تحريض للولادة

[عيون_الكون]

مرحباً خواتي

حبيت استفسر عن تحريض للولاده عن طريق توسيع الداخلي لعنق الرحم

استفساري :

1. شو اسوي بعدها عسب أساعد عمري اكثر ؟

2. بعد الفحص كم ممكن تكمل الوحده لين ماتربي؟

3 . نبا تجاربكم بليز ؟؟؟؟


كان عندي موعد اليوم وسوت لي فحص وحصلته مفتوح سانتي ونص
وخلاف سوت لي توسيع وقالت الدكتوره ليساعد الرحم يفتح بسرعه عسب جذيه اسأل

بليز تفهموني أنا ماقصد الفحص العادي وخلاص
اقصد شي ثاني بالمره يعني يعور يوم تسويه لانها تلف ايدها من داخل


تحياتي لكم

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[AM0OOO0N]

ماخصه الفحص الولاده تجى بامر الله

بس امشى ومن الاشياء المجربه اذا فتح الرحم

ملعقتين من زيت الخروع على كوب عصير

وربي يقوومج بالسلامه

[عيون_الكون]

أنا مارمس عن الفحص العادي

ارمس عن التوسيع من داخل لفتح عنق الرحم ويساعد على الولادة


١٥ مشاهده ولا رد ،،، معقوله

زعلتوني والله

[m-lady]

صدق الفحص ما يخصه في تحريض او الطلق او تسريع الولادة
وربي يسهلها عليج

[ملكة الاحاسيس]

انا سوت لي توسعه وياعدت نفسي هو تحريض لكن مايخصه انه يعمل ولاده لكن يحرض
الي سويته
طلعه ونزله الدرج وقعده الحمام العربي
بس الله يعينج عالويع

[عيون_الكون]

هذا اللي اقصده بعد التحريض للنفس .. شو نتايجه تكون وهل هي سريعه او لا ؟

[روح اخوها]

اختيي
تبين اتساعدين روحج صدق !
كثري مشي واصعدي الدري
ويلسة الحمام العربي تكرمين
والجماع ..
انا فيومين مشيت مشي صح
مشي ثجيل .. مش العادي
وصعدت الدري ونزلت
والحمدلله
ما كملت يومين الا وربيت بفضل الله اولا
ثم اللي سويته ..
التحريض بالتوسعه مب دوم ينفع
في حريم ما يسوييلهن شي.. مع انه يطلع الروح ><،
الله ييسر عليج يارب

[عيون_الكون]

الله يسهل علينا يارب ويهونها  

[sae123]

اختي فديتج
انا كنت ابا اجوف ولدي الله يحفظه باي طريقة
اخذت كللل شي
ماخليت شي الا وشربته عشان اربي و ماشي فايده
بس تبين الصج
جف مريم
وخاشوقة عسل على الريج
و مشي ساعتين
صراحة بدون الطلق الصناعي ( الله يغربلهم ) ماكنت بتعب ف رباي
بس طلقي كااااان سبحان الله بااااارد
كل 4 ساعات يفتح نص سم
و المشكلة لاني بكر
ف تروعت و سرت المستشفى من وقت

سمعي اختي
مافي شي يحرض الطلق

يمكن الجماع
يعني مرتين او 3 مرات
اخت ريلي
ياها ريلها مرتين جان يتبطل الماي عندها
و ربت

بس معلومة
اذا ربي يباه ينزل اليوم بينزل
هذا كله بقدرة الله سبحانه و تعالى
ماتعرفين شو ربي كاتبلج ف اليوم الي بتربين فيه
يمكن اليياهل يكتمل ف ها اليوم
يمكن ربي يبالج الشي الخير
المهم توكلي على الله
و خلي عنج العيازة
بتتمنين لو هو كان ف بطنج من يقل الرقاد ههههههههه
الله يحفظلنا عيالنا و اجنتنا ياربي
و يقومج بالسلامة ياربي
و يقومني باسلامة
و يقوم الكروشات بالسلامة

[عيون_الكون]

تجاربكم في توسيع المهبل ؟

[راعية الدار.]

اختيي
تبين اتساعدين روحج صدق !
كثري مشي واصعدي الدري
ويلسة الحمام العربي تكرمين
والجماع ..
انا فيومين مشيت مشي صح
مشي ثجيل .. مش العادي
وصعدت الدري ونزلت
والحمدلله
ما كملت يومين الا وربيت بفضل الله اولا
ثم اللي سويته ..
التحريض بالتوسعه مب دوم ينفع
في حريم ما يسوييلهن شي.. مع انه يطلع الروح ><،
الله ييسر عليج يارب

نفس الي سويتيه سوويته وربيت

[راحت أيامك]

الله يقومج بالسلامة

[samah 21]

انا الدكتورة سوتلي تحريض وولدت في نفس اليوم

[حرم الزعابي 0]

الله يسهل علينا

[ZoOyA]

انا يوم عوشرت سرت الموعد عسب يعطوني طلق صناعي وانا كارهه
ويوم فحصت الطبيبة حسيت الفحص كان غير طولت وتمت وايد
وكنت اتنفس بعمق واحاول اركز في اي شي ثاني عسب مااحس في شي
وبعدها بشوية حسيت بداية تقلصات خفيفة جدا جدا كان هذا في الليل وقامت تزيد ببطء
وثاني يوم انا مربية طبيعي بدون طلق صناعي ولله الحمد والمنة