3 شهور و 33كيلو~ i used to be fat

[أنسه زيتونه]

السلام عليكم ورحمه الله وبركاته

اشحالكن بنات ان شاء الله بخير ....

هاليوميات برعايه




أنا ناويه أبدأ حميه و رياضه واضعف خلال هالثلاث الشهور اليايه ان شاء الله

طبعا انا دبدوبه وزني 89 كيلو طولي 169 سم .... بخاطري انزل لل 60 وحلم حياتي 56 كيلو


بخاطري ألبس اللي اريده ويكون كل شي علي حلو ... من صغري وانا عصقوله بس من عرست انتفخت ومتنت

كنت رياضيه قبل والحمدلله حتى مع المتن جسمي بعده مشدود بمواضع معينه بس زنودي الله لا يراويكم تقولون فخذ ديناصور

بس يبالي اخس واعق كل هالدهون

طبعا جربت كل شي من حبوب مجمع مكه الى الدكتور الشمري الى vlcc الى حبوب سليمنغ دايت .. بس اضعف شوي وارد امتن الدبل

عشان جي ببدأ هالمره هالريجيم من خاطري وباراده قويه باذن الله لصحه عمري وجسم حلو لي

ومن باجر بابتدي الدايت وان شاء الله ما يكون نفس كل ريجيم ابتديه واوقفه او اتعب واضعف

جدام الحلويات والاكل .. هالمره ان شاء الله هالشهور الثلاث تخليني انسانه ثانيه بأراده قويه ...

واكيد محتايه تشجيعكم خواتي .. واللي تباه تنضم معاي بهاليوميات حياها الله ....

وطبعا بلايا رياضه مستحيل ننقص شي ... لازم نوفق بين الدايت والريجيم ماشي نتيجه بدون تعب






وفي المسا ان شاء الله بحط وجبات باجر .. مع الرياضه اللي بسويها وبحط صور ... وبنهايه كل اسبوع بقيس الوزن

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شمالية وافتخر]

موفقة حبوبة وان شاء الله توصلين للوزن اللي تبينه بتابعج اول باول

[ابتســــــم]

الله ييسر امرك ياقلبي الوحده تحزن لو تلبس شي وما يجي حلو علها ..

انا كنت 64وكنت كلما البس شيء يطلع موحلو عليا بس سويت تخفيف مع رياضه ومشي سار وزني 57والحمد لله ب3 شهور ومره فرحانه
لاني البس اي شيء للنحاف البسه يطلع حلو عليا ونا الى الان مستمره على التخفيف ناويه اوصل 55 وباذن الله اجيبها

[شمالية وافتخر]

ما شاء الله عليج اختي ابتسم وزني تقريبا 60ابا ارد نفس قبل 55بس الحينه ثابت حمستيني صراحة من اليوم بمشي واختيه انسة زيتونة سوي تمارين البطن واشربي شاي اخضر انا دوم اشربه تقريبا في يوم 3مرات واحيانا ارقص مثل ميانين اونه رياضة هههههههههه

[أنسه زيتونه]

حياتي شماليه وافتخر ^_^ احلى تشجيع بصراحه حمستيني

[أنسه زيتونه]

اختي ابتسم انا مو احزن ... لا الدموع اربع اربع مو لاني متينه لانه ما عندي اراده بس اليوم ارادتي اقوى واكبر بعمر ال 25 وعندي ضغظ

وتكيس مبايض وكل ها من الوزن لازم الوحده تهتم بصحتها ..

ما شاء الله عليج .. keep it up والله يوفقج يا رب وان شاء الله توصلين للوزن اللي تبينه حبيبتي

[أنسه زيتونه]

شماليه وافتخر يقولون صدق الرقص ينحت الجسم ... انا اليوم بتمايل شوي يمين ويسار لانه مع هالوزن ما بعتبره رقص

الشاي الاخضر + خليط القرفه والكمون والزنجبيل وشريحتين ليمون مع قشرهم تساعد بنزول الوزن ... مع المشي والتمارين

مو لازم الوحده تشترك لها بجم وايروبكس عشان تضعف كل وحده لو سوت لها جدول يناسب جسمها ومشت عليه اكيد بتخف بأذن الله

[بهلولة]

جوووووووووووووووووو زيتونه
ويارب عقبالي

[3yoon Ba3'dad]

go go go aller aller aller

الله يقويج وتستمرين و ينزل وزنج بس أنا ما أعتقد ان ال56 هو الوزن المناسب لج بتكونين وايد ضعيفه
انا طولي 172 و يوم كان وزني 57 كنت ابان وايد ضعيفه وعقب ابتدا يزيد وزني شوي شوي يوم وصلت ال 67 كان جسمي بيرفكت بس انا الحين 69 و عندي كرشه صغيره بعد الحمل و الولاده بعمليه قيصريه ومن يومين ابتديت تمارين للبطن و الأرداف للشد

[الماركه شما]

بصراحه كلامكم حلو يعطي الوحده امل بأنها تقدر تضعف ان شاء الله بخفف الاكل وبحاول اشرب ماي وآكل سلطه وقت الجوع يا رب اضعف

[عاشقة للجمال]

السلام عليكم يا بنات؛ انا كثير معجبة بها البرنامج و حابة ابدا من غدا ان شاء الله التحدي
لو تقبلوني معكم كون متشرفة
انا من المغرب متزوجة و عندي بنت سنة و نص الله يحفضها و يحفض عيالكم
الوزن الحالي 82
الوزن لي اتمنى 60 ياربي
عمري 30 سنة

اذا حبيتي بنتوانس اوكي؟؟

[كريستاال]

حبيبتي ان شاءالله ربى يوفقك وتوصلى للمتالى
بس حبيبتي لا تحطي ببالك رقم كبير بفتره قصيره عشان لو ضعفتي اقل ما يصيبك احباط وتستمري
يعني انا فبالى لو اضعف كل شهر 5 كيلو خير وبركه المهم اضعف مو المهم الفتره

[شمـــ وفا ـــعة]

انتي وزنج 89 يا حيج عيل انا شو أقول
اذا انتي زنودج فخذ ديناصور عيل انا الديناصور بكبره
الله يستر!! انا عن نفسي النفسية والحركة وااايد يأثرون على شكلي و وزني

بتابعج اول بأول يمكن تحمست معاج
كلما اشوف قروب يسوون دايت اتحمس في البداية بس يوم احس وزني ما ينزل يجيسني احباااااط واوقف وارجع أخس من أول

[أنسه زيتونه]

حبيباتي البنات برد عليكن بس ببتدي احط التحدي




وهالوزن اللي لازم اكسره ...





دبه انا دبه

[أنسه زيتونه]

والاستعداد النفسي مع شاي اخضر وليمون وزنجبيل اصدم جسمي