الدواء السحري لجميع مشاكل الشعر

[Scene Queen]

حبيبتي اول شي بكتبلج الطريقه بالضبط ..

ماتحطين كاب ابدا لانها اتعرق الشعر ومايتشربها وينزل كامل ماي الاعشاب ..
اتفوريين ماي حلو شرب قلاصيين مع ملعقة طعام ونص اعشاب الجوهره ..
من يفور على طول بنديه وتركيه يبرد على راحته ..اشخليه وصبيه على راسج قمت راسج مش تنكسيين راسج لا وابدي طبطبي على راسج اكيد فيه حكمة من هالشي لانها كله اتقولي لازم اطبطبيين جنج اطبليين اشوي اشوي عشر مرات تقريبا وصبي اشوي اشوي عل قمة راسج وكامل الشعر مع مساج خفيف دقيقه ع الاقل اتحسيين ان فروة راسج اتشربته .. وبس اخر شي لفيه او عقصيه بدووووون ما اتمشطينه ولبسي لبس جديم لنه بيتوصخ وحطي تحت رقبتج فوطه او لفي راسج ابفوط بدون ما تنشفينه ونامي .. كانج طالعه سابحه يعني انا صرت متعوده عليه ادخل اغسل شعري فيه وارفعه لفوق واغسل جسمي واسبح والف شعري بالفوطه واطلع وتعالي طالعي شعري تبارك الله بعد ماكان خفيف والله الفرقه ماتبان من غلظه وطوله ايلس عليه ..
ركزي لا تلفينه ببلاستيك ولا تجلبيين شعرج بالعكس ولا تمشطينه .. الحرمة علمتني هالاشيا وصارت عادة عندي والله كل اسبوع شعر الحريم يطول وشعور عيالهم مش وحده وثنتيين كلهن .. وحده اتقول خاطري اقص شعري قصير لرقبتي عادي اقولها حرام اتقول ريلي يباه قصير اتقول ماحاتي شي حاسبه لعمرها من تستخدم الاعشاب 6 شهور يوصل لخصرها مع انها طويله.. انا واثقه ثقه عميا من منتجي وامس امطرشه 27 طلبية اكيد بتكون فيه تجارب مابقصرن الخوات بسدحنهاوالتوفيج للجميع..

مشكورة اختي
خلاص ما بحط الكاب ولا بلفه بفوطة أحسن عشان تتشربه فروة راسي بلبس لبس قديم وبحط فوطة على جتفي
وبلف شعري بدون ما أسحيه وان شاءالله رح أطبطب عليه وأفرك فروة الراس
بس ما فهمت يوم قلتي لا تجلبين شعرج بالعكس؟؟ كيف يعني؟؟

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مذهــله]

اوكيه تمام حبيبتي ..اقصد لا تجلبيين راسج وتصبين الاعشاب صبيه وشعرج نازلج ع جتفج..واضح تراني ماعرف اشرح وبعدين انا مش مصدقه ماطلع شعر هههههه خلي حد من خواتج يشوف وحبيبتي انا بغيب اسبوع لظروف لا ادورني واي حد يسال عني خبروه هههههه مادري منو بيسأل وخواتي باجر الصبح بطرش اخر دفعه السموحه الي حابه تطلب رقمي عندها بس ما بتستلمه لين ما ارد ع المسج واتفاهم معاها ..الله عليكم حافظ سلمولي على مشرفتنا الغالية راعية الموضوع

[Scene Queen]

ليش حبيبتي؟ وين بتسيرين؟ ان شاءالله خير
أنا عيل بغيت علبة ثانية بس مب الحين
يعني خلاص بتوقفين بيع الأعشاب؟؟ اذا جذيه رح أطلب علبة أخرى الآن

[امراه]

عسى يطول شعرج واتبشرينا اختي بس انا الفه بفوطه واسويه العصر لانه الحو برد ومابقدر ارقد به ويوم اسويه امسح عالفروه والحمدلله النتيجه مرضيه

[سوسو123]

هلا اختي

انتي يوم ترقدين الفوطة تكون ع المخده وشعرج عليها ولا تلفين الفوطة ع شعرج وترقدين فيها

[Jawharah]

تحمست أجرب الدواء وخاصة من اسمي
حالياً أستعمل زيوت عشبية لقيت فرق واضح بعد أسابيع الحمدلله وشعر ناعم حرير

[امراه]

لااختي مااحط فوطه لانه لين الليل يكون شعري ناشف واكون هبره الكشه منتفشه ههههههه بس ماشاءالله تبارك الرحمان وايد شعر طالع لي صغير عاليبهه وانا صراحه اسويه فالمغسله واكمبس راسي واصبه والحمدلله فيه نتيجه وين الاخواااااااات الباقيات ليش مايخبرونا النتايج اناصار لي شهر ونص والحمدلله شعري طول ً

[Fa.R]

أنا شعري من النوع الي يتفاعل مع الزيوت والنتيجة تطلع بسرعة ماشاء الله تبارك الله
إن شاء الله بجرب هالأعشاب تسلمين امراه لطرحج في تجربة هالاعشاب

[امراه]

الله يسلمج حبيبتي اسعدني ردج الطيب ياليت اختي فاطمه تخبرينا تحربتج فديتج

[إمـــكـــن؟!]

ياريت البنات اللي جربن يكتبن نتايج الاعشاب

اختي "امراه"

وقفتي استخدام الاعشاب ولا بعدج
وهل لاحظتي ان شعرج طول
انا ابا شعري يطول
لانه شكله زعلان من قصيته من سبع سنين

[سامية22]

موفقه

[سوالف بحر]

من تجربتج اختي تشجعت وتواصلت مع اختنا مذهلة وتم الطلب
طلبتها لاختي وان استفادت بطلب مرة ثانية لنفسي الحمدلله شعري حلو بس طوله بطيئ
واوعدكم انزل التجربة بكل امانة
موووووفقين خواتي

[سوالف بحر]

اليوم وصلتني الطلبية ومباشرة اختي بدت بالاستخدام وبدأ العد
وان شاء الله بخبركم بالنتيجة بكل امانة
جزاها خير الاخت مذهلة ماقصرت بالتوصيل مجانا وع الوقت ويارب اختي تلاقي نتيجة
بالتووفيق

[إمـــكـــن؟!]

صباح الخير

انا استخدمه من تسع ايام بالضبط

بس والله اتجمد من البرد ومع ها احطه

لان ها اخر شي بستخدمه لشعري ما خليت شي ما جربته

ابااه يطول

[غرشوبة الكتبي]

خواتي الي جربن بسال كيف ريحة الأعشاب لان الحرمة تقول تسويه ثلاث ايام وعقب تغسل الشعر ....أإأذأإأ مب قويه ولا كريهه نتحمل آنــــ į ąɱ ــآ مـِْ♡̨ـِْ̨ـِْا نغسل شعرنا دوم فـِ♡ـيْ سبيل انه يوقف تساقط


أتمنى تردن علي فديتكن