مب حابة طبع ريلي

[MisS.Katkota]

السلام عليكم ورحمة الله

انا داشه بنك ربيعتي وحابه اكتب لكم مشكلتي، هي مب مشكلة كثر ما هو شي ينرفزني وخصصوصا نحن في وقت الملجة ..

انا وحدة دايما على الموضة واحب البس واكششخ ، بس ريلي عكسي تماما ، ما يهتم بالموضة وما يهتم بشكله.
اول مرة طلعنا ويا بعض كان كاشخ ،بس عقبها طلعنا مرات وما يلبس لا غترة ولا عقال بس يلبس كندورة وما يتحلق ، وانا اكون بكامل اناقتي وكشختي ، يحز بخاطري اشوفه جي ! وانا اموووت بريال يكون متعصصصم وكاشخ يوم يطلع ويا حرمته ..

سألته مرة ليش ما تلبس غترة يقولي وايد حر برع وانا متعود جي ! وانا ما بغيت احرجه اكثر بس بنفس الوقت ما يعيبني لما ما يهتم بنفسه ! وخصوصا لما ييني ما يكون متحلق ..اقول بيني وبين نفسي انا هالكثر ضيعت وقتي عسب اكشخ لك ..وانته تييني ومب متحلق !!!

دوووم آنا اللي ازقره عسب ييني البيت او عسب نطلع مكان بس هو ما يبادر من نفسسسه ! ودايما انا اللي أتصل فيييه وأسآل عنه بس هو ما يبادر يتصل من نفسسسه ..احيد وقت الملجة الريال يركض ورا البنت بس اهني اشوف العكسسس !

وعادي لو ما سآلت عنه بالايام ولا اتصلت فيييييه يكون عادي عنده وعقب يوم اتصل فيه يقوولي اشتقتلج !!!!!!!!!!!! اقوله ليش ما تتصل يقووولي انتي دوم على بالي وافكر فيج ..مب شرط اتصل عسب ابين هالشي !!!!!!!!!!!!!!!!!!!!!!

بيجلطني !!!!!! حابه اغير هالاطباع الغريبة في ريلي شوروا علي

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فديت الجميرا]

اهم شي انتي تكونين متقبلتنه وبعدين انتي بتعودينه على طبعج عادي

[إستغفر الله]

الله يوفقكم اختي

[روضه123]

مممم احس انتي من النوع اللي يبادر لدرجه انج ماتعطينه وقت يبادر

يعني تتصلين ف اكثر الاوقات وعسب جيه اهو مايلاقي وقت يتصل ،،

جربي طريقه انج تخففين عنه اتصالاتج ،،


واذا عن العزومه لا تعزميه خليه اهو بيشتاق لج وبيعزمج،،

لا تحنين عليه وايد وشوفي رده فعله وبعدها بنقدر نعطيج نصايح لان بنكون فاهمينه اكثر

وبالنسبه للشكل عادي وانتي ترمسين وياه قوليله ياخي انت مثل طبع ولد اختي الصغير مثلا دوم انازعه اقوله البس غتره ماحب لازم تكشخون دامكم برع البيت وييبيها ع اساس سوالف

واذا مب متحلق مرات بعضهم يبالهم حد يعطيهم بالويه بس بطريقه حلوه ماتجرح

ماعرف بس مممم مثلا قوليله فلان تعجبني يوم تحلق جيه والا قوليله انت عكس خواني ماتحلق دوم اخواني كل يومين بالحلاق وجيه قوليها ع اساس سوالف

[أحلام علي]

اختي ها طبع الرياييل مب كلهم يعبرون بالكلام

في منهم يعبرون عن حبهم بالافعال مثلا مايكون مقصر معاج ماديا ويامن مستقبلج

لاتسوين مشاكل لا ياج وهو كاشخ امدحيه وقوليله يعيبني جي وان شا الله الباقي يفيدونج

[MisS.Katkota]

