بغيت مساعدتكم بنات ابغي باكج شهر العسل في اوروبا !!!

[حرم الحوسني]

السلام عليكم ورحمه الله



خواتي بغيت باكج حق شهر العسل في اوروبا
من تاريخ 20 اربعه لين 30 اربعه ان شاء الله

الي عندها خبره في هالموضوع تساعدني ويزاها الله الف خير الرحله بتكون ان شاء الله على طيران الامارات والميزانيه مفتوحه الحمدلله

ريلي كلفني بهذي المهمه وانا توهقت قالي رتبي الي يعيبج وانا وياج


انا بغيت البدايه تكون دبي - ميونخ وعقبها وين اسير احسن ؟

المزيد من آخر المواضيع من نفس القسم:

• اهم مميزات السياحة في ارمينيا
• تحذير نصب واحتيال شركة سياحية في دبي -...
• اجمل مدن سياحية في انجلترا
• كيفية ترتيب حقيبة السفر
• نصائح هامة قبل السفر الى بودابست
• نصائح مفيده لتسهيل السفر مع الاطفال على...
• اجمل الاماكن السياحية في كوريا الجنوبية
• اجمل الاماكن السياحية للسفر في فصل الخريف
• تقرير شامل عن السياحة في أذربيجان
• اجمل الاماكن السياحية في تونس تناسب الصيف

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[حرم الحوسني]

ليش محد رد علي

[الشاعريه]

شو رايج بالنمسا؟
ميونيخ .. زيلامسي .. فيينا

[الشاعريه]

مع اني اشوف ان عشر ايام اتكون في دولة وحده احسن
اذا بتزيدون عدد الايام ل ١٤ يوم بتكون سفره حلوه

[ام فوااز]

السلام عليكم
حبوبه اذا محتاجه مساعده بتاجير الشقه بميونخ انا ممكن اساعدج

[رومنسية 84]

ما شاء الله تبارك الله ، الله يهنيكم شوفي سويسرا و اسبانيا وشي موقع booking.com تقدرين تحجزين باكييج كامل التذكرة و المواصلات والفندق و كل شيء و ليش ما فكرتي في جزر المالديف روعة بس يبالج ميزانيه

[حرم الحوسني]

شو رايج بالنمسا؟
ميونيخ .. زيلامسي .. فيينا

حبيت ترتيبج للرحله واحسها مناسبه وايد

[حرم الحوسني]

مع اني اشوف ان عشر ايام اتكون في دولة وحده احسن
اذا بتزيدون عدد الايام ل 14 يوم بتكون سفره حلوه

عندي اجازه شهر وريلي شهر نقدر نطول المده ماعدنا مشكله بس بغيت ترتيب
حلو امشي عليه

[حرم الحوسني]

ما شاء الله تبارك الله ، الله يهنيكم شوفي سويسرا و اسبانيا وشي موقع booking.com تقدرين تحجزين باكييج كامل التذكرة و المواصلات والفندق و كل شيء و ليش ما فكرتي في جزر المالديف روعة بس يبالج ميزانيه

فكرت اول شي في المالديف وسيشل وبعدني متردده بين اوروبا وبينهم
الحمدلله الميزانيه طيبه لو سرت المالديف اي فندق اختار؟
شكرا عالرد اختي

[ام حتومي]

عشره ايام قليله فخليها دوله وحده

مثل النمسا
وبكتبلك الخطه

واذا بتزيدين بالايام النمسا وسويسرا والمانيا وايطاليا

واذا تبين ترتيب ابشري

وبالنسبه للمالديف حلو لشهر عسل وعشره ايام كافيه وبزياده

[ورقة ناعمة]

جزر المالديف

وااااايد روووعه

[ش.و.ق]

انا رحت المالديف شهر العسل،،
احلى فندق كان سرتون رووووعه،،
و بعدين رحت هلتون،،
و اخر فندق كرومبو قريب من المطار،،

[حرم الحوسني]

عشره ايام قليله فخليها دوله وحده

مثل النمسا
وبكتبلك الخطه

واذا بتزيدين بالايام النمسا وسويسرا والمانيا وايطاليا

واذا تبين ترتيب ابشري

وبالنسبه للمالديف حلو لشهر عسل وعشره ايام كافيه وبزياده

مشكورة اختي عالمساعده
اقدر اخليها لين 20 يوم بس كيف الترتيب خبريني فديتج؟

[حرم الحوسني]

انا رحت المالديف شهر العسل،،
احلى فندق كان سرتون رووووعه،،
و بعدين رحت هلتون،،
و اخر فندق كرومبو قريب من المطار،،

كم يوم تميتي هناك؟ وليش غيرتي الفندق؟
والمكان حلو؟ وكيف جوهم
اسفه لاني اسال وايد ^_^

[ش.و.ق]

الجوو كان اوك مب حر عادي،،
اول فندق قعدنا فيه ثلاث ليالي،،
و بعدين في هلتون ليلتين،،
و عقب ليلتين في كورمبو،،
و يوم واحد في العاصمه عشان المطار بس نسيت شو اسم الفندق،،
كنا انغير لان كل فندق في جزيره و كل جزيره و كل فندق يتميز ابشي،،
و لان لو قعدتوا فتره طويله في جزيره وحده بتملون،،
و وسايل التنقل من فندق لين فندق بعد غير،،
مره بطياره المااإيه و مره بالقارب و مره بطياره المروحيه يعني روعه،،
و تشوفين مناظر الجزر و انتي في الطياره و لا اروع،،