صفحة 1 من 5 123 ... الأخيرةالأخيرة
النتائج 1 إلى 7 من 32
  1. #1
    تاجرة برونزية


    رقم العضوية: 7298

    تاريخ التسجيل
    02 - 08 - 2006
    الدولة
    بلاد الله الواسعه
    مشاركات
    315

    افتراضي خيانة الزوجه لزوجها ................... لمــــــــــــــــــــــــــــــــــــاذا ؟؟؟


    خواتي حبيت افتح موضوع يديد وجداً حساس

    واللي هو

    خـيــانـــــــة الــزوجـــــــه لــزوجـــهــــــا

    من السبب ؟ ومن المتسبب ؟ وما هي اهداف المرأة اللتي تخون زوجها ؟ وكيف تستطيع خيانته ؟

    ولـــمـــــــــــــــــــــاذا ؟؟؟؟؟


    خواتي حبيت اعرف شورايكم بالمرأة اللتي تخون زوجها هل لها اسبابها !!

    وهل انتوا تعطونها العذر لهذه الخيانه

    انا بقول لكم ليش فتحت هذا الموضوع

    من كم يوم سمعت سالفه عن خيانه زوجه لزوجها اكتشفها الزوج بعد زواج دام 9 سنوات

    بعد ان علم الزوج بهذه الخيانه وعلمه كان عن طريق الصدفه حيث دخل على زوجته المنزل في موعد غير متوقع منه

    في نصف وقت الدوام الرسمي .. عند دخول الزوج المنزل لم تحس به زوجته لإنشغالها في التحدث عبر الهاتف مع عشيقها

    وكانت فاجعة الرجل حيث كان واقفاً امام حجرة النوم وهو منصعق من مايسمع من كلام حب وغزل وهيام لم يسمعه من زوجته طوال فترة زواجهما

    وبعد ان دخل الزوج اقفلت زوجته سماعة الهاتف بحجة انها تكلم صديقتها ولكنه واجهها في بداية الأمر انكرت ولكنها خضعت له واخبرته بكل شي

    الرجل المسكين كأن الدنيا وقعت عليه جلس مبهماً لا يستطيع الحراك ولا الكلام من شدة الصاعقه

    فكان كل مايقوله لها لمـــــــــاذا وماذا فعلت لكِ لتجازيني بهذا الفعل !!!!! هل قصرت في حقك ؟ هل طلبتي شيئاً ولم ألبيه لكِ !!!!!

    شو تتوقعون رد زوجته المصوووووووووووووون

    والله ياخواتي مابتصدقون رد حرمته عليه تدرون شو قالت ؟!!!!!!!!!!!!!!!!!

    l
    l
    l
    l
    l
    l
    l
    7


    خواتي والله انصدمت من ردها

    قالت له والله انته ماتعطيني من وقتك دايماً في الدوام وانا بروحي في البيت .. والريال اتصل مره بالغلط والشيطان قص عليه وخلاني اكلمه

    بس صدقني ماكان بيننا اي شي محرم ولا شفته بس اكلمه في التيلفون

    وبعدين تم يقول لي من كلامه المعسول انه معجب بصوتي ورقتي وهو مب قادر ينام الليل من سمع صوتي وانه حبني من اول مره سمع فيها صوتي

    قص عليه الشيطان وكلمته



    خواتي في ذمتكم هذا عذر !!! المشكله ان الزوج يوم شاف موبايلها اغلبيه الأرقام ارقام شباب طلعت الحبيبه مب مخليه حد مب مكلمتنه

    طبعاً ردة فعل الزوج بتكون مثل اي ريال ردها بيت اهلها بعد ماخبرهم باللي صار بالتفصيل وطلقها

    والأخت لين اليوم مافي حد اتقدم لها بسبب السمعه السيئة اللي يابتها لعمرها عشان شو !! عشان كم كلمه حلوه


