صفحة 1 من 2 12 الأخيرةالأخيرة
النتائج 1 إلى 7 من 12
  1. #1
    عضوة جديدة


    رقم العضوية: 225835

    تاريخ التسجيل
    24 - 04 - 2012
    الدولة
    كلباء
    مشاركات
    16

    افتراضي ملل الحياه الزوجيه ططططفرت


    السلام عليكم ورحمة الله وبركاته

    شخباركم حبيباتي ..

    انا حاااااسه بملل فظيييع في حياتي الزوجية ومب عارفه كيف امحي هالملل من حيااتي مع اني ما كملت سنه من زواجي وزوجي اسبوع دوام واسبوع وياي
    صايره حياتنا ممله ومافيها شي يديد واحسه هو بنفسه متملل والاسبوع اللي يكون فيه دوام اكون في بيت اهلي وما احس بملل ابداا

    صايرين ما نشتاق لبعض مع انه اسبوع يكون غايب عني ،ويمر اسبوعناا عاادي اقوم الفجر اصلي واقرى قران والاذكار وارد ارقد و نقوم من النوم الظهر نتغدى يقعد طول الوقت عالنت وانا يا نايمه ولا اطالع التيفي ولا انظف البيت ، ويوم يمل يطلع ويا ربعه وانا اروح بيت اهلي ولا اتم في الشقه ويوم يرد نتعشى ويرد ييلس عالنت الين الفجر يصلي ويرقد وانا ايلس اطالع التيفي وانام قبله من الملل ما صارت بينا حواارات الا القليل تقريبا هالروتين اليومي ويوم نطلع نسير بيت اهله ونتمشى بالسياره ولا بنسير نشتري اغراض و الفتره الاخيره قمت احتااااج صديقه تكوون وياي اطلع واروح وياها تزورني وازورها عشان ما يكون زوجي هو محور حياتي ولاني فعلا محتاجه لصديقه تشاركني وافضفض لها واشكيلها

    ابي حل كيف اغير حياتي انا مليييييت مع ان كانت حياتنا حلوه وكنت وايد مستانسه وانا الحين حامل وتغيرت حياتنا خاصة من بعد الظروف الماديه السيئة اللي مرينا فيها حتى كل ما اقوله بنطلع نتمشى يقول ماشي بيزات حتى صرت ما احب اقوله نطلع

    بس ودي اغير روتين حياتي واضيف اشياء يديده فيها





  2. #2
    نجمة فضية

    رقم العضوية: 215403

    تاريخ التسجيل
    16 - 12 - 2011
    الدولة
    بـ دار زايد الله يرحمه ( دبي )
    مشاركات
    7,272

    افتراضي

    فديتج اختي... الحمد لله ع كل حال... على حسب معلوماتي انه الحرمه الحامل تتغير هرموناتها ودوم تكون ملانه..
    . بس بنضحج نصيحه حاولي اشوي تيلسين وياه وهو ع النت... قوليله تولهت عليك وعلى سوالفك خلينا نتفرج تلفزيون... حاولي تحسسينه انج مهتمه فيه .. اكبر غلط اتسويه انتي انج ترقدين قبله ... المفروض مب جي


    للتــوآصل
    0509239510 وآتس آب فقط PIN:7D2CC600



  3. #3
    تاجرة برونزية

    رقم العضوية: 220104

    تاريخ التسجيل
    07 - 02 - 2012
    الدولة
    دبي _ الامارات العربيه المتحده
    مشاركات
    27,162

    افتراضي

    الله يوفقك ان شاء الله


    جلابيات مغربيةراقية جاهزةوتفصيل للتواصل الواتسات00971506793732 -pin:2651C5E5



  4. #4
    مشرفة الحياة الزوجية

    رقم العضوية: 5859

    تاريخ التسجيل
    19 - 06 - 2006
    الدولة
    الإمارات
    مشاركات
    12,680

    افتراضي

    حلك الآول والأخير بالدعاء أن الله يؤلف بين قلوبكم وبكل أهتمام لأن الله يبي قلوب

    كل أنسان بهذة الحياة يمر بالقبض والبسط ونمر بظروف عصيبة تكون امتحان من الله لعبادة وهنا لزم الأنسان لا يستليم للملل والأحباط

