جوله في منتجعات شاطئ ميرامار- العقة بالفجيرة من تصويري الخاص .. حياكم ^_^

**الــــورده** · 2008-03-05, 18:53

شحالكم بنات عساكم مرتاحين

واخيرا قررت اني احطي لكم الصور الي عندي عن منتجع ميرامار

بصراحه عجبني وايد وهيه اول تجربه لي مع فنادق الفجيره وان شاء الله ماتكون اخر تجربه

لانه صدق استانسنا فيه ويستاهل انه الواحد يرجع له مره ثانيه

ومكانه في اول العقه تعرفون انه شارع واحد مايظيع غير انه اللافتات في كل

مكان والفنادق كلها حذال بعض اول مره نروح لفجيره بس الحمدالله ماظيعنا

والحين نبتدي مع الصور واسمحولي لانه في بعض الصور مب واضحه

لانهم من كيمرة الموبايل وشي من كيمرتي

هاذي الصوره خذتها من النت يعني مب تصويري

بوابة المنتجع

وهاذي الصوره خذتها من بلكونت غرفتنا

اول بلكونه على اليسار بلكونتنا

الملعب

يتبعـ ..

المزيد من آخر المواضيع من نفس القسم:

**الــــورده** · 2008-03-05, 18:54

هذا اللوبي والباب الي على اليمين يوديج على الشاليهات والكوفيات و الاحواض

اما الي على اليسار يكون على مطعم بوفيه

على فكره المنتجع فيه كوفيين

كوفي للمشروبات والشيشه

والثاني يقدم اطباق خفيفه مع الكوفي والمشروبات الثانيه

ومكانه كأنه في نص حوض السباحه بس اليلسه فيه رهيييبه خصوصا فالليل الجو غيييير

وفيه بعد مطعمين واحد بوفيه للاسف ماصورته والثاني آسيوي وبتشوفون صوره بعدين

هذا الكوفي الي يقدمون فيه المشروبات والشيشه حسيتبه حق الشباب بس

هذا المنظر العجيب يكون ورا الكوفي وعلى اليسار تشوفون الكوفي الثاني

وهذا جانب من الكوفي الي حذال الحوض .. الحوض وايد كبير ماعرفت كيف اخذ صوره له

وخذت هالصوره من الكوفي في الليل بصراحه الجو ما ينوصف

يتبعـ...

**الــــورده** · 2008-03-05, 18:55

هاذي الصوره تبين الحوضين الصغير للاطفال ولكبير للكبار

مع انه الحوض لكبير متدرج في عمقه يعني ينفع بعد للصغار

هذا مثل الممر تروحون منه على الشاليهات واذا كملتوا فيه بيوصلكم للبحر

والحين قربنا من البحر ياعيني على البحر وجو البحر

وهنه الناس تشمس على البحر والله محد مستانس غير هالاجانب يا مكثرهم
هناك حسيت اني في دوله اجنبيه والله في بلادنا وشكلنا غلط بينهم

هذا صوب لتأجير الالعاب المائيه

صورت المكان في الليل فاضي وهادي اسمحولي الصوره مب واضحه وايد تصوير موبايل

هنه النافوره في وسط المنتج مجابلنها المطعم الاسيوي وعلى يمينها مثل مسرح
الي عيبني فيه انه شكله تراثي بس للاسف ماصورته وكانت فيه مسرحيه اجنبيه
مافهمت اللغه الي يتكلمون فيها ماعرفت من وين

وعلى يسارها محلات اتبيع الاشياء التذكاريه والتراثيه

هاذي صورت المحلات ادري بتحول عينكم خخخخخ لانه الصوره من الموبايل >< يالله شي احسن من ولا شي

يتبعـ...

**الــــورده** · 2008-03-05, 18:56

وحنى نتمشى فالليل لفت نظري شاليه فيه مسبح خاص بس للاسف المكان مكشوف وهذا هو

وهذا المطعم الاسيوي اكلهم بصراحه يخبل لذيييذ للاسف ما صورت الاكل
طلبنا شوربت تام يام وفرايد رايز بالشريم و نغر مقلي بس بصراحه شي لذييييذ
غير انهم يقدمون لكم مقبلات لذيذه صح ماعرفت مكوناتها بس طعمها لذيذ

وخدمتهم روعه كل من كلنا شي ايون يسئلون اذا عجبنا الاكل والا لا

هذا المكان مثل القسم فالمطعم للعائلات ذكرت موقف صار فيه
كانت قاعده فيه عائله شاميه شوي والا تدخل عليهم فرقه اسبانيه
لابسين الزي الاسباني وألات موسيقيه قديمه ويغنون لهم اسباني
الظاهر انه بنتهم مسويه مفاجأه لخوها ومرته بمناسبت يوم زواجهم
بس الصراحه سولنا جو استانسنا عليه

تكملت صور المطعم

وهاذي الشمعه الي على الطاوله خخخخخ ياعيني على الاجواء الرومانسيه

يتبعـ..

**الــــورده** · 2008-03-05, 18:57

هذا الممر في الشاليه الي يوصلج للغرفه

والحين بندخل الغرفه بس ستوووووب

قبل لا تدخلون الغرفه

تراني صورتها قبل الجك آوت بدقايق يعني معفوسه السموحه منكم

الغرفه فنانه و واسعه كان سعرها تقريبا بين 1000-1500 بس الاسعار تختلف على حسب الايام اذا كان ويك اند او اي يوم عادي

نرجع للصور

تبين البلكونه من ورا الجو فيها رهيب والمناظر احلى

والحين خلصنا ان شاء الله استمتعوا بالجوله فالمنتجع واسمحولي على الصور الي مب واضحه

اتمنى موضوعي عجبكم وان شجعتوني بحطيلكم صور فنادق واماكن ثانيه ان شاء الله

**وعد الشامسي** · 2008-03-05, 19:01

بصرااااااحه روووووووووووعه
الصور حلوه
و الله يسعدج أمين يارب العالمين

**قصة حنين** · 2008-03-05, 19:02

صراحه المكان روووووعه

مشكوره ع الصور

والله يهنيج حبيبتي

**الــــورده** · 2008-03-05, 19:16

وعد الشامسي & قصه حزينه

شاكره لكم ردكم الطيب

**um_khawaly** · 2008-03-06, 01:57

تسلمين الورده ع الموضوع الحلو ..
ما شاء الله المكان روووعه ..
بس ما قلتيلنا عن اسعاره ؟؟ ووين مكانه حذال العقه ؟؟

**الــــورده** · 2008-03-06, 02:25

المشاركة الأصلية كتبت بواسطة um_khawaly

تسلمين الورده ع الموضوع الحلو ..
ما شاء الله المكان روووعه ..
بس ما قلتيلنا عن اسعاره ؟؟ ووين مكانه حذال العقه ؟؟

والله ما اذكر سعره بالظبط بس اعتقد بين الـ1000 والـ1500

على حسب الوقت الي بتحجزين فيه اذا ايام عاديه او ويك اند

ومكانه في العقه حذال منتجع جال وروتانا بيتش اعتقد اسمه بس ترا فنادق العقه اظنتي كلها حذال بعض

وشارع واحد مايظيع وبتشوفون الافتات في كل مكان

**(( عيون ))** · 2008-03-06, 17:08

الله يعطيج العافية ولا هنتي

بانتظار مواضيعج الحلوة

الرب عليج حافظ

**الــــورده** · 2008-03-06, 19:25

المشاركة الأصلية كتبت بواسطة (( عيون ))

الله يعطيج العافية ولا هنتي

بانتظار مواضيعج الحلوة

الرب عليج حافظ

تسلمين الغاليه على الرد الطيب

منوره

**الــــورده** · 2008-03-07, 15:37

المشاركة الأصلية كتبت بواسطة مونامور

رووووووووووووووعه ماشاء الله..

والاجواء أروع..

مرورج الاروع الغاليه

**حصه دبي** · 2008-03-07, 15:43

الصراحه مكان جميل و المطعم الصيني رهيب لا تفوتونه

**moto** · 2008-03-07, 23:13

بصراحه تصويرج وايد حلو والمكان ووايد روعه ويا حضج اكيد وايد استانستو بقنع ريلي يوديني حق العقه

وتسلم يمينج يالغاليه على التصوير

الموضوع: جوله في منتجعات شاطئ ميرامار- العقة بالفجيرة من تصويري الخاص .. حياكم ^_^

أدوات الموضوع

عرض

جوله في منتجعات شاطئ ميرامار- العقة بالفجيرة من تصويري الخاص .. حياكم ^_^

المزيد من آخر المواضيع من نفس القسم:

المواضيع المتشابهه

حجزت بفندق ميرمار العقة بالفجيرة بس خوفوني البنات من منطقة العقة صج المنطقة مقطوعة

حجزت بفندق ميرمار العقة بالفجيرة بس خوفوني البنات من منطقة العقة صج المنطقة مقطوعة

حبيت استفسر منكم عن منتجع ميرامار بالفجيرة الي جربه وشرايكم بالفجيرة بشكل عام

شاطئ العقة....

ميرامار العقة؟؟ بليز ردوا علي بسرعة