    شو رايكم خواتي انا بصراحه ما اعطي الزوجه اللي تخون زوجها اي عذر

    شو عذر بعض الخائنات في منهم يقولون ان الزوج مب مهتم فيني .. مايسأل عني .. دايماً بروحي في البيت هو كله برع .. مايقول لي كلام حلو

    ربعه ماخذين كل وقته .. خواتي إذا هذي اعذارهم عيل كل بنات الدنيا بتشوفونهم خونه ومن واحد لواحد

    الوحده إذا مثل ماتقول انها متضايجه من زوجها ومب محصله وقت تكون فيه معاه بدل ماتكلم شباب خلها تتقرب من ربها

    الله هو اللي بيغير وضعها وبيعوضها عن النقصان اللي هيه فيه مب الشباب .. الشباب شو بيسوون لج غير الفضايح وانهم بياخذون اللي يبونه من الوحده وبيرفسونها من عقبها

    خواتي خلوا إيمانكم بالله قوي ولاتخلون الشيطان يلعب بعقلكم الله مايرد العبد اللي يلجأ له بالعكس الله هو الرحمن الرحيم

    الله اللي بيرحم حال الوحده وبيلبيلها اللي تباه وبيخلي حياتها من الحياة الشقيه للسعيده

    الله يهدي جميع بنات امة محمد صلى الله عليه وسلم قولوا آآآآآآآآآآآآآآآآآآآآآآآآآآآآآآآمين

  2. #2
    عضوة مميزة


    رقم العضوية: 25

    تاريخ التسجيل
    27 - 09 - 2005
    الدولة
    فمملكتي
    مشاركات
    5,342

    افتراضي رد : خيانة الزوجه لزوجها ................... لمــــــــــــــــــــــــــــــــــــاذا ؟؟؟

    انا وياج 100% وموافقه على كل كلمة انتي قلتيها .....

    بس وفقه صراحه !!!!!!

    ليش يازوجي العزيز ماتهتم فيي ؟؟؟؟
    ليش ماتعطيني من قتك ؟؟؟؟؟
    ليش ماتسمعني كلام حلو ؟؟؟؟؟
    ليش ولييييييش ولييييييييييييش ؟؟؟؟؟؟

    حتى هو كان لازم يراجع نفسه !!!!!!!

    وانا هب ويا خيانة الحرمة لزوجها ولا خيانة الزوج لزوجته بس بالفعل الزوج له دور كبير في حياة الزوجه ...

    يعني عطها من وقتك والحرمه بطبيعتها مخلوق حساس تتأثر بكل شيء حتى لو ربيعتها تمدح ريلها تلقينها تقول في نفسها شمعنى ريلي مايسويلي هالشيء ؟؟؟؟

    عالعموم الله يحفظ الازواج والزوجات من الخيانه ولو كملنا المناقشة ونطلع منو الغلطان عمرنا مابنخلص ....

    والسموحه


    {{ ربي هب لي من لدنك ذرية صالحة طيبة إنك سميع الدعاء }}
    دعواتكم خواتي



  3. #3
    تاجرة برونزية


    رقم العضوية: 7298

    تاريخ التسجيل
    02 - 08 - 2006
    الدولة
    بلاد الله الواسعه
    مشاركات
    315

    افتراضي رد : خيانة الزوجه لزوجها ................... لمــــــــــــــــــــــــــــــــــــاذا ؟؟؟

    والله ياختي كلامج صح وانا اأكد كلامج

    الزوج من طبيعته في هذي الأوقات ( الخيانه ) مشكلته مايفكر في اي شئ غير إن كيف زوجتي قدرت تخونني

    اختي المشكله ان في بعض من الزوجات مايصارحون ازواجهم باللي هم يبونه او مفتقدينه من كلام حلو واهتمام وغيره

    بحجه انها ماتتنزل او تستحي . خواتي مافي حياء او كرامه بين الزوجين

    الوحده إذا ناقصنها شي او مفتقده شي من زوجها المفروض تخبره باللي هي مفتقدتنا وتباه من زجها

    ترا في بعض الأزواج غافلين عن هالاشياء او يستحون منها فيوم الحرمه بتطلبها منهم يمكن يكون تذكير لهم او يمكن تطلعهم من الحياء اللي هم فيه

