لون مـــاء الجـــنين.....ضـروري تساعدوني .....

[without_horizon]

السلام عليــــكم،،،
اشحالكم ؟؟؟!!!
الله يخليكم انا عندي مشكلة من 5 أيــــام ...موعد ولادتـــــي 20/12 وطوفت الموعد بس باليوم الثاني اللي طوفت فيه موعدي ... شربت الخروع.... فعصير ... وعلى طول الفجر حسيت شي ينزل مثل الماي مادري افرازات .... بس لونها ساعات اشوفها خضرا وساعات صفرا بس بكميات .... بس بالليل ... بس عقب يومين تنزل عليي افرازات صفرا وانا مادري ...حد يقولي هذا ماي الجنين وحد يقول يمكن التهابات ... وانا حجزت عند الدكتوره اللي بولد عندها بس ماشي مواعيد وزحمه غير باجر وانا خايفة اسير عندها ويزخوني ويولدوني طلق صناعي ولا قيصرية لانه لا آلالام فيني ولا شي ابداً والجنين الحمدالله يتحرك زين .... الله يخلييكم اللي تعرف بالموضوع تخبرني .....
ويـــزاكن الله خير ان شاء الله

[without_horizon]

وينكـــن محد يعرف يخـــبرني شو اسوي يســـاعدنـــي

[جروح_دمية]

والله ماعندي فكره..انا اقول لاااااااااااااازم تروحين اجيكين لان لو كان ماي الجنين بييه جفاف وبينقص الاكسجين عنده وبتتعبين وقت الولاد....ربيعتي نفس الشي الماي نزل عندنا قالوا الولاده صعبه وما عندج غير العملية...روحي الغاليه جيكي والله يسهل عليج ولاتنسين تدعيلي الله يسهل علي

[مهجة]

أختي الماي الأخضر معناته الماي حوالين الجنين عكر والجنين امسوي في عمره ولااااااااااااااازم تروحين بأسرع وقت عند الدكتورة

قبل لا يستوي به شي جنينج ........ استعجلي

[طي السنيين]

ماء الجنين لما يطلع تحسين بتدفق كبير من السائل يعني كأنج الله يعزج مثل تدفق خروج البول وبعدين يوقف فتره بعدين ممكن ينزل بكميات بسيطه مخلوطه بدم
المهم السائل إلي نزل منج أتوقع إفرازات خضراء معناه إلتهاب وبيضاء معناه من ضغط الجنين على الحوض لأن الحوض يضيق فتطلع إفرازات لزجه لونها أبيض وممكن مصفر على خفيف
أقولج سوي سونار وتأكدي من إنفتاح عنق الرحم لأن إنفتاح السداده يظهر معاها دم والله أعلم وراقبي حركة البيبي
والله يسهل عليج

[without_horizon]

مشـــكورات طـي السنين و مهـــجه و جروح دميــــة .....
ان شاء الله بــسير باجر لانه موعدي ....... والله يسهل عليج جروح دمية ان شاء الله .......

[طي السنيين]

بقولج شي مهم لو طلع الماي بكميه وفيه لون أخضر أو أسود تسيرين سيده للطواري لأنه خطر معناه إن الجنين تبرز