مناسب غاليه لزوجي .. عطوني رايكم

[ا.ع.م]

الســـلام عليكم


شحالكم خواتي عساكم بخير

في مناسبه عزيزه لزوجي .. ابغي افاجاه بهالمناسبه
مادري شو اسوي .. علما ان الميزانيه قليله
فكرت اعزمه على مطعم فرايديز و هم يفاجؤؤنه بكيكه بس قلت يمكن ريلي مايحب هالشي تعرفون الي يشتغلون في فرايديز يصارخون و يغنون .. و قلت يمكن زوجي يضايق من هالشي لاني احس فرايديز مال يهال
و بنفس الوقت عندي فكره ثانيه اني اعزمه على سفينة البوم السياحيه الي تكون بجنب قرية البوم السياحيه فيها عشا و بنفس الوقت لفه حوالين البحر لمده ساعتين
بس مادري شو نظامهم . . يعني هم يحجزون لج الطاوله و لا تقعدين انتي عالطاوله الي تبينها ؟
و اذا طلعتي من المكان المغلق الي فيه المطعم لبرع السفينه . هل حد ياخذ مكان طاولتج ؟
و كيف طريقة العشا .. سمعت ناس يقولون ان مو بوفيه مثل ماهم قايلين .. كيف ناخذ الاكل هم يحطونه على شكل بوفيه و لا يحطونه على طاولتي
و كم اسعارهم الحين ؟؟
و ساعدوني بفكره اني اخلي زوجي يوافق يوديني فهاليوم .. لاني انا ما اسوق ولا اشتغل و ريلي يمكن مايرضى نطلع فهاليوم و هو شغله مفاجيء .. ؟؟
و اذا عندكم افكار ثانيه خبروني ... بس غير النوم في فندق لان ميزانيتي 200 تقريبا

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[moOnit'a]

ابرايي اذا ميزانيتج محدودة .. انا اشوف انج تطبخين له بإيدج وتجهزين كل شي بنفسج .. خلي وحدة من خواتج اتساعدج او اتيب لج الاغراض بما انج ما تسوقين مثلاً: ( شموع , ورود طبيعية, ....) خذيلج فستان قصير أو شي حلو تلبسينه له ..
بيكون احلى من الطلعة اللي ف مطعم لانه الوقت بيكون محدود لكم ...
يعني حاولي تنسقين كل شي فـ جو رومانسي وااايد وفـ البيت وبتكلفة بسيطة بعد ^^
انتي ادرى بريلج مثلاً شو يحبج تلبسين له أو ياكله من ايدج .. وتقدرين تسوينله هالشي بما انها مناسبة خاصة ^_~

[$asamy$]

باقة ورد + سويتت راقي في أكواب ولا كيكه صغيره عليها كلام رومانسي ..
هديه بسيطة + نفاخ وموسيقى هادية ..

[ا.ع.م]

انا قلت يوم بسويها برع و اليوم الثاني بزين بالبيت و برتبه
خصوصا لنا فتره ماطلعنا و ولامره سرت وياه سفينه البوم
قلت بيستانس في سفينه البوم تغييير .. بس كيف نظامهم

[ا.ع.م]

حد عندها موسيقى هاديه و مثل شو احط

[الماركه شما]

عسى الله يهنيكم ويسر امركم حبوبه اتصلي على البداله بيعطونج الرقم وتفاهمي ويا واحد يتكلم عربي بيعطيج كل المعلومات الي تبينها .

[ا.ع.م]

ابغي من تجاررب البنات

[الجنة طموحي]

موفقة ان شاء الله

[ss91]

ربي يوفقج

[ا.ع.م]

عالاقل عطوني دعوه حلوه اذا ماعندكم فكره

168 مشاهده ؟!!

[قارورة العسل]

ربي يوفقك ويسر امورك ان شاء الله

[مالتيزرس]

جوفي الغالية اذا ميزانيتج 200، ما أعتقد بتكفيج لعشا رومانسي فما أنصحج برع تطلعين ويياه عسب ماتنحرجين يوم تكون الفاتورة أكثر عن ميزانيتج ، فأنصحج تخلين حد يشتري لج كيكة مال كيلو ماتكلف خمسين درهم ، وحطي عصير ويا الكيكة وبندي الليتات ، وخذي شموع حمرا وسوي قلب حيث تكون الكيكة والعصاير داخل الشموع ، وخذي لج عطورات فواحة للغرفة وحطي بالونات واترسي البانيو ماي وانثري ورد مجفف عليه وعطور فواحة وارنثري الورود فوق السرير . وحطي ميكب خفيف وقميص رااقي اذا عندج ، وخلي الغرفة ع ضوء الشموع ما أعتقد بيكلفج واايد . وربي يوفجج..

[الأحلام الملونة]

حبوبة سفينة مطعم البوم تكون بوفية والسعر علي الغدا غير العشاء ورحت لها من فترة وكانت علي الغدا ولا يقل السعر عن 150 للفرد والعشاء أغلي

وأنت بس تصلي تختاري الطاولة وعادي بعد الأكل تطلعي فوق ما أحد بيأخذا طاولتك بس عن نفسي حبيت الرحلة وخاصة بالنهار المناظر رائعة

وكانت بالشتاء والجوا رائع أما البوفية ما حبيتة ----

وكون ميزانيتك محدودة لن تكفي وكمان تقولي زوجي ممكن يطلب للشغل يعني ممكن يخرب كل الترتيب الأفضل تعمليها بالبيت والأهم من كل شيء

الأهتمام والمناسبة الله يوفقك

[عاشقة شقى]

ربي يسعدج يارب ويبعد عنكم كل شـــر يارب ^_^

[بيضآء]

الله يوفقج وماشي يشغله يوم المفاجاه