    فمكالمه الحرمه لزوجها بتكون دافع له عشان ترضي نفسها

    في من الحريم يقولون والله كم مره قلنا لأزواجنا لكن مافي فايده .. انا اقولكم ياخواتي لاتيئسون

    لايأس مع الحياة ولا حياة مع اليأس

  4. #4
    عضوة مميزة


    رقم العضوية: 25

    تاريخ التسجيل
    27 - 09 - 2005
    الدولة
    فمملكتي
    مشاركات
    5,342

    افتراضي رد : خيانة الزوجه لزوجها ................... لمــــــــــــــــــــــــــــــــــــاذا ؟؟؟

    اختي المشكله ان في بعض من الزوجات مايصارحون ازواجهم باللي هم يبونه او مفتقدينه من كلام حلو واهتمام وغيره

    بحجه انها ماتتنزل او تستحي . خواتي مافي حياء او كرامه بين الزوجين
    الحين هي اونها مستحية من ريلها وماستحت تكلم واحد فالتلفون وتخون زوجها ؟؟؟؟؟؟؟؟


    {{ ربي هب لي من لدنك ذرية صالحة طيبة إنك سميع الدعاء }}
    دعواتكم خواتي



  5. #5
    تاجرة برونزية


    رقم العضوية: 7298

    تاريخ التسجيل
    02 - 08 - 2006
    الدولة
    بلاد الله الواسعه
    مشاركات
    315

    افتراضي رد : خيانة الزوجه لزوجها ................... لمــــــــــــــــــــــــــــــــــــاذا ؟؟؟

    اقتباس المشاركة الأصلية كتبت بواسطة صدى حنيني مشاهدة المشاركة
    الحين هي اونها مستحية من ريلها وماستحت تكلم واحد فالتلفون وتخون زوجها ؟؟؟؟؟؟؟؟

    ههههههههههههههههههههههههههههههههههههه:1 (21):

    والله لاااااااااااااااااااااا انتي فهمتيني غلط

    انا اطري البنات اللي يخجلون من طلب مايريدون من ازواجهم .. مااطري اللي يخونون ازواجهم

    يعني الف بالأميه مافي في هالعالم كله اي وحده تستحي تطلب من زوجها اي شي

    ومابتستحي تكلم واحد ثاني ( وين راح الحياء عيل )

    هذا شي بديهي ومنطقي بعد

    انا اقصد ليش الوحده تفتح المجال لزوجها انه يهملها لا إرادياً ( يعني بدون قصد ) ليش ماتعطيه كاش في الويه عن اللي تبا واللي ينقصها في حياتها الزوجيه

    ترا ماشالله عليهم الأزواج اللي يبونه على طول يقولون لنا عنه ولايستحون ليش لأنهم يعتبرون انه حق من حقوقهم

    واحنا المفروض نكون نفس الشي بعد لأنه حق من حقوقنا وواجب الزوج انه يلبيه

  6. #6
    نجمة لامعة


    رقم العضوية: 5036

    تاريخ التسجيل
    04 - 06 - 2006
    الدولة
    بلاد زايد
    مشاركات
    526

    افتراضي رد : خيانة الزوجه لزوجها ................... لمــــــــــــــــــــــــــــــــــــاذا ؟؟؟

    مرحبا الساااااااااااااااااااااااااااع

    انا كنت بفتح هالموضوع اليووم سبقتيني يا شمس المحبه..على العموم كلنا خوات ..

    من فترة سمعت عن سالفه وحدة ..

    الله يسلمكم هذي وحدة معرسه وعندها عيال..اتخيلو انها ترمس شباب يعني مب واحد ولا اثنين من واحد لين واحد.. تعرفون شو تسوي كل طلعه تظهرها برع ماترد البيت الا وهي عقت واحد وخذت رقمه ورمسته..اتخيلوا !!!