مممم احس انتي من النوع اللي يبادر لدرجه انج ماتعطينه وقت يبادر

يعني تتصلين ف اكثر الاوقات وعسب جيه اهو مايلاقي وقت يتصل ،،

جربي طريقه انج تخففين عنه اتصالاتج ،،


واذا عن العزومه لا تعزميه خليه اهو بيشتاق لج وبيعزمج،،

لا تحنين عليه وايد وشوفي رده فعله وبعدها بنقدر نعطيج نصايح لان بنكون فاهمينه اكثر

وبالنسبه للشكل عادي وانتي ترمسين وياه قوليله ياخي انت مثل طبع ولد اختي الصغير مثلا دوم انازعه اقوله البس غتره ماحب لازم تكشخون دامكم برع البيت وييبيها ع اساس سوالف

واذا مب متحلق مرات بعضهم يبالهم حد يعطيهم بالويه بس بطريقه حلوه ماتجرح

ماعرف بس مممم مثلا قوليله فلان تعجبني يوم تحلق جيه والا قوليله انت عكس خواني ماتحلق دوم اخواني كل يومين بالحلاق وجيه قوليها ع اساس سوالف

عطيييته فرصة مرة ..ما كلمته لمدة اسبووع وهو لا طرش مسج ولا اتصل وزعلت

[تاجرة خلطات]

الله يوفقكمممم ومبروك حبيبتي اهم شي انتي اكشخ منه.... انا بصراحه ماحب ريلي يكشخ احبه يكووون عادي.!

[A+k]

هو جيه طبيعته وصعبة بين يوم وليلة يتغير

حاولي معاه شوي شوي وبالتدريج لين مايتعود

والحين أحس فترة المجلة شوي صعبة يوم بتعرسون تقدرين تغيرينه

[طيف الغربة]

انا اشوف حلو انة الرجل ما يكشخ ويبالغ لان الرجل بطبيعته مب لايق عله المبالغه ف الكشخة

يكفي انتي تكشخين وهذه اصلاً بطبيعه النساء

بتتعودي عليه مع الايام وربي يوفقكم

[فراشة فوشية]

حبيبتي عن موضوع الكشخة والحلاقة والتعدل قعدي معاه وكلميه ف هالشي
بينيله انج اتحبينه يكون كاشخ ومهتم في نفسه

قوليله هالشي المفروض يكون من الطرفين، انت أكيد اتحب اتشوفني متعدلة وف أحلى صورة، وانا نفس الشي أكيد
انتي اختاري الأسلوب حسب طبيعة ريلج، إذا كان حساس لمحيله، إذا مافهم خبريه بأسلوب لطيف ألطف شي

وعن موضوع انه مايسأل ولازم انتي تسإلين، عادي وايد من الرياييل جيه
خطيب اختي كان جيه يوم ملجوا فترات طويلة مايشوفون بعض، ماكنا انحسه انه مستانس لأنه ملج!!

كان هالشي وايد عادي عنده وكان بارد

انتي سألي مو ماتسإلين، لكن مو دايما، مرات سألي ومرات انتظري لما هو يسأل
حتى لو مر أسبوع أو حتى اسبوعين، عطيه فرصة انه يسأل وحسسيه بهالمسؤولية

ولاتكونين دوم انتي البادئة لا ف الاتصالات ولا حتى وقت ماتعزمينه.. خلج جيه

وبس

يارب انج تقدرين اتغيرينه مثل ماتبين

[بنت الشوامخ]

بصراحه الريال الكشيخ اللي يهتم بستايله خافي منه
مب الكل بس للاسف فئة كبيرة منهم يحبون الاستعراض ولفت انظار البنات
وبعدين بصراحه مب شي ريال اهتمامه الموضه والستايل
هذه سوالف واهتمامات بنات يعني
وانتي بذكائج مع الايام راح تخلينه يتلبس ويتكشخ على ذوقج وهواج ،،

اهم شي يكون لبسه مرتب ويهتم لنظافته
يعني الحلاقه مايخصها بالستايل والموضه
خل يعدل لحيته عالاقل مره بالاسبوع ، ويغطي راسه اما بالحمدانيه او الغتره او الكاب مثلا
قولي له انج تحبين يكون متعصم مثلا لو ماتحبينه يطلع شعره مع انه عادي هالشي احيانا يعتبر ستايل للشباب انه مايغطون راسهم

