صفحة 1 من 2 12 الأخيرةالأخيرة
النتائج 1 إلى 7 من 14
  1. #1
    تاجرة برونزية


    رقم العضوية: 16091

    تاريخ التسجيل
    18 - 12 - 2006
    الدولة
    في هذه الحياة
    مشاركات
    13,297

    افتراضي تجاربكم مع عربات (قاري) لطفلين؟ (توجد صور)


    السلام عليكم خواتي


    اتمنى تفاعلكم للضروره و عشان الكل يستفيد

    ربيعتي مربيه من فتره و اريد اهديها عربه لطفلين بس محتاره بين نوعين حصلتهن في المحلات

    ماعرف شو اللي بتكون عمليه اكثر و اسهل في الحركه

    النوع الاول: اللي يكون البيبي الكبير جدام و المولود حديثا ورا. (الكرسي اللي ورا ينزل و يصير مصطح عشان المولود اليديد) انا حطيت في بالي هاي بتكون عمليه لانها مب عريضه. عرضها نفس العربه العاديه للطفل الواحد بس انها بتكون اطول (ههه مثل الباص) بس خفت تكون ضيقه عاليهال. او كتمه للياهل اللي ورا......مادري والله
    بس ميزتها يوم تتسكر تكون صغيره و طولانيه.



    ================

    النوع الثاني: العربه اللي يكون الطفلين عدال بعض. من شكلها حسيت عيبها انها عريييييييضه وايد يعني لو مشت في المحلات ما بتروم تتحكم فيها و تمر بين الاغراض (><) انا شفت وايد ناس عندهم هالنوع بس مادري احسهم متلعوزين و ما يروم يتحركون بحريه داخل المحلات و الاماكن الضيقه الخ. و جربتها في المحل حسيت حركتها صعبه.
    عيبها يوم تتسكر وايد كبيره و عريضه بتاخذ مساحه كبيره في دبة السياره اذا ما خذت المساحه كلها.....





    الحين اتمنى اسمع تجاربكم او تجارب ناس تعرفونهم ما با تقول احس ولا اتوقع

    لاني فوق ذكرت ملاحظاتي عليهن ولو بستعيل قلت باخذ اللي طفل ورا و جدام

    بس قلت بسمع خواتي بعد و خبراتكن

    اريد تجارب لو سمحتوا


    -
    شو الاحسن من ناحيه سهوله الحركه للوالدين اللي بيدزون العربه؟؟

    - و مدى راحتها لليهال اللي راكبين فيها؟؟؟

    - يعني تحسون الاولى بتكون مريحه و ملمومه للبيبي اليديد؟؟




    كل وحده تسدج تجربتها او تجربة حد تعرفه بالفاصيل لو سمحتوا و فيدونا

  2. #2
    تاجرة برونزية


    رقم العضوية: 205673

    تاريخ التسجيل
    08 - 09 - 2011
    الدولة
    الامارات