    يقولون لها ما تخافين ريلج جي يسوي بج تقول لو يقولون لي ريلج يخونج ويكلم غيرج ويطلع مع بنات ما بصدق لان ريلي واعرف طبعه وااايد زين بس مشكلته ما يقولي رمسه حلوة..!!!!

    اتخيلو تخونه عشان رمسه حلوة !!!! في ذمتكم هذا سبب مقنع؟؟!!

    شو فيها لو صارحته واتفاهمت وياه..يمكن كانت طفولته قاسيه من جي ما يقول رمسه حلوة.. انتي علميه هذا ريلج يعني حلالج اللي تبينه تسوينه معاه مب تسوين الحرام مع غيره..

    والله اعرف وحده الله يذكرها بالخير ريلها ما يقولها رمسه حلوة بس ما فكرت تخوونه تعرفون شو سوت..شرت كتب للشيخ جاسم المطوع (طبعا غني عن التعريف) عن كيفيه استخراج الكلمات الحلوة من فم الزوج..

    ودخلت النت وطبعت له مواضيع من مواقع اسريه (طبعا النت مب مقصر فيه كل شىء) ورتبته على شكل هديه وحطته في مكان بحيث انه يشوفه ويقرا ويستفيد..

    فيه واايد افكار ممكن الوحده تسويها بس ما تلجا الحرمه انها تخون ريلها..

    لي عودة مرة ثانيه..

    السموحه..

  7. #7
    نجمة لامعة


    رقم العضوية: 5036

    تاريخ التسجيل
    04 - 06 - 2006
    الدولة
    بلاد زايد
    مشاركات
    526

    افتراضي رد : خيانة الزوجه لزوجها ................... لمــــــــــــــــــــــــــــــــــــاذا ؟؟؟

    من فترة سمعت شريط لجاسم المطوع..

    يقول سالفه وحدة تعاني مع ريلها 12 سنه ما سمعت منه كلام حلو..!!! تعرفون شو سوت..ريلها من النوع اللي يحب يسمع اشرطه من احاديث واناشيد وغيره..قامت الحرمه وعطته شريط قبل لا يظهر من البيت وقالت له اسمعه بيعيبك وااايد حلو..

    ظهر الريال ورجع البيت بسرعه معصب قالها شو هالشريط فاضي مافي شىء من الصوبين تقصين علي انتي تقولين بيعيبك .. قالت له هدي اعصابك خلني افهمك..

    قالت له انت الحين 5 دقايق ما اتحملت تسمع شريط فاضي عيل انا شو اقول صارلي 12 سنه وياك وانت فاضي ما سمع منك شىء.!!!!

    يقولكم الريال من هاك اليوم ما يسكت من الرمسه الحلوة .. بعدين طرشت لجاسم المطوع تقوله ما عندك طريقه اسكت فيها ريلي ههههههههههههه

    اللي اريد اقوله لازم نفهم نفسيه الريل عشان نكسبه شرات الاخت اللي سوت ريلها من النوع اللي يحب يسمع اشرطه في السيارة..ذكيه وفكرتها حلوة وقدرت تفهم نفسيه ريلها..

صفحة 1 من 5 123 ... الأخيرةالأخيرة


المواضيع المتشابهه

  1. مشاركات: 25
    : 2009-10-12, 02:19
  2. دعاء الزوجه لزوجها
    بواسطة سوسو الانيقة في قسم : الحياة الزوجية
    مشاركات: 9
    : 2009-06-25, 12:29
  3. خيانه الزوجه لزوجها
    بواسطة ميرا99 في قسم : التنمية البشرية و تطوير الذات
    مشاركات: 30
    : 2009-01-27, 21:36
  4. .::. خيانة الزوجه لزوجها .::. بقلمي
    بواسطة الفراشهـ في قسم : مجلس الأخبار
    مشاركات: 20
    : 2008-05-27, 09:10
  5. سبب خيانة الزوجه لزوجها
    بواسطة السيدة الحلوه في قسم : الحياة الزوجية
    مشاركات: 14
    : 2008-05-10, 17:12

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  



Loading