المهم

لاتخلين شي في خاطرج قولي كل شي في خاطرج حق ريلج

وهو اكيد دامه يحبج بيهتم لرايج وبيحاول يمشي بكلامج قد مايقدر

اما بخصوص قلة اتصاله وجي شو بتسوين هذا طبع بعض الرياييل ايام الملجه
ترى مب الكل يكون متلهف ودوم يبادر ويسأل
احيانا العكس

والحل كلمي ولاتخلين شي بخاطرج وصارحيه
وحاولي مب دوم انتي تبادرين


والحمدلله ما اشوف في ريلج عيوب كبيره كلها اشياء بسيطه وقابله للتعديل

انا في اطباع ماتعيبني في ريلي
وبصراحه ماخليت في قلبي وكلمته
بصراحه كنت مستحيه بس استويت شجاعه وصارحته وعقب واايد ارتحت الحمدلله

اهم شي كلميه باسلوب حلو وتكونون يالسين مع بعض مثلا عالبحر ولا مكان هادي رومانسي لانه يأثر اكثر بنفسيتج ونفسية ريلج ويخلي المزاج كول وقابل للنقاش

قولي له مثلا انا احب اشوفك بالحمدانيه
مثلا احب تكون بأحلى واحسن مظهر جدامي وجدام الكل ، يعني من هالكلام

موفقه

[زم_قمر_ان]

اختى بالعكس عن تجربه راعي الكشخه تكون عيونهم زايغه شوى

اما الانسان العادى احسن والله يكون ملكج وعمره ما شاف غيرج

والرجال طبعهم غير الحريم من ناحية السوال

لانهم ما يعبرو عن مشاعرهم نفسنااا

[UniQue Soul]

ما بترومين تغيرين طبعه في هالفترة

[تعب*قلبي]

اختي مشكلتج ما تستاهل كل هالضيق .. البنت غير عن الريال احنا نحب الكشخه و نقعد بالساعات قدام المرايه نتمنظر بس الرياييل غير ما يفكرون جي.. الحين صعب تعودينه على اطباعج بس بعد الزواج ان شاء الله بيجمعكم بيت واحد و بيتعود و مع الوقت اثنينكم تغيرون من اطباعكم عشان بعض.. بس انتبهي تضغطينه او تغصبينه يسوي شي هو مو مقتنع فيه لان ما راح يحس على راحته ... ثاني شي اعرف وحده تموت بالكشخه و جي و ريلها ما يحب و لبسه اقل من عادي بس هو كان يحب جي و متعود يلبس اي شي و هي تباه يلبس ماركات و كشخه و يوم غير ستايله عشانها صاروا لما يمشوا في المول او اي مكان عام هي تلاحظ البنات يلتفتوا له او يبتسموا له و هو مثل اللي ما صدق و عيبه الوضع هي انقهرت و تحسفت و كلمته على اساس سوالف ان ستايلك القديم كان احلى عليك بس هو خلاص تعود .. و اذكر كانت حتى تشكي ان قبل لا يتغير كان يعطيها مصروف حق ماركاتها و كشختها بس عقب صار راتبه كله طاير على لبسه وكشخته هو و هي تشري من معاشها .. فنصيحة انتبهي اختي.. لكن علميه يهتم بنظافته الشخصيه ان يحلق و جي.. و لا تبالغي في تغييره اذا كان عادي وزين و مقبول اهم شي انتي كاشخه .. و خففي من اتصالاتج بس تقدرين ترسلين له مسج مثلا "اشدعوه يومين ما تسأل ما اشتقت لي؟" مع ابتسامه او غمزه او ورده.. و قوليله اشرايك تعزمني المطعم الخ الخ و ان شاء الله مع الوقت يتعلم.. و الله يوفقكم ان شاء الله

[عَسَلْ]

صراحة طبعه واايد غريب ..
ما عندي شي اكثر اقوله .. شخصيته غامضة ؟؟؟؟؟؟