مستشفى برجيل ارجو المرور ضروري

**عاشقة الموضه** · 2013-06-17, 14:54

السلام عليكم حبايبي انا حامل بالشهر السابع وبفتح ملف بمستشفى برجيل بابوظبي حد يعرف عنها شي وابا دكتورة زينه هذا اول مولود لي محتارة وخايفه ارجوكم فيدوني اللي مجربه او اللي تعرف حد مجرب الولادة هناك او اي معلومه تفيدني ارجو الرد

المزيد من آخر المواضيع من نفس القسم:

**مالتيزرس** · 2013-06-17, 23:40

للرفع

**(( بسمه ))** · 2013-06-18, 00:17

لللرفع

**soso0** · 2013-06-18, 07:56

افضل المستشفيات الحكومية وذلك بسبب (الله يبعد الشر عنج وعن البيبي)
عندهم استشاريين مش دكاترة لتجنب مشاكل الولادة مثل ياج نزيف او البيبي احتاج حضانه
وانتي ورايج

**كراميلا1** · 2013-06-18, 10:50

المشاركة الأصلية كتبت بواسطة soso0

افضل المستشفيات الحكومية وذلك بسبب (الله يبعد الشر عنج وعن البيبي)
عندهم استشاريين مش دكاترة لتجنب مشاكل الولادة مثل ياج نزيف او البيبي احتاج حضانه
وانتي ورايج

**هيبـة مشـاعـر** · 2013-06-18, 11:05

أختي بقولج شي .. ريلي يشتغل فعياده

ووحده من الدكاتره قالتله كل شي عن برجيل ..

يقولج دكاتره مستشفى برجيل ثلاثة ارباعهم اهم الدكاتره اللي ( أنفصلوا من مستشفى خليفة بسبب اغلاط طبيه )

مستشفى برجيل اللي فدبي معروف انه من افظل وافخم وارقى واحسن المستشفيات على مستوى الدولة

عسب جي مب اي حد يقدر يدخله

بس اللي فبوظبي يبون مردود مادي اكثر حطوه لكل الناس بس بمستوى اقل

انا رحت لهم ابا اسوي صورة ثري دي للبيبي تميت اترياهم شهر كامل

ويوم وصل يوم الموعد قالولي نحن ما عدنا ثري دي

عيل ليش قلتو قبل انه فيه وليش ظيعتو علي شهر كامل

اللي اعرفه انه برجيل مال شكل بس ..

وللربى افضل مستشفى الكورنيش لانه فيه استشاريات واخصائيات

**munamoor** · 2013-06-18, 11:26

المشاركة الأصلية كتبت بواسطة هيبـة مشـاعـر

أختي بقولج شي ... ريلي يشتغل فعياده ووحده من الدكاتره قالتله كل شي عن برجيل .. يقولج دكاتره مستشفى برجيل ثلاثة ارباعهم اهم الدكاتره اللي
( أنفصلوا من مستشفى خليفة بسبب اغلاط طبيه )
مستشفى برجيل اللي فدبي معروف انه من افظل وافخم وارقى واحسن المستشفيات على مستوى الدولة ...عسب جي مب اي حد يقدر يدخله ....
بس اللي فبوظبي يبون مردود مادي اكثر حطوه لكل الناس بس بمستوى اقل
....انا رحت لهم ابا اسوي صورة ثري دي للبيبي تميت اترياهم شهر كامل ....
ويوم وصل يوم الموعد قالولي نحن ما عدنا ثري دي ....
عيل ليش قلتو قبل انه فيه وليش ظيعتو علي شهر كامل ...
اللي اعرفه انه برجيل مال شكل بس ..
وللربى افضل مستشفى الكورنيش لانه فيه استشاريات واخصائيات

منو قال ان الدكاترة الي برجيل مفصولين من مستشفى
الشيخ خليفة بسبب أخطاء طبية !؟!؟ اول مرة اسمع عن هالشى !؟!؟ انا ربيعتي
هناك و كل الدكاترة الي هناك ولا واحد فيهم كان في خليفة و انفصل !؟!؟
وثانيا اختي المستشفى هذا للشيوخ وما اعتقد انه الشيوخ راح يخاطرون
بحياة الناس بسبب المادة الكل عارف المستشفى تابعةلمنو

كم تسوى ان الشيخ اييب لج أطباء من بلجيكا عسب الي الله ما انعم عليهم يتعالجون مجانا و على حساب ثقة ؟!!! قبل المواطن يتعنى و يروح بلجيكا عسب يتعالج عن الدكتور فاطمي و اللحين هو ايي مستشفى برجيل ؟! و المستشفى برجيل الي في دبي تابعة لإمارة دبي و غير عن برجيل الي في بوظبي عزيزتي ؟!؟! ريلج ما قال لج ها لمعلومة !؟!؟ الي في دبي ما يخصها في إمارة بوظبي و الي في بوظبي تابعة لشيخ من شيوخ بوظبي بدون ذكر الأسماء

