تمليس دائم للشعر

[طبعي الوفى]

السلاااااااااام عليكم ورحمه الله
اولا كل عام وانتو بالف خير مقدما وينعاد عليكم بخير وبركه يارب
انا عندي مشكله بشعري كل اهلي شعرهم حلو ومنسدل ماعادا انا طالع كيرلي شوي وماخليت صالون ما سرته اسوي تمليس كلهم يقصون علينا وياخذون بيزاتنا وماشي فايده المهم سمعت ان بصالون بتافيا في العين في تمليس دائم للشعر وحبيت اسالكم شو رايكم اتوكل ع الله واسير هناك في حد جرب او في حد يعرف طريقه ثانيه فيدوني الله يخليكم ويجازيكم الف خير

[فطومي]

كل عام وانتي بخير
أنا نفس المشكلة وجربت كم صالون براس الخيمة وما شي فايدة.
آخر شي سمعت عن دار الضيافة بدبي "مركز سارة كامكاريان " في جميرا
وتوكلت على الله وسرت صح غالي وايد "بالآلاف يعني"
ومن كثر ما كارهة شعري الكيرلي قلت بدفع أي شي عشان أتدلع بشعري قدام زوجي بعد الملكة.
وفعلاً مب خسارة فيهم. بصراحة الموظفات ذوق من زينهن. بس ما بقص عليك, تعذبت وكنت بصيح من كثر العذااااااااب. خصوصا يوم يحرقني الجهاز أحس اني بموت.
والحمدلله بعد 8 ساعات يا سلام على النتيجة رووووووووووووووووعه.
والله انه التعب راح لحظة ما استمتعت بشوفة شعري وهو أخيرا سايح وناعم.
والحين تقريبا مسويتنه من خمس شهور والنتيجة بعدها حلوة.
المشكلة الشعر يوم يبدا يكبر اكيد يطلع شعرنا الكيرلي لأنه ما تملس.
لكن لازم تهتمين فيه عدل وهم بيخبرونك كيف.
المهم حبيت أكلمك عن تجربتي والله اني ارتحت وبسير لهم بإذن الله قبل العرس بشوي عشان أظبط الشعر اللي طلع يديد.
على فكرة ما بتقدرين تسوين تسريحات فير بالشعر
بس أنا عادي عندي اهم شي انه ناعم وسايح طول الوقت. وضحيت ببعض التسريحات الحلوة
بااااي (^_^)

[وحدة صريحة]

مرحبا الغالية ... انا ابصراحة ابدااااااااا ما انصحج بالتمليس الدائم .. وعن تجربة ربيعتي المسكينة .. كان شعرها مب ناعم بس ما شاء الله طويل وغليظ وراحت وملست شعرها بالتمليس الدائم في البداية كانت مستانسة واااايد بالشعر الحلو السايح ومرت الشهور والحلوة سعيدة بالشعر السايح بس لاحظت يوم عن يوم شعرها يخف ويخف ويتساقط بشكل كبير وكل هذا من التمليس الدائم والمشكلة الشعر النابت مب ناعم يعني شعرها صار معفوس حالة .. الله يعينها ومثل ما قالت الاخت فطومي مب كل التسريحات ترومين تسوينها ..

وانصحج اذا تبين اتسوين التمليس سوي العادي من ويلا وهو انواع القوي والعادي وانتي اختاري الي يناسب شعرج ..
بس عموما ما انصحج اصلا بالتمليس كله مواد ضارة
ادهني شعرج وسويلة حمام زيت وبعد العناية شوفي النتيجة الحلوة
والسمووووووووووووووووووووحة

[غرشوبة ال غرشوب]

في شئ احسن من التمليس من كل النواحي اسمه ريلاكس انا شفت عمرو فالتلفزيون يرمس عنه ويمدحونه لانه مايخرب الشعر والله ينعم شعرج *_*

[فطومي]

صدق انه مب زين للشعر وأنا دوم يقولولي هالشي بس احنا صاحبات الشعر الكيرلي نلجأ لهالطريقة لأنها تريحنا نفسيا. والله اني ارتحت نفسيا.

وإذا كان على تساقط الشعر وإنه يخف أنا كانت هالمشكلة موجودة عندي قبل التمليس. وفي وايد بنات يشتكون من هالمشكلة من دون ما يسون تمليس وغيره.
ما ادري بس أنا للحين ما ندمت على التمليس بالعكس مستانسة وإن شاء الله ما بندم. يعني أتمنى إني ما أندم...
اهم شي الاهتمام بالشعر واستخدام حمام زيت وبعد تحطي زيوت على الشعر لأن الجفاف هو اللي يسبب ضرر بالشعر.
وبعد استفسري أكثر يمكن في بنات مجربات يقدرن يفيدنج.
وسامحوني

[ستايلي غير]

اختيه كله جذب لا اتسوينه ايخرب الشعر لا يوم يتساقط شعرج ما يرد

[maymao]

ففي خلطه بنات المنتدى يبيعونها اسمها خلطه الاعشاب لفرد الشعر

سويتها بشعري والنتيجه ولااروع

لولا صاحبه الصالون ماخربت شعري بطريقه وضعها للحنه

جان شعري استوا احسن وحرير

بس شعري وااااااااايد حلو

يلمع واسوووووووووووووود ونعيييييييييييم

دوم اغسل شعري يظهر كشه

اللحين روعه

جنه مسشور

السلام وعليكم ورحمة الله وبركاته

من اي منتدي أشتريتى خلطة الشعر بالأعشاب ياريت تعطيني عنوانهم وتردني عليه رسالة على الخاص عشان اشوفها ومشكووووووورة