ساعدوني خواتي وشو نصائحكم لي ( بناء بيت المستقبل ) حلم اتمنى تحقيقه

**النرجس** · 2007-12-24, 23:29

السلام عليكم خواتي

حلمي ان استقر والله ييسر امورنا ونبني بيت

صح الحلم بعده بيطول وايد وما تحقق بس ابغي اشغل عمري في تفاصيله

عسب اتفائل اكثر ادعوا لي يا بنات

ما بطول عليكم بس ابغيكم تساعدوني

بافكاركم
اقتراحاتكم
شو تنصحوني ( بيت طابق واحد ام طابقين افضل )
شو الامور اللي ممكن نواجهها اثناء عمل المخطط والبناء
شو الاخطاء اللي صارت معاكم وكيف حليتوها
افضل محلات الاثاث والمطابخ والسيراميك والحمامات
واي شي ممكن تفيدنا

ولا تنسون تدعوا لي

المزيد من آخر المواضيع من نفس القسم:

**اسرار808** · 2007-12-24, 23:31

للرفع.

والله يرزقك ما هو خير لكما.

وماخاب من استشااااااااااااااار

**الغربية** · 2007-12-24, 23:41

وانا معاج ..

نحن قررنا نسوي البيت على مراحل..
المرحلة الاولى السور
المرحلة الثانية البيت
المرحلة الثالثة المجلس الخارجي
المرحلة الرابعة مطبخ خارجي وملحقاته

جذي أريح

شو افكارج انتي

**النرجس** · 2007-12-24, 23:58

عني انا افكاري متخربطه لاني ما اعرف شو اسوي بالضبط
دائما افكر البيت الطابقين غير مريح ما اعرف ليش
انتوا شو رايكم وخاصة المجربين

ومشكورين خواتي على ردودكم

**...(مريّة)...** · 2007-12-25, 00:14

الله كريم بعدنا على هالدرب نحن ،
أحسن شي تسوينه إنج تشاورين
اللي مجربين ،
الله يوفقج يا رب ^.^

**النرجس** · 2007-12-25, 00:22

تسلمين اختي وربي يسهل امور الجميع

ان شاء الله البنات اللي عندهم خبرة ما يبخلون علينا

**روح حبيبي** · 2007-12-25, 01:00

طبعا طابقين
خلي فوق غرف النوم
وسويه كلاسيكي ونظام اوربي بيطلع شي
الله يهنيج

**النرجس** · 2007-12-25, 10:54

مشكورة اختي على نصيحتج واقتراحج

واتريا باجي خواتي

**النرجس** · 2007-12-26, 01:30

للرفــــع

**ELMooz** · 2007-12-26, 02:01

الصراحه
عني أنا
أحين قاعدين نبني البيت
(الله ايتمملنا على خير إن شاء الله)
وكانت فكرتي دور أرضي
لييييييييييييييييييييش؟
من وجهة نظري
الدور الارضي ملموم أكثر وعيالج كلهم حذالج
لو حد قام في الليل اتحسين فيه
ولو بغيتي تطمنين عليه تراهم عدالج
بس الدورين منفصلين
يعني في النهار لو هم فوق وانتي تحت ماتعرفين شو داير فوق
ولو حد نايم تمي طالعه نازله توعيين فيهم
ولو كنتي تبين شي وانتي تحت لازم تصعدين
الصراحه سالفة الدرج جدا كريهه وممله
هذي وجهة نظري أنا
ونتريا خبرات البقيه عشان نستفيد منهم

**ad girl** · 2008-01-01, 23:17

انا بعد احس بالأرضي شرح وهب ضيق مثل الطابقين ماعرف ليش!

بصراحه موضوع يحير

بالنسبه لي لو ابني بيتي وعندي مساحة ارض كبيره وفلوس تكفي ابني بالمساحه اللي اباها ببني ارضي بدون تفكير

**SOLAFA** · 2008-01-02, 14:07

المشاركة الأصلية كتبت بواسطة النرجس

عني انا افكاري متخربطه لاني ما اعرف شو اسوي بالضبط
دائما افكر البيت الطابقين غير مريح ما اعرف ليش
انتوا شو رايكم وخاصة المجربين
ومشكورين خواتي على ردودكم

السلام عليكم ورحمة الله وبركاته
البعض يضطر يبني طابقين اذا كانت مساحة الارض صغيرة
وبصورة عامة حلو فصل غرف النوم عن غرف المعيشة و الاكل و الضيوف بطابقين منفصلين حتى كل فرد في العيلة ياخذ راحته في كل الاوقات

المشاركة الأصلية كتبت بواسطة ELMooz

الصراحه سالفة الدرج جدا كريهه وممله

عندك حق وفي نفس الوقت هي رياضة مجانية

لا تضييعي الفرصة

الموضوع: ساعدوني خواتي وشو نصائحكم لي ( بناء بيت المستقبل ) حلم اتمنى تحقيقه

أدوات الموضوع

عرض

ساعدوني خواتي وشو نصائحكم لي ( بناء بيت المستقبل ) حلم اتمنى تحقيقه

المزيد من آخر المواضيع من نفس القسم:

المواضيع المتشابهه

اقتراح عمل خيري( بناء مسجد, حفر آبار,بناء مدارس) من تبرعات اهل المنتدى ...

ساعدوني في بناء ملحق

أريد نصائحكم يابنات ساعدوني

بناء غرفه وحمام ..ساعدوني

اتمنى تحقيقه؟؟؟؟؟؟؟؟؟؟؟؟؟؟؟؟؟؟؟؟؟؟