ملل الحياه الزوجيه ططططفرت

[my all]

السلام عليكم ورحمة الله وبركاته

شخباركم حبيباتي ..

انا حاااااسه بملل فظيييع في حياتي الزوجية ومب عارفه كيف امحي هالملل من حيااتي مع اني ما كملت سنه من زواجي وزوجي اسبوع دوام واسبوع وياي
صايره حياتنا ممله ومافيها شي يديد واحسه هو بنفسه متملل والاسبوع اللي يكون فيه دوام اكون في بيت اهلي وما احس بملل ابداا

صايرين ما نشتاق لبعض مع انه اسبوع يكون غايب عني ،ويمر اسبوعناا عاادي اقوم الفجر اصلي واقرى قران والاذكار وارد ارقد و نقوم من النوم الظهر نتغدى يقعد طول الوقت عالنت وانا يا نايمه ولا اطالع التيفي ولا انظف البيت ، ويوم يمل يطلع ويا ربعه وانا اروح بيت اهلي ولا اتم في الشقه ويوم يرد نتعشى ويرد ييلس عالنت الين الفجر يصلي ويرقد وانا ايلس اطالع التيفي وانام قبله من الملل ما صارت بينا حواارات الا القليل تقريبا هالروتين اليومي ويوم نطلع نسير بيت اهله ونتمشى بالسياره ولا بنسير نشتري اغراض و الفتره الاخيره قمت احتااااج صديقه تكوون وياي اطلع واروح وياها تزورني وازورها عشان ما يكون زوجي هو محور حياتي ولاني فعلا محتاجه لصديقه تشاركني وافضفض لها واشكيلها

ابي حل كيف اغير حياتي انا مليييييت مع ان كانت حياتنا حلوه وكنت وايد مستانسه وانا الحين حامل وتغيرت حياتنا خاصة من بعد الظروف الماديه السيئة اللي مرينا فيها حتى كل ما اقوله بنطلع نتمشى يقول ماشي بيزات حتى صرت ما احب اقوله نطلع

بس ودي اغير روتين حياتي واضيف اشياء يديده فيها

[بنت دبي ^_^]

فديتج اختي... الحمد لله ع كل حال... على حسب معلوماتي انه الحرمه الحامل تتغير هرموناتها ودوم تكون ملانه..
. بس بنضحج نصيحه حاولي اشوي تيلسين وياه وهو ع النت... قوليله تولهت عليك وعلى سوالفك خلينا نتفرج تلفزيون... حاولي تحسسينه انج مهتمه فيه .. اكبر غلط اتسويه انتي انج ترقدين قبله ... المفروض مب جي

[قارورة العسل]

الله يوفقك ان شاء الله

[الأحلام الملونة]

حلك الآول والأخير بالدعاء أن الله يؤلف بين قلوبكم وبكل أهتمام لأن الله يبي قلوب

كل أنسان بهذة الحياة يمر بالقبض والبسط ونمر بظروف عصيبة تكون امتحان من الله لعبادة وهنا لزم الأنسان لا يستليم للملل والأحباط

ويتوجة بقلبة لله أن يخفف عنه ويطلب مسئلتة من مفرج الكروب ------

وثاني أمر أنت بادري بالتغير كون زوجك يغيب بفترة غيابة غيري من قصة شعرك وجددي عطرك وشتري ملابس جديدة بسيطة للبيت

وعملي تغير بترتيب أثاث البيت وغرفة نومك أضيفي عليها شموع و مفرش سرير جديد دخون نوع جديد


ويوم وصول زوجك أستقبلية بنفسية غير حبيبتي نحن نعطي لنفسنا الطاقة والروح وتكوني بكامل زينتك وحين يجلس على النت أتركية ساعة

وحضري فوالة وستعملي حواس الأنثي بالدلال والدلع وخبرية تعال أشرب معي الشاي أو العصير المقصد أجذبية نحوك

وتابعوا بالتلفزيون شيء يحبة وفتحوا حوار لا تستلموا للصمت

وكل يوم من تواجدة قادرة تخلقي جوا غير من حيث تحضير وجبة الأفطار بشكل غير والمسا أصناف حلويات وهكذا

وبأذن الله تقومي بسلامة والبيبي بيجدد حياتكم ويدخل على بيتكم الوناسة أكثر وأكثر

الله يوفق مقصدك وحياتك كلها

[my all]

فديتج اختي... الحمد لله ع كل حال... على حسب معلوماتي انه الحرمه الحامل تتغير هرموناتها ودوم تكون ملانه..
. بس بنضحج نصيحه حاولي اشوي تيلسين وياه وهو ع النت... قوليله تولهت عليك وعلى سوالفك خلينا نتفرج تلفزيون... حاولي تحسسينه انج مهتمه فيه .. اكبر غلط اتسويه انتي انج ترقدين قبله ... المفروض مب جي

مشكوره اختي على ردج بس انا في البدايه ايلس وياه وهو كله عالقيمزر ومليت وانا وايد كنت اهتم له وادلعه بالكلام بس بالمقابل ما يبادلني هالشي فقلت بودر هالشي عشان يحس وشكلي تعودت وهو تعود وتدرين صرت احاول احسسه اني مش مهتمه له انا ابيه يحس بهالاحساس لاني انقهر منه وانا ارقد قبله لاني اتعب وامل وقبل كنت اقوله تعال انا ما اعرف ارقد بدونك يقولي روحي قبلي ويتم يتاخر وايد احسها مذله
وياج حق يمكن من الحمل وصايره حساسه بس ليش ما يراعيني في هالفتره
ومشكوووووره اختي

[my all]

مشكوره اختي الاحلام الملونه
وصح كلامج ومشكورة على نصايحج وبصراحه مب كل الغلط منه بعد انا ترى لي دور
وهو طيب وحبوب وما يقصر علي بس لازم بطلب انا مب من النوع اللي ما احب اطلب وفي اشياء لازم من نفسه يسويها
بس هالفتره صج صايرين بعاد عن بعض ومحد مهتم للثاني

[أميرة الثلوج*]

الله يعينج و يوفقج ويا ريلج