خدامتي بتجلطني

[قمر عيناوي]

خدامتي وآآآآآآآآآآآآآآآآآآآآآآآآآآآآآآىه من خدامتي
انا توني معرسة من شهر وكمن يوم وتفاجأت يوم ردينا من شهر العسل إنه حميتيه يايبة شغالتها عندي فالبيت عقولتها هاي هدية منها لنا
لنها خدامة شاطرة فالطبخ وشغل البيت وأكيد بتريحني
لكن......................... المشكلة إنه هاي الخدامة ماتسمع كلامي ولا كني اتكلم ويوم ابغيها تسويلي شي لازم أكلم حميتي عشان هي تخبرها وتقولها سوي هالشي
خلاص احس فعمري بنجلط وابغي اغيرها لكن ريلي يقولي كيف جيه معقولة إيش بنقول لأختيه
الحين إيش اسوي فعمري أحس إنه اخته وخدامتها هي راعية البيت مب أنا
أرجوكم قولولي إيش أسوي مع هالخدامة اللئيمة

[الايمــــان]

انا اشوف انك تكلمي اخت زوجك وتشرحيلها الوضع ولو غيرتي الشغاله وقتها ما رح تزعل لانها بتكون فاهمه القصه
واكيد لوانها مكانك ما بتقبل فيها

[♣عينآويـه♣]

اغلب الخدامات ما يرضون يشتغلون عند حد غير كفيلهم واصلا لو شردت وزخوها والخدامة بلغت الشرطة ان كفيلها عطاكم اياها بيغرمونكم. ماشي اسمه هدية خدامة هذه فيها مشاكل وغرامات لازم الخدامة تكون بكفالة ريلج
شاوري الخدامة قوليلها انا ابا اخليج على كفالة ريلي هل انتي موافقة تشتغلين عندي او لا. اذا وافقت انقلوا كفالتها باسم ريلج واذا رفضت كلمي اخت ريلج وقوليها الخدامة ما تبا تشتغل عندي وخلاص انهي هالمشكلة من اولها عن اطيحون في مشاكل قانونية بسبب شغالة الله يحفظكم ويرزقكم الشغالة السنعة

[ليندااااا]

احسن شي تنقلون كفالتها لريلج
الله يهديهم هالشغالات شو يبون يعني

[قمر عيناوي]

أخاف يوم أكلم حميتيه تزعل علي وتقول إني مش مقدرة الشي إلي سوته
وفنفس الوقت الصراحة مابا ريلي ينقلها على كفالته خلاص ماباها لاعت جبدي منها

[اسيرت شوق]

احسج وايد متحسسه من الموضوع ترى الموضوع عادي وما يبيله شي كل الي عليج تسويه تكلمين حميتج بالي حاصل وقولي لها انج تحبيها وتغليها وما تبينها تزعل منج بس انه غصبا عنج مب قادرة تتحملي الخدامة

وخبريهم بكل ذوق وحترام وحب لانها وحليلها نيتها زينة وانتي مب ذنبج تتحملي خدامة غاثتنج ونفس الوقت حميتج كانت نيته طيبة وحبها لكم خلها تسوي كذا ترى تعليم هالخدم مب شي هين يطلعن الروح لين ينظبطن مع الكفيل .
وبهذه الطريقة انهي المشكلة ليش متعبه نفسج ويا خدامة طفره

[قارورة العسل]

للرفع