الاعراس...

[اسمهايت]

السلام عليكم ورحمة الله وبركاته
بما انى بنت هالمنتدى واحبه كثير وبداية شغلي كان منه...فحبيت انه يكون اول مكان يعرف طبيعة شغلي انا والمجموعه ويدعمنا
واتمنى الكل يوقف ويدعمنا ويساندنا ومابي تعليقات مالها معنى
اتوقع الكثير عانى ويعاني ومكنسل فكرت الزواج وخصوصا الشباب بسبب غلاء الاعراس ومالومهم انا وحده شفت العجب من التاجرات والمصيبه في منهن تاجرات اماراتيات وهن الى يرفعن السعر
مثال:
1-سالت وحده تساوي توزيعات كم سعر البوكس وهو عباره عن بوكس صغير ورق تقول 8 درهم بدون شوكلاته!! وهو ما كلف طبعا درهمين ويمكن اقل!!!!
2-فساتين الزفاف والسهره تييبهم من السعوديه على 200 و500 وتبيعهم بسعر خيالي!!!
3-الميك اب حدث ولا حرج 5 الف وفوق
وغيره وغيره
قررنا انا ومجموعه نحارب هالشي وبدينا بسالفة الكوش وليلة الزفاف وبسعار خياليه والكل ماكان يصدق السعر وكان هدفنا هووو محاربة غلاء الاعراس والحمدالله الكثير شكرنا على هالفكره
الى ابيه توقفون معنا بتقولون اسوي دعايه ع راحتكم والمفروض انتوا بعد تسوون دعايه معنا عشان نوقف جشع التجار
والشي الثاني الكل ممكن يشارك في فكرتنا مثال:
1-التاجرات الى يبيعن توزيعات ممكن يشاركوا ويانا بس طبعاااا الاسعار ما تكون خياليه ومن الحين اقول توزيعه فوق 5 درهم مع الشوكلت ماااانبي
2-تاجرات فساتين الزفاف شاركوا ويانا بس مانبي اسعااااار خياليه لانه الى بتحط سعر خيالي بنطلعها من المجموعه لان هدفنا محاربة الغلاء وتيسير الزواج
3-تاجرات الحلويات والمطابخ بعد يشاركوا ويانا ومثل ما قلت اسعار خيال مانبي
4- الى تسوي ميك اب وتسريحه عروس تسارك ويانا بس تحط في بالها مانبي اسعاااار مبالغ فيها

واى تاجره لها علاقه بسوالف العرس والعروس حياها
واتمنى احصل تفاعل من الجميع ونحارب غلاء الاعراس والى تؤدي الى التقليل من نسبة العنوسه

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[قلوب حلا]

حلوو ماشاء الله بالتوفيق يارب

[برايدالامارات]

موفقين,,,,,,

[وجدان الفجر]

ما شاء الله , الله يوفقكم يارب . فكرة جميلة ونبيلة .

[اسمهايت]

لا اله الا الله

[أم عبدولي]

ما شاء الله بالتوفيق

[Sugar Eng]

مــــوفقه ~..

[يتيمة بو خليفة]

تسلمييين ..

نتريااهم

[m3andah]

حلو والله

بس انا ما فهمت تشاركون وين ؟؟
يعني بتنزلون مواضيع ؟ ولا هني اللي تبي تنزل موضوعها فهالصفحه ؟؟

يكون احسن لو تحددين الاسعار بالنسبة للفساتين والميكاب عشان اللي تبي تشارك ..
وانا اشجعكم بقوة
لانه صدق بغض النظر عن غلاء العرس ها يعتبر اسراف حتى للي عنده هالمبالغ ومب فارقة وياه
والله يعيننا ويهدينا للحق

[Um Sha5bo6]

والله فكره واااايد حلوه،،
وصدق بتساااعدنا..
عن نفسي ازهب لعرسي والأسعار ضااااااربه فووووق مع العلم ان انا وريلي دخلنا محدود وكل اللي نباه ان نكون لبعض عسنة الله ورسوله..
بس تواجهنا مشكلة اللي هي ان نرضي اهلنا من ناحية الترتيبات (الكوشه وملحقاتها) .. التوزيعات.. الأكل.. فستان العرس..التصوير.. الميكب.. الخ
يا ريت لو نتواصل عالخاص يمكن يكون عندكم الخدمه والسعر اللي ترضينا وتكون في صالحنا..


والله يوفقكم

[عزة فوتو]

حلوة المبادرة وانا معاك فعلا في اسعار مبالغ فيها احيانا لكن مو من كل التاجرات ،التاجرة لازم تحط ببالها انها بتعطيك شغل وسعر مناسب عاساس ترجعي لها مرة ثانية او تدلين احد عليها
لكن في بعض منهم ما يهتم يريد ياخذ فلوس والباقي مو مشكلة
ولا ننسي ان السعر بيختلف صحيح من تاجرة لاخرى وهذا طبيعي حسب خبرتها وجودة شغلها واسمها اللي تعتبر انها تعبت سنين وهي تبنيه...
لكن الفرق الشاسع والكبير اكيد بيكون في شي غلط بالنهاية هذا سوق ولازم الي يدخل بهالشغل يعرف اسعار السوق
انا اسعاري مناسبة الحمد لله وانا معاكم بكل ما يختص بالتصوير للعروس اعتبريني معاكم والله يوفقكم ويسعدكم امين

[اسمهايت]

حلو والله

بس انا ما فهمت تشاركون وين ؟؟
يعني بتنزلون مواضيع ؟ ولا هني اللي تبي تنزل موضوعها فهالصفحه ؟؟

يكون احسن لو تحددين الاسعار بالنسبة للفساتين والميكاب عشان اللي تبي تشارك ..
وانا اشجعكم بقوة
لانه صدق بغض النظر عن غلاء العرس ها يعتبر اسراف حتى للي عنده هالمبالغ ومب فارقة وياه
والله يعيننا ويهدينا للحق

الغاليه التواصل يكون عن طريق الاتصال فينا والى تبي الرقم نعطيها ع الخاص لانه ممنوع وضع الارقام
ام بالنسبة لفساتين الزفاف مانبي اسعار تاجير الفساتين يفوق 5 الف ابد
والميكب مع التسريحه مايزيد عن الف درهم نبيه اقل

[عبيرستايل]

مبادرة حلوة بارك الله فيكم وانا معكم وربي يرزق الجميع

[سامية22]

حلوه الفكره

[مودي فوق]

مبادره طيبه موفقين يارب