صفحة 1 من 4 123 ... الأخيرةالأخيرة
النتائج 1 إلى 7 من 27
  1. #1
    تاجرة برونزية


    رقم العضوية: 123534

    تاريخ التسجيل
    05 - 04 - 2009
    مشاركات
    1,720

    افتراضي تسجيل يومياتي في دوكان دايت ( الهدف 50 كيلوجرام)


    السلام عليكم ..


    أنا قررت أسجل يومياتي هني شبه يومي في ريجيم دوكان دايت علشان أتشجع وعلشان أشجعكم،

    بداية الدايت: 3 ديسمبر
    الوزن بداية الدايت: 62.3 كيلو
    الوزن المطلوب: أقل عن 50 كيلو

    أول شي أنا اعتمدت نظامين:

    دوكان دايت:
    http://forum.uaewomen.net/showthread.php?t=872509

    طبعا في شي دوكان غيره في الدايت، وهو أن المرحله الثانية عبارة عن يوم بروتين ويوم بروتين مع خضار، بدل الخمس أيام، جذي وايد أسهل، وطبعا راح أشرب ماي وايد، وماراح أمشي أو أسوي رياضة، لكن راح أكتفي بالحركه اليوميه اللي أسويها

    النظام الثاني:
    نظام المكافآت، وفكرته أنج تحطين ببداية الدايت لستة بكل كيلو تخسرينه مكافأه، طبعا المكافأه تزيد وتصير كل ما توصلين لوزن أقل تصير المكافأة أحسن< وممكن المكافأة يكون لها علاقة بالدايت وشي يشجعج (مثلا بدلة رياضة يديدة، اشتراك بنادي رياضي) وممكن يكون شي جمالي (جينز يديد، جنطة غالية) وممكن يكون شي دلع (مساج)، والمفروض يكون شي ما تسوينه غالبا لنفسج علشان تتحمسين، ولازم تحطين اللسته قبل لا تبدين الدايت مب تكافئين نفسج بعد النزول.. وطبعا إذا خسرتي وزن وايد أو وصلتي للوزن المثالي تكافئين نفسج بمكافئه ضخمه مثل سفره مثلا أو غرفة نوم يديدة. وإذا ميزانيتج محدوده ممكن تكافئين نفسج بشي ما يتطلب وايد بيزات، مثل باربكيو مع الأهل برى ، أو زيارة لمكان معين.

    مثال للستة مكافآت:
    - 62 كيلو : سينما
    - 61 كيلو: عطر يديد
    - 60 كيلو: بوك يديد
    - 59 كيلو: قصة شعر
    -58 كيلو: صبغ شعر
    - 57 كيلو: حمام مغربي
    - 56 كيلو: مساج
    -55 كيلو: غرفة نوم يديدة
    - 54: بديكير منيكير
    - 53: آيباد
    52: صور احترافية عند مصور
    51: كورس ركوب خيل
    50: رحلة باريس

    طبعا هذي مو لستتي بس اقتراحات ومثال للطريقه، وعندج مكافآت ثانيه ووايد أفكار وكل شخص أدرى بالشي اللي يحبه، بس أهم شي تحطين اللسته قبل، وممكن تعدلينها تعديل بسيط خلال الدايت.
    التعديل الأخير تم بواسطة السنع و الزين ; 2012-12-04 الساعة 14:06

  2. #2
    تاجرة برونزية


    رقم العضوية: 217650

    تاريخ التسجيل
    09 - 01 - 2012
    مشاركات
    4,140

    افتراضي رد: تسجيل يومياتي في دوكان دايت ( الهدف 50 كيلوجرام)

    موفقة


    اجمل انواع اليلسات وغرف النوم




  3. #3
    تاجرة برونزية


    رقم العضوية: 123534

    تاريخ التسجيل
    05 - 04 - 2009
    مشاركات
    1,720

    افتراضي رد: تسجيل يومياتي في دوكان دايت ( الهدف 50 كيلوجرام)

    اليوم: ٣ ديسمبر
    الوزن: ٦٢.٣ كيلو
    المرحلة: مرحلة الهجوم (٣ أيام)
    التفاصيل:
    الريوق: بيضتين مسلوقتين مع ملح وفلفل أسود + كابتشينو من ستاربكس مع سكيمد ميلك وسكر دايت وسينامون
    الغدا: نص دجاجة مشويه (روستد) مع دايت كوك
    العشا: شيش دجاج مشوي عصرت عليه ليمون واستخدمت روب خالي الدسم كصوص + روب مع فلفل أسود
    نخالة الشوفان: ملعقة ونص مع سكر دايت وقرفة وأضيف لهم ماي وأحطه دقيقه بالميكرويف. (اللي ما يحصل نخالة الشوفان يستغنى عنه، مو يستخدم شوفان نوع ثاني، لأن الأنواع الثانيه تمتن)
    ماي: لتر ونص

    الوزن في ٤ ديسمبر: ٦١.٦
    الخسارة: ٧٠٠ جرام
    مكافأة: مكينة بخار لطبخ الخضار + كفر آيفون
    التعديل الأخير تم بواسطة السنع و الزين ; 2012-12-04 الساعة 13:41

  4. #4
    تاجرة برونزية


    رقم العضوية: 38487

    تاريخ التسجيل
    14 - 06 - 2007
    الدولة
    إؤمن بشده إن الله سيبدل حزني سعاده مثلما يبدل السيئات حسنات .. }
    مشاركات
    24,229

    افتراضي رد: تسجيل يومياتي في دوكان دايت ( الهدف 50 كيلوجرام)

    هالدايت وايد روعه


    الحلو فيه ان مقاسات الجسم تتغير وتنقص بسرعه ويبين الضعف حتى لو نزلتي شي بسيط او ما نزلتي حتى



    جربته مرتين


    مع المشي اليومي و\شوية تمارين من النت



    عيوبه :

    الامسااااااااااااااااااااااااااااااااااااااااااااا اااااااااااااااااااااااااااااااااااك




    في المرة الثانية قمت اخلط الجبة السودة مع اللبن والروب لان فيه مادة زيتيه وهي تمنع الامساك ويفضل يكون مطحون


    والحين ان شاء الله ناوية ارد له مرة 3 باذن الله



    نصيحه :



    كثري مااااااااااااااااااااااااااااااااااااااااااااااااا ااااااااااااي



    اشربي ماااااااااااااااااااااااااااااااااااااااي بكميات عشان لا يسوي لج امساك وتتعبين



    وموفقة


    لاجل إماراتي افتخر بهويتي وتراثي - توزيعات وملابس تراثية للاولاد والبنات ج 3
    كفر ايباد +فون



  5. #5
    تاجرة برونزية


    رقم العضوية: 123534

    تاريخ التسجيل
    05 - 04 - 2009
    مشاركات
    1,720

    افتراضي رد: تسجيل يومياتي في دوكان دايت ( الهدف 50 كيلوجرام)

    اليوم: ٤ ديسمبر
    المرحلة: ثاني يوم من مرحلة الهجوم(٣ أيام)
    الريوق: بوريه نخالة شوفان (ملعقة ونص+سكر دايت+جرفة+ماي قليل) ونحطه بالميكرويف، روب مع فلفل أسود، شاي كرك (حليب طويل الأمد خالي الدسم+ شاي + سكر دايت)
    الغدا: نص دياية روستد +دايت كوك
    العشا: شيش دجاج مشوي معصور عليه ليمون وروب خالي الدسم كصوص + دايت كوك

    أنا كلت نفس أمس لأن الأكل من المطعم وكنت مشغوله وماكان عندي وقت أكتشف مطاعم يديدة عندها أكلات مشوية، اذا ماعرفتي وين تروحين غالبا المطاعم اللبنانية والايرانيه والهندية ومطاعم الستيك والمطاعم الفرنسيه عندهم بروتين مشوي.. أو طبعا مطاعم السي فود تاكلين سمج أو ربيان مشوي.


    ع فكرة بنات، فيه حليب مجفف خالي الدسم تقدرين تستخدمينه كسناك أو تصبيره، بس لاتكثرين منه.


    الوزن في ٥ ديسمبر: ٦١.٤
    الخسارة: ٢٠٠ جرام
    الخسارة الكلية من بداية الدايت (يومين): ٩٠٠ جرام
    التعديل الأخير تم بواسطة السنع و الزين ; 2012-12-05 الساعة 16:12

  6. #6
    تاجرة برونزية


    رقم العضوية: 123534

    تاريخ التسجيل
    05 - 04 - 2009
    مشاركات
    1,720

    افتراضي رد: تسجيل يومياتي في دوكان دايت ( الهدف 50 كيلوجرام)

    اقتباس المشاركة الأصلية كتبت بواسطة عالية الغالية مشاهدة المشاركة
    هالدايت وايد روعه


    الحلو فيه ان مقاسات الجسم تتغير وتنقص بسرعه ويبين الضعف حتى لو نزلتي شي بسيط او ما نزلتي حتى



    جربته مرتين


    مع المشي اليومي و\شوية تمارين من النت



    عيوبه :

    الامسااااااااااااااااااااااااااااااااااااااااااااا اااااااااااااااااااااااااااااااااااك




    في المرة الثانية قمت اخلط الجبة السودة مع اللبن والروب لان فيه مادة زيتيه وهي تمنع الامساك ويفضل يكون مطحون


    والحين ان شاء الله ناوية ارد له مرة 3 باذن الله



    نصيحه :



    كثري مااااااااااااااااااااااااااااااااااااااااااااااااا ااااااااااااي



    اشربي ماااااااااااااااااااااااااااااااااااااااي بكميات عشان لا يسوي لج امساك وتتعبين



    وموفقة
    مشكورة ع التشجيع، فعلا الدايت وايد يبين بالجسم وانتي راح تحسين وغيرج راح يحس بالفرق بالسايز، أذكر ربيعتي سوته ٢٠ يوم بس وما قدرت تلبس جينزاتها وسعت عليها، من غير بطنها والجوانب اختفت تماما بس بها المدة.. بالنسبة للامساك، الخطه أني ماراح أكل جبن وراح أقلل من مشتقات الحليب لأن هي اللي تسوي الإمساك.

  7. #7
    نجمة


    رقم العضوية: 240370

    تاريخ التسجيل
    30 - 10 - 2012
    مشاركات
    172

    افتراضي رد: تسجيل يومياتي في دوكان دايت ( الهدف 50 كيلوجرام)

    الله حلو رجيمج بس انا عيبي ماحل التزم موول بنوع معين يعني ماشيه ع دايت من مخي واكلي كله دايت واحاول ما اكل عقب المغرب وزنج وايد حلو حرام لو انا منج جان ماسويت بس انشاالله توصلين للوزن الي تبينه وانتي بخير وعافيه





صفحة 1 من 4 123 ... الأخيرةالأخيرة


المواضيع المتشابهه

  1. الريجيم اللي راح ينزل وزنج اكيد للأبد - دوكان دايت Ducan Diet
    بواسطة السنع و الزين في قسم : علاج السمنة والنحافة
    مشاركات: 169
    : 2014-08-31, 09:49
  2. دوكان دايت؟
    بواسطة yara du في قسم : علاج السمنة والنحافة
    مشاركات: 4
    : 2012-04-22, 15:23
  3. هنا نجتمع من اجل مستقبل ارشق ,, دوكان دايت
    بواسطة PanadoOol في قسم : علاج السمنة والنحافة
    مشاركات: 113
    : 2011-10-21, 00:31
  4. مشاركات: 32
    : 2011-10-13, 02:13
  5. يومياتي للوصول إلى الهدف الأول >> قربووووووو
    بواسطة أم محمد ... في قسم : علاج السمنة والنحافة
    مشاركات: 56
    : 2009-03-28, 22:46

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  



Loading