نفسيتي تعبانه من سرت للدكتورة دخيلكم طمنوني

[أم محمد و حمد]

السلام عليكم خواتي

بغيت أخبركم بسالفتي أنا بصراحه حامل في الاسبوع 28 ومن جم يوم سرت للدكتورة وشافت لي الجنين الحمد لله يتحرك طبيعي وكل شي تمام بسسسسس لما شافت مقاسات الجنين قالت لي انه محيط البطن عند الجنين اقل ب عشرة ايام اهنيه أنا انصدمت مع انها قالت لي الرأس أوك والفخذ بعد أوك بس محيط البطن صغير





خواتي الله يخليكم اللي مرت بنفس تجربتي تخبرني شو صار لها والجنين مع أني الحمد لله احس بحركات الجنين

طمنوني الله يخليكم أنا وايد أوسوس ونفسيتي تعبانه


وبعد عندي سؤال ثاني أنا الحين فلاسبوع 28 يعني اي شهر



اتمنى تردون علية بأسرع وقت

[غلا راكـ 3]

وعليكم السلام ورحمه الله وبركاته

ماعندي علم فديييتج ... بس ليش ماتروحين عند دكتوره ثانيه تطمنين اكثر ..؟؟؟
والاسبوع 28 يعني فالشهر السابع ...

ربي يتمم لج ع خيير ...,,,

[آآآه]

حبيبتي لا تحاتين..
الدكاتره مرات يطلعون كلام الله يهديهم
وآخر شي البيبي يطلع الحمدلله مافيه
الا العافية

[Busnisswoman]

الله يطمنج يا رب
روحي عند دكتورة معروفة أحسن لأنه بعضهن يبالغن
مرة دكتورة قالتلي ماي المشيمة قليلل ولازم تروحين الطواري اللحين بسرررعة ولازم ولادة ومت من الخوف ورحت على طول الطواري قالولي ما فيج ونسبة الماي اوكى وأمور البيبي طيبة ..
وقالولي ليش خايفة ؟!!
قلتلهم الدكتورة الفلانية قالتلي جيه
والحمدالله ربيت تقريبا وفموعدي طبيعي والبنت اللحين عمرها ثمان سنين الله يحفظها

[بنوتة بوظب]

لا تاخذين لام دكتورة وحدة شوفي غيرها

و افضل الحكومي

[مالتيزرس]

واأيد كلام يتكلمون فيه الدكاترة عادي اختي لاتحاتين. بتولدين فيه بالسلامة وماعليه شر اتخيلي أنا اليوم سرت للدكتورة وقالت لي المشيمة عندج نازلة وأنا بالسادس كله كلام
وانتي الحين فالاسبوع الأخير من الشهر السابع والاسبوع الياي بدشي التامن

[sae123]

اختي سيري عند دكتورة ثانية
و الله يوفقج
انا بنت عمي
قالولها فديتها ان البيبي بييي مشوه
و يوم ربت الحمد الله بخير و سهاله مافيه الهابي
بس الدكاترة ف ها الزمن اييبون المرض و العلل
و الله يوفقنا اجمعين
و يسهل ولادتنا