**بسمه حزينه** · 2013-06-18, 15:04

ماكد رحتله

الحكومة زينين شرات المفرق والكورنيش
وامهاتنا كلهن ربن فيه يعني خبره في التوليد

**ss91** · 2013-06-18, 17:27

-------------

**بهلولة** · 2013-06-18, 18:10

اللي اعرفه انه مو لهناك

**maitha_2008** · 2013-06-19, 11:57

انا بالنسبه لي افضل المستشفيات الحكوميه للولادات او اي عمليه ثانيه لان اولا متوفر فيه كل الاجهزة والدكاتره .... انا المستشفيات الخاصه اعالج فيها لاشياء بسيطه اما للحمل والولاده اروح الحكومي ...

**مهرووووووه** · 2013-06-19, 13:43

ماعندي اي فكره

**روضة ..** · 2013-06-20, 10:01

واي البنات جلبوها شيوخ وماعرف شو ... المالك هندي ولا له خص بالشيوخ ولا شى ... بس الافتتاح حضروه الشيوخ

المهم بالنسبة لي اختي ربت فيه من كم يوم وانا نصحتها الف مرة وقلتلها لا لا لا ... من تجارب ربيعاتي وحده توفت بنتها بعد 12 ساعة عقب الولادة وبدون سبب واضح ... والسبب ما عندهم طبيب اطفال .. وهي كانت يايبة دكتورة ناديا تولدها ..

ووحدة عقب الولادة تعب البيبي حولوه الكورنيش والكورنيش ما رضى يستلمه قالهم الاولويه حق اللى مربين عنده ...

المهم وللعلم عنبر الولادة كان مغلق بسبب الوفيات اللى صارت عندهم اول فترة وكان دكتور التوليد ريال ورجعوا فتحوة من فترة قريبة ويابوا استاف حريم ..

طبعا انا بخبركم عن ولادة اختي اللى صار لها اسبوع ... المهم اختي شافت الموت والله رحهمها برحمته

الدكتوره تقول هي كانت في الكورنيش المهم هندية وحامل والقابلة بعد هندية ماعرف من وين ياية ودكتور الاطفال مصري

المهم الدكتور بصراحة ما شفت عليه شى شاطر وزين

بس المصيبة الدكتورة والقابلة اختي بتموت وهن يسولفن والله لو اخبركم بالوضع اللى اختي كانت فيه طايحة مدوخة وهن يسولفن وكل وحدة ماسكه ريل

شو يسون ماعرف المهم دخلت الغرفة وضرابة معاهن اخر شى يقولن لي طلعي برع بتعلمينا شغلنا ..

المهم ربت اختي عقب ماطلعت روحها ولادة طبيعية والمشيمة طبعا نزلت عقب ساعتين من اهمال الدكاترة..

ياليت اختي تدخل وتكتب تجربتها بروحها ...

بس الله يحفظج ابتعدي عن هالمستشفي على الاقل لين كم سنة جدام تكون خبرتهم زادت او سمعتهم اسوت احسن عن جي ... انصحج بالكورنيش خاصه لانج بجر ...

الله يسهل عليج

**الواقعيه** · 2014-09-06, 11:41

موضوع جديم بس حبيت اقول رايي

انا ربيت فيه والحمدلله عناية ولا اروع

**الوردة الجورية** · 2014-09-07, 08:25

المشاركة الأصلية كتبت بواسطة الواقعيه

موضوع جديم بس حبيت اقول رايي

انا ربيت فيه والحمدلله عناية ولا اروع

من اللي الولدج في المستشفى؟
طبيعي والا قيصري؟

الموضوع: مستشفى برجيل ارجو المرور ضروري

أدوات الموضوع

عرض

مستشفى برجيل ارجو المرور ضروري

المزيد من آخر المواضيع من نفس القسم:

رد: مستشفى برجيل ارجو المرور ضروري

رد: مستشفى برجيل ارجو المرور ضروري

رد: مستشفى برجيل ارجو المرور ضروري

رد: مستشفى برجيل ارجو المرور ضروري

رد: مستشفى برجيل ارجو المرور ضروري

رد: مستشفى برجيل ارجو المرور ضروري

رد: مستشفى برجيل ارجو المرور ضروري

رد: مستشفى برجيل ارجو المرور ضروري

رد: مستشفى برجيل ارجو المرور ضروري

رد: مستشفى برجيل ارجو المرور ضروري

رد: مستشفى برجيل ارجو المرور ضروري

رد: مستشفى برجيل ارجو المرور ضروري

رد: مستشفى برجيل ارجو المرور ضروري

رد: مستشفى برجيل ارجو المرور ضروري

المواضيع المتشابهه

الدكتورة هيام في مستشفى برجيل

مستشفى برجيل .والتقشير الكرستالي

مستشفى برجيل & هيلث بلس

مستشفى برجيل

مستشفى برجيل بابوظبي