زوجي وتعليقات الولاده

[مهمومة الخاطر]

هلا خواتي انا حامل وبربي طول فترة حملي عشت في روع لان ريلي ماشاءالله عليه ماعرف كيف ومن وين اييب هالكلام اللي حتى انا علا نياتي ماعرفه يمكن من ربعه المعرسين اللي حريمهم فيهم عيوب تاثر برمستهم معني رشيقه والله واهتم فجسمي الحمد لله ولا طلع فيني تشققات ومن هالاشيا لان اول باول اهتم دايم يقول لي مب في الاربعين اتييني بكرشتج ماباج مرات يقول مب تخلينهم يجرحونج ويخيطونج وانا ماعرف ارد عليه لان ماعرف لهالامور اول بيبي لي كيف تنصحوني اخليه مايقارني بغيري كيف اغسل مخه والله انا من النوع اللي اهتم بعمري غلطت غلطه وتمت فباله يوم قلت له بشتري مشد للولاده ودني السوق لان هو اللي يوديني فحط فباله ان الحرمه يتغير جسمها للاسوء وانا نيتي اخذه عشان احافظ علا جسمي لان صعبه اوصل للسوق مع هلي فقلت وعقب. ماخذت خذت لي اختي اياه هل اتم امدح عمري جدامه واا كيف اغير هالافكار بطريقة حلوة انفجر علي كم مره مره من كثر تعبي في حملي وان مايقدر ياخذ راحته فلجماع وتم يلومني معنه مب بيدي هالشي والله وحسيت به مظايق بس ما يطلع اللي فخاطره الحين صرت اخاف احمل والسبب هالشي وكلامه معنه يباني احمل بدون موانع كيف احمل وهو مايستحمل هالشي 9 شهور متخوفه قلت له كيف احمل وانت تتشكى لازم احاسب عنفسي وحركاتي ابا ااجل هالموظوع بسبب كلامه بس ماعرف كيف اربطها بوناستي وياه يعني خلنا ناخذ راحتنا ومن هالكلام المشكله ماعرف اعبر

[رومنسية 84]

الله يعيينج صراحة امممم حتى لو كنتي حامل احينه وكرشتج جدامج ما عليه البسي فساتين كيوت يبينوا جسمج حلو انا كان جسمي رشيق و كان ريلي يمدحني وايد وفي الحبال كنت اصيح كيف انتفخت,, كان يضحك ويقولي والله صرت كتكوته ويا فساتينج الحلوة ويقول سبحان الله احينه احينه صح كرشتج جدامج بس احسج انثى احلى عن اي وقت فخلج انيقة حتى لو كرشتج جدامج شوفي شيء مسلسل يعرضونه الساعة 9 في دبي " سيدة المزرعة " تركي شوفي فساتين البطلة و ستايلها هي حامل بس وايد كيوت سوي تشي
و يا رب يهدي زوجج ويخليه يشوفج حلوة ف حمال و في غير حمال

[Rock n Rose]

هههههه انا بروحي اتم اخوف ريلي واقوله اذا حملت بمتن وبتعب وبمرض وبيخيطوني وهو ماكان يعرف عن هالاشيا وانا شرحتله
بس احسه بالعكس يصير حنون بزيادة ويخاف علي من الحمل
ريلج اسمحيلي واايد اناني وشرررير بعدين هو يبا عيال لازم يتحمل وهالشي مب بيدج بدال ما يخفف عنج يزيدج فوق تعبج خوف وتوتر!!! وكيف مايباج تمتنين يعني البيبي وين بيكون ترا بياخذ مكانه وبيترهل الجلد بعد الولادة بس هذا طبيعي ومع نهاية الاربعين بيروح وعقبها ابدي اهتمي بنفسج وجسمج مب مع البيبي تهملين نفسج
الله يهديه ان شالله وييسرلج ولادتج ويرزقج ذرية صااالحة وسليمة هذا اهم شي

[Ch3nel]

تولدين بالسلامة غناتي

[رياح الربيع]

الله يوفقج و يقومج بالسلامة انشأ الله

[ام عليا القمر]

تربين وتقومين بالسلامه ان شاء الله
لاتخافين حبيبتي تخيلي انا ربيت وخلصت وبنتي عمرها الحين سنتين
ريلي كان احيانا يشفر ويعلق تعليقات تجرح لين ماحملته مسوولية كل تغير صار في جسمي
قلت له انت السبب لو انت ماتبا عيال ماكان بيصير فيني جيه ومن كثر ما اردد عليه هالكلام
خلاااص لاتعليقات بعد اليوم وقلت له ياجسمي يا عيال خخخخخخ
وعمرج شفتي ريال مايبا عيال سكت ومارد علي وماصار يعلق ابدا
بالعكس احسه صار متفهم اكثر
ومثل ماقالت لج اختي قبل اكشخي بفساتييين ناعمه وماعليج منه
ولاتعبين نفسيتج ترا في ياهل يتريااا شوووفة عيوون امه وهي مرتاااحه
الله يعينج

[ورقة ناعمة]

الرياييل احيانا يشفروون ويخرفون ومايعرفون يعلقون الا على حريمهم وهم لو بنعلق عليهم بنسوي لسته كاملة

بس نحن مانبا نجرحهم ,,,


انتي قوليله كلمة وحده بس ,,, لاتتكلم ولاترمس عند حد لانه بيضحكون وبيطنزون عليك وبيحسون انك خبله

ماتفهم بالامور الزوجية ومب دارس فخليك عاقل ورزين وفاهم اهم شي وانا بفهمك بينيله انج فاهمة مب هو وانتي نفس

النامونة .... قوليله انت تتغير مع تقدم السن والمراء يتغير جسمها بوقت الولاده والحمل وترجع على طبيعتها

بعد انتهاء سنتين من الرضاعة وترد مثل ماهيه عادي والواحد لما ينقص صبعه ولا راسه لازم في شي اسمه خياطة وبعدين

تلتأم الخياطة بعد فترة وتروح مافي اي اثار وهذا طفل وراس بكبره يطلع طبيعي فيه خياطه وتصميم فلايتفلسف زيادة