    ويتوجة بقلبة لله أن يخفف عنه ويطلب مسئلتة من مفرج الكروب ------

    وثاني أمر أنت بادري بالتغير كون زوجك يغيب بفترة غيابة غيري من قصة شعرك وجددي عطرك وشتري ملابس جديدة بسيطة للبيت

    وعملي تغير بترتيب أثاث البيت وغرفة نومك أضيفي عليها شموع و مفرش سرير جديد دخون نوع جديد


    ويوم وصول زوجك أستقبلية بنفسية غير حبيبتي نحن نعطي لنفسنا الطاقة والروح وتكوني بكامل زينتك وحين يجلس على النت أتركية ساعة

    وحضري فوالة وستعملي حواس الأنثي بالدلال والدلع وخبرية تعال أشرب معي الشاي أو العصير المقصد أجذبية نحوك

    وتابعوا بالتلفزيون شيء يحبة وفتحوا حوار لا تستلموا للصمت

    وكل يوم من تواجدة قادرة تخلقي جوا غير من حيث تحضير وجبة الأفطار بشكل غير والمسا أصناف حلويات وهكذا

    وبأذن الله تقومي بسلامة والبيبي بيجدد حياتكم ويدخل على بيتكم الوناسة أكثر وأكثر

    الله يوفق مقصدك وحياتك كلها



  5. #5
    عضوة جديدة


    رقم العضوية: 225835

    تاريخ التسجيل
    24 - 04 - 2012
    الدولة
    كلباء
    مشاركات
    16

    افتراضي

    اقتباس المشاركة الأصلية كتبت بواسطة بنت دبي ^_^ مشاهدة المشاركة
    فديتج اختي... الحمد لله ع كل حال... على حسب معلوماتي انه الحرمه الحامل تتغير هرموناتها ودوم تكون ملانه..
    . بس بنضحج نصيحه حاولي اشوي تيلسين وياه وهو ع النت... قوليله تولهت عليك وعلى سوالفك خلينا نتفرج تلفزيون... حاولي تحسسينه انج مهتمه فيه .. اكبر غلط اتسويه انتي انج ترقدين قبله ... المفروض مب جي
    مشكوره اختي على ردج بس انا في البدايه ايلس وياه وهو كله عالقيمزر ومليت وانا وايد كنت اهتم له وادلعه بالكلام بس بالمقابل ما يبادلني هالشي فقلت بودر هالشي عشان يحس وشكلي تعودت وهو تعود وتدرين صرت احاول احسسه اني مش مهتمه له انا ابيه يحس بهالاحساس لاني انقهر منه وانا ارقد قبله لاني اتعب وامل وقبل كنت اقوله تعال انا ما اعرف ارقد بدونك يقولي روحي قبلي ويتم يتاخر وايد احسها مذله
    وياج حق يمكن من الحمل وصايره حساسه بس ليش ما يراعيني في هالفتره
    ومشكوووووره اختي





  6. #6
    عضوة جديدة


    رقم العضوية: 225835

    تاريخ التسجيل
    24 - 04 - 2012
    الدولة
    كلباء
    مشاركات
    16

    افتراضي

    مشكوره اختي الاحلام الملونه
    وصح كلامج ومشكورة على نصايحج وبصراحه مب كل الغلط منه بعد انا ترى لي دور
    وهو طيب وحبوب وما يقصر علي بس لازم بطلب انا مب من النوع اللي ما احب اطلب وفي اشياء لازم من نفسه يسويها
    بس هالفتره صج صايرين بعاد عن بعض ومحد مهتم للثاني





  7. #7
    نجمة ساطعة


    رقم العضوية: 116929

    تاريخ التسجيل
    12 - 02 - 2009
    مشاركات
    620

    افتراضي

    الله يعينج و يوفقج ويا ريلج

صفحة 1 من 2 12 الأخيرةالأخيرة


المواضيع المتشابهه

  1. فيروسات الحياه الزوجيه
    بواسطة أم المساكين في قسم : الحياة الزوجية
    مشاركات: 0
    : 2009-07-12, 21:55
  2. أسس بناء الحياه الزوجيه...
    بواسطة (الحمادية) في قسم : الفتاة المسلمة
    مشاركات: 3
    : 2009-03-20, 22:20
  3. التنازلات في الحياه الزوجيه
    بواسطة امرأة مؤمنة في قسم : الحياة الزوجية
    مشاركات: 5
    : 2008-09-21, 02:31

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  



Loading