السكن مع اهل الزوج

**أميرة.الورد** · 2012-09-05, 00:52

السلام عليكم
اشحالكم حبايبي ؟

بغيت مساعدتكم بخصوص السكن مع اهل الزوج وشو تلبسون وكم مره تبدلون ؟

أنا عرسي جريب وصدق محتاره وايد في هالموضوع يعني البس جلابيه الصبح وعقب ابدل يوم يرجع ريلي من الدوام والعصر البس مخوره ولاكيف ؟

ياليت اللي عندها خبره متجوله ماتبخل علي والله وجزيها الف خير ...

المزيد من آخر المواضيع من نفس القسم:

**بنت الإحساس** · 2012-09-05, 00:58

انا اول الايام كله مخاوير وجلابيات راقيه

بس عقب قمت افصل جلابيات سمبل ويوم الجمعه البس مخوررره

لا تخافين وخلج على طبيعتج ولا تبالغين بالكشخه

يعني قد ماتقدرين كوني سمبل وراقيه خاصه انج عروس

ومبروك حبيبتي

**um YaSs** · 2012-09-05, 01:29

عادي حبيبتي لا تحاتين ولا شي

اول الايام البسي مخاوير واكسسوارات خفيفه والا ذهب خفيف

ومع الايام بتستوين عاادي .. انا اول ايام كنت البس مخاوير وجلابيات راقيه

مع الايام قمت انوع البس اليوم مخوره باجر كندوره خفيفه وجي .. وطبعا ما اكشخ اوفر لا سمبل

وبعد ع حسب منو ساكن وياكم فالبيت .. انا كانوا اخوانه فالبيت ف ماقدر البس شي الا كنادير وشيله ..

ومبروك مقدما

**روح.الامارات** · 2012-09-05, 01:33

الله يتمم لج على خير A

**رائدة أعمال** · 2012-09-05, 01:42

المشاركة الأصلية كتبت بواسطة بنت الإحساس

انا اول الايام كله مخاوير وجلابيات راقيه

بس عقب قمت افصل جلابيات سمبل ويوم الجمعه البس مخوررره

لا تخافين وخلج على طبيعتج ولا تبالغين بالكشخه

يعني قد ماتقدرين كوني سمبل وراقيه خاصه انج عروس

ومبروك حبيبتي

كلام سليم 100%
أهم شي لا تحااااااتين .. كم يوم وبتتعودين إن شاء الله ..

**أم راشد العين** · 2012-09-05, 02:07

موفقة ان شاء الله

**مندوبة جدة** · 2012-09-05, 02:16

الله يتممه عليكي

**ss91** · 2012-09-05, 02:36

بالتوفيق

**دلوعة عجمان** · 2012-09-05, 02:42

مبروك مقدما الله يتمم لج على خير انتي بتشوفين الوضع كيف وبعدين بتتعودين بس دامج عروس لازم تكشخين لزوجج فاول شهر لين ماتعرفين الوضع عندهم كيف وبعدين غيري شوي شوي يعني كل شي بالتدريج بس بعد يوم انكم معاريس لازم تتعدلين حق الريل وتلبسين له هاك اللبس الغاوي يعني مخورات راقيه مع شيل من نفس الخامه او اللون وبالتوفيق

الموضوع: السكن مع اهل الزوج

أدوات الموضوع

عرض