عملية ربط عنق الرحم

**طمطومة** · 2008-01-13, 13:56

خواتي الغاليات ادعو لي ان اقوم بالسلامه

عندني عمليه لربط عنق الرحم وما ادري ليش خايفة وهل هي بتخدير كامل ولا بتخدير نصف لان الدكتورة ما قالتلي على انه تخدير كامل او لا اللي تعرف اي شيئ عن عملية ربط عنق الرحم تعطيني معلومات

ومشكورين وآسفه على ازعاجكم معاي

المزيد من آخر المواضيع من نفس القسم:

**Emirates82** · 2008-01-13, 14:36

الغاليه لا تتروعين ولا شي انا سويتها بأول حمل لي والحمدلله كانت تخدير كامل وحتى يوم توعين من البنج ما اتحسين بأي ألم مجرد نزول دم خفيف ... وانا بعد 3 اسابيع بسويها ان شاءالله ف الكورنيش.... واي سؤال انا ف خدمتج وتوكلي ع الله....

**طمطومة** · 2008-01-13, 14:53

اختي الغالية انا بسويها في الكورنيش يوم الثلاثاء والدكتورة قالتلي اني بيلس في المستشفي يوم واحد وهل يحتاجلها راحة وما اتحرك

* أم أحمد · 2008-01-13, 16:21

حبيبتي انتي لاتخافين لأن انا مسوية عملية ربط الرحم بيسونلج بنج كامل يوم بيربطون وبعدين ما تحسين بشي الا بألم خفيف جدا بس يوم بيفتحون انا سولي بدون بنج وكان يعور بس عادي قدرت استحمل والله يساعدج إن شاء الله

**Emirates82** · 2008-01-15, 22:23

هلا طمطومه...
انا كنت اريح نفسي وما اتشلين شي ثقيل ... ليتني لو ياج كنا بنتونس ف المستشفى ... عاده طمنينا عليج وبالسلامه

**الصافنات** · 2008-01-15, 23:03

انا سويت هالعمليه مرتين، يسونها ببنج كامل وتيلسين فالمستشفى يومين، اول مره سويت العمليه ما حسيت بشي ، ثاني مره اتألمت بس الحمدلله كان شي محتمل، ويبالها راحه اسبوعين بعد العمليه
ان شاء الله ما فيج الا العافيه والله يسر أمورج

**طمطومة** · 2008-01-17, 21:18

السلام عليكم

انا اليوم طلعت من المستشفى وسولي بنج نصفي ( ابرة الظهر )
بس الدكتورة عطتني اسبوع اجازة ما ادري بيرتاح جسمي وظهري باسبوع بس

**أم شمسان** · 2008-01-17, 21:24

ليش تسونها؟

لاني انا الرحم جان مفتوح عندي 2 سم من الشهر الثاني بس الله يسامحهم يعرفون انه هب زين للحامل ويسبب ولاده مبكره بس ماهتموا وقالوا عادي ويوم دخلت السادس تعبت واايد وربيت اخر الثامن بس ربي ماكتب لي البنيه توفت الله يرحمها

**فديتني والله** · 2008-01-17, 21:25

أنا حامل ومسويتنها..سووها لي أول ما دشيت الرابع والبنج كامل وأول ما طلعت من العمليه صحصحت ولا كأني مسويه عمليه وعادي لا ويع ولا شئ..ولا تحسين أن رابطين فيج شئ..جدا بسيطه العمليه..وأنا اللحينه ماشاء الله فالثامن..ومن أدخل الشهر التاسع بيفتحون الربط..وبدون أي ألأم..والله وياااج يالغاليه

**Emirates82** · 2008-01-17, 23:52

الحمدلله ع السلامه طمطومه ... شوفي ذا شفتي نفسج بعد اسبوع تعبانه خذي بعد اسبوع من اجازتج او من اي مستشفى خاص ف بوظبي... بس غريبه انهن سوولج بنج نصفي انتي طلبتي منهم ؟

تحياتي......

**طمطومة** · 2008-01-19, 23:38

مشكورين خواتي على الردود

اختي الغالية انا ما طلبت بنج نصفي انا عندي مشكلة بالقلب علشان جيه سولي بنج نصفي

**Emirates82** · 2008-01-20, 07:16

اطمطومه.. ما تشوفين شر والله يتمم لج حملج ع خير...

**العقد المنثور** · 2008-01-20, 07:53

صباح الخير
الغالية انا مرت اخوي امسوتنها في مستشفى الوصل والحمدلله ماحست في شي ابد والحين بعد سوتها والله يقومها بالسلامه ان شاء الله ويقومج بالسلامه الغالية ان شاء الله ولا تتروعين تراها بسسيطه ومابتحسين في شي
والله يثبت حملج يارب واتقومين بالسلامه انتي والبيبي .
والله يرزق كل محروم يارب

**طمطومة** · 2008-01-20, 20:25

مشكورين خواتي على الردود وعلى الاطمئنان علي ومشكورين وماقصرتو

**فطمطم** · 2008-02-16, 06:27

الغاليات ليش سوولكم ربط ؟
ممكن اعرف المشاكل الي تتطلب الربط؟؟

الموضوع: عملية ربط عنق الرحم

أدوات الموضوع

عرض