ساعدوني

[خوخه2012]

السلام عليكم يالحوامل .. بنات اليوم انا دشيت اسبوع 40من الحمل اتريا اربي الصراحة لاني تعبت دكتورة قالت لي الموعد الولادة بيكون ان شاء الله تاريخ 19 يعني باقي لي بس 3 ايام . بس انا للأسف مااحس بالاوجاع ابدا ومااحس بالطلق الا خفيف جنى الم الدورة بليز بنات ساعدوني شو اسوي عشان يجيني طلق

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[(الجوووري)]

الله يسهل عليج ان شاء الله وتربين بالسلامة

[أم شواقي ،،]

حبيبتي لاتستعيلين متى ما يريد ربج بتربين

يمكن يكون في خطا فالحساب

ربي يسهل عليج ويسر ولادتج

[زم_قمر_ان]

امشي وكلي اناناس فرش واشربي قرفه

وربي يقومج بالسلامه

[fatma1992]

سيري عند دكتورة خلها تسويلج توسيعه يمكن تربين طبيعي
التوسيعه تييب الطلق

انا علشان ما يعطوني تحميلة طلق صناعي دوم اسوي توسيعة واشرب خروع مع ببسي وييني عوار وامشي وادلك ظهري بزيت زيتون

ربي يسهل عليج الولادة وان شاء الله تربين طبيعي لاني ما انصح بالطلق الصناعي وايد تعب بصراحة وانا مجربة مرتين غير عن الطبيعي

[ام راشد وسعيد]

امشي وايد انا الصراحه في حملي الاول ريلي مشاني الظهر وايد تعبت من الخاطر وفي اليوم الثاني الصبح ياني عوار الولاده المشي والقرقره بعد زينه خلي ريلج يوديج بسياره صوب القرقره وناسه بس ويه عوار وبتولدين بسلامه

[أمل ظبيانيه]

الغالية الحين مستشفى الكورنيش يسون تحفيز للرحم اسألي دكتورتج اذا تقدر تسويه ...أخت ريلي سوته قبل موعدها بسبوعين وربت بعدها ب 3 أيام..واختي بعد سوته وربت بعدها بيومين...سويه بس أنصحج ماتشربين خروع وحليب وهالسوالف الين ماتتأكدين ان الرحم مفتوح لانه يسرع الطلق بدون مايفتح الرحم..

[ام الزين كله*]

كلي عسل وكثري منه لانه وااااايد مفيد يوسع الرحم.. وبعدين آلام الطلق ايي بيوم واحد من الولاده مب قبل كم يوم... يعني اليوم اللي بتربين فيه بييج الالم ..
والله بسهل عليج يارب...

[خوخه2012]

مشكورات خوات ماقصرتو وياي بس عندي سؤال . عندي الم مثل الدورة يعور يوصل للرحم وحتى رجلي يعور شو معناته هل هذا الالم الولادة الطلق ولا شو باقي يس يومين عشان اربي احس جني مابربي لان حملي اللي فات حسيت الالم صج في بنتي لكن دكتورة ولدتي بطلق صناعي لان كان عندي سكري الحمل بس فالحمل ماشي والحمدالله ليش مااحس باعراض الولادة

[to0ota89]

ربي يسهل عليج حبيبتي

[طيف راكـ]

اهم شي لا تشربين زيت الخروع امشي وااتوكلي عالله

[سماريه دلـع]

السلام عليكم يالحوامل .. بنات اليوم انا دشيت اسبوع 40من الحمل اتريا اربي الصراحة لاني تعبت دكتورة قالت لي الموعد الولادة بيكون ان شاء الله تاريخ 19 يعني باقي لي بس 3 ايام . بس انا للأسف مااحس بالاوجاع ابدا ومااحس بالطلق الا خفيف جنى الم الدورة بليز بنات ساعدوني شو اسوي عشان يجيني طلق

حبي كثري من الزنجبيل اشربيه مع زعتر وحليب وامشي وايد كل يوم شربي دلة لانه ينشط الرحم وبالتوفيق لليميع