الترتيب للحياه المستقبليه

[اوركيدا1]

السلام عليكم خواتي
امم بنات انا خيفانه من اول ليله ...ومابا احمل احين لاني ابا اخلص دراستي ... اول شي ممكن حد يشرحلي سالفه حساب ايام التبويض مافهمت شي .. انا دورتي 25 يوم تييني تاريخ 15وتخلص 22 يعني سبع ايام مافهمت كيف احسب ومتي امان ومتي لا ... وممكن الدوره تتلخبط من التوتر يعني تجدم او تاخر يومين ف شوو الحلول الثانيه الامنه ... ماقدر اسير عند دكتوره ،، هالموضوع وايد مخوفني !
والسموحه
ويزاكم الله خير

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Um Sha5bo6]

أنا نفسج خايفه ومابا احمل من اول الأيام وما فهمت هاي ايام التبويض وما اعرف شو (طبعا كل شي بايد الله واللي الله كاتبه بيصير)..
رحت عند دكتورتي النسائيه وعطتني حبوب منع حمل لمدة 6 شهور بس ومتى ما ابا اوقفها عادي .. وقالت ان فتره 6 شهور عادي ما تأثر وعادي احمل على طول عقب ما اوقفها..


ان شاء الله البنات يفيدونج..
ومبرووك مقدما حبيبتي وعسى الله يتمم لج على خير ^_^

[سديموو]

اول شي مبروك الزواج والله يتمم لكم على خير
طبعا لاتعتمدين هالحسبه مال ايام التبويض اعرف اكثر عن وحده حملو رغم انهم مخذين احتياطهم يعني يقولج اول يومين بعد الدوره أمان وحملوا
وبالاخير لو ربج كاتب لج تحملين باليوم الفلاني وبتربين باليوم الفلاني مستحيل لو شو ما منعتي انج تمنعين الي ربج كاتبه صح ولا
اهم شي انتي وريلج متفقين انه تمنعين
ولو تسألين دكتوره يكون احسن

[مهرووووووه]

أنا نفسج خايفه ومابا احمل من اول الأيام وما فهمت هاي ايام التبويض وما اعرف شو (طبعا كل شي بايد الله واللي الله كاتبه بيصير)..
رحت عند دكتورتي النسائيه وعطتني حبوب منع حمل لمدة 6 شهور بس ومتى ما ابا اوقفها عادي .. وقالت ان فتره 6 شهور عادي ما تأثر وعادي احمل على طول عقب ما اوقفها..


ان شاء الله البنات يفيدونج..
ومبرووك مقدما حبيبتي وعسى الله يتمم لج على خير ^_^

لا يا اختي .. اخطر شي انج تاخذين حبوب منع الحمل اول الزواج!!! وانا اقوللج اياها عن تجارب ناس اعرفم
اللي تاخرت ف الحمل 4 سنين و3 سنين واللي للحين تتعالج!! حبيت انصحج بس

[ألم أمي]

أنا مع الاخت لا تاخذين حبوب منع الحمل من اول أيام الزواج
أختي خذت وللحين تعالج عن الحمال

[Cobon]

اقعدي مع شريك حياتج و تناقشي وياه مب عيب
يعني الحريم حملوا و يابوا عيال و الحين تتناقشون تستحون !!

قولي مثلا تونا ف بداية حياتنا و خلنا نستانس شوي و تكون نفسك و تيمع لان العيال مسؤولية
اعتمدي ع حسبة ايام التبويض و المنع الطبيعي
و النت متروس مواضيع مفيدة عن ها الامور

انا مول ما انصح الوحدة تحمل بسرعه اقل شي 6 شهور ترتاحين او سنة .. صح كل شي بأمر رب العالمين بس الوحدة ترتب امور حياتها
قعدي وياه و تناقشي مب عيب

[أم شواقي ،،]

حراام ليش تاخذون حبوب من الحين ،،،،،

[اوركيدا1]

ترا انا خيفانه من سالفه الحبوب وانا مابا احمل مع اني اموت ع اليهال لاني توني متخصصه واايد ضغط الدراسه وانا توني ماكملت العشرين ومابا الخدامه تربي البيبي ابا اربيه اروحي .... مب عارفه شسوي ،،،

[سماريه دلـع]

كل شيء نصيب وكله جذب انا ربيعتي ماكله سنتين كاملات وماشاءالله عقب السنتين نفس الشهر اللي ودرته كانت حامل شهر ماشاالله كل وحده تعتمد على قوة الاخصاب عندها وقوة سلامة المبيضين فلا تخافين والافضل تروحين عند الدكتورة وهي اطمنج اكثر طبعا مع مشورة الزوج يكون افضل والتوفيق لليميع

[عنيده بحبك]

اختي هو صدق يعتمد ع كل وحده و مبايضها و الاخصاب
في ناس تلقط و تحمل بسرعه و فيه العكس
انا اعتقد ان الدكتورة يا بتعطيج حبوب او بتعلمج ع حسب طول دورتج متى و شو الايام اللي تمنعين بس بعد يمكن ربج يكتب لج و مافي شي مستحيل
نصيحه من اخت لا تحطين ف بالج انا مابا احين و مابا احين لان وحده اعرفها جي كانت تقول لريلها و اتفقوا ان اول سنة ما ييبون عيال يمكن بالمنع او حبوب مادري بس والله حملت من اول شهر زواجها و ربت احينه ،،،يمكن ربج عطاها مع انها كانت رافضه.
و من تجربتي قبل لا اعرس ريلي كان يقول ما يبا عيال من اول سنة و نبا نستانس وووووو !! حملت فنفس شهر زواجي و للأسف ضعف نبض البيبي بعد شهرين و نص يمكن عقاب من ربج مادري و الحمدلله ع كل حال.
نصيحة ثانية بعد لا تاخذين حبوب يمكن تلعوزج و نفس ما قالوا الخوات تمنع لسنوات بعيد عنج يارب.
و الكل يختي يدرس و يشتغل و حامل و عندهم عيال و انا اولهم __ هذي سنة الحياة و تأجرين ترى .
نصيحة أخيره في حال منعتي طبيعي :::::
حاولي ما يكون القذف داخل الرحم او تغسلين بسرعة
و اذا حسيتي بالالام فالمبايض يمين و يسار سواء كان الالم فنفس اليوم او ايام مختلفة حاولي ما ترقدين ويا ريلج لان الالام دليل ع نزول البويضة
و لا خففي من اكل الاناناس و المرمية و السوالف اللي تنشط البويضه و تهيأها للاخصاب.
اتمنى الخوات يفيدونج اكثر و ادعي ان ربج يعطيج بعد ما تخلصين دراستج السموحه ع الاطاله عزيزتي

[اوركيدا1]

اختي هو صدق يعتمد ع كل وحده و مبايضها و الاخصاب
في ناس تلقط و تحمل بسرعه و فيه العكس
انا اعتقد ان الدكتورة يا بتعطيج حبوب او بتعلمج ع حسب طول دورتج متى و شو الايام اللي تمنعين بس بعد يمكن ربج يكتب لج و مافي شي مستحيل
نصيحه من اخت لا تحطين ف بالج انا مابا احين و مابا احين لان وحده اعرفها جي كانت تقول لريلها و اتفقوا ان اول سنة ما ييبون عيال يمكن بالمنع او حبوب مادري بس والله حملت من اول شهر زواجها و ربت احينه ،،،يمكن ربج عطاها مع انها كانت رافضه.
و من تجربتي قبل لا اعرس ريلي كان يقول ما يبا عيال من اول سنة و نبا نستانس وووووو !! حملت فنفس شهر زواجي و للأسف ضعف نبض البيبي بعد شهرين و نص يمكن عقاب من ربج مادري و الحمدلله ع كل حال.
نصيحة ثانية بعد لا تاخذين حبوب يمكن تلعوزج و نفس ما قالوا الخوات تمنع لسنوات بعيد عنج يارب.
و الكل يختي يدرس و يشتغل و حامل و عندهم عيال و انا اولهم __ هذي سنة الحياة و تأجرين ترى .
نصيحة أخيره في حال منعتي طبيعي :::::
حاولي ما يكون القذف داخل الرحم او تغسلين بسرعة
و اذا حسيتي بالالام فالمبايض يمين و يسار سواء كان الالم فنفس اليوم او ايام مختلفة حاولي ما ترقدين ويا ريلج لان الالام دليل ع نزول البويضة
و لا خففي من اكل الاناناس و المرمية و السوالف اللي تنشط البويضه و تهيأها للاخصاب.
اتمنى الخوات يفيدونج اكثر و ادعي ان ربج يعطيج بعد ما تخلصين دراستج السموحه ع الاطاله عزيزتي

تسلمين عزيزي هذا الكلام الصح .. وان شالله خير وكل شي بامر الله بس انا شووي احس نفسي مب مستعده ،،، الله كريم

يزاج الله خير

[M.T]

سالفه حبوب منع الحمل مافيها شي ..انا خذتها اول 5 شهور من عرست و وقفتها و حملت حمدلله ما سببتلي تأخير
دام دورتج منتظمه اتوقع عاادي . و صح الوحده تحب ترتب امورها مافيها شي تأجل لمده بسيطه و كله بأمر الله . و اظمن حل هي الحبوب بعد شور ريلج طبعا

[أم مريــوم]

مبروك للعرايس اليداد
حبيبتي لا تاخذين حبوب لانها تخرب الهرمونات
خلي بينكم اتفاق انتي وريلج ان ما يكون القذف داخل دام انج مب متهيأه للمسؤولية ومرتبطة بالدراسة وان شاءالله ريلج بيتعاون معاج
وعين العقل انج ما تبين تيبين بيبي وتعقية على ايدين خدامة ماتعرفي شو تسوي في ضناج
كفاية السوالف والبلاوي اللي نسمعها والمفروض نتعض منها
موفقة حبيبتي

[المغتربة]

روحي للدكتورة احسن تناقشي وياها

انا خذت حبوب لسنة و عقب حملت

بس روحي للدكتورة افضضضضضضل

[ليندااااا]

انصحج ما تاخذين حبوب منع الحمل
الله يرزج بالي في خاطرج