل بيتج :1 (84):

اشكر كل وحدة حطت تجربتها وياي
واللي ما حطت يكفي انها وثقت فيني وصلت الين عندي
ومرحبا بالبقية

الموضوع: تجارب العضوات في شغلي ---------

أدوات الموضوع

عرض

تجارب العضوات في شغلي ---------

المزيد من آخر المواضيع من نفس القسم:

المواضيع المتشابهه

بوودرة الكولاجييين ~ تجارب العضوات فقط

بنـــات لي عندها تجارب او تجارب غيرها عن مركز الدعم الاجتماعي ؟

&حياج تجارب البنات ....^_^ لوصفااات العضوات..

@زيت إزالة التشقق Magic - عن تجارب موثوقة وروابط فيها اسئلة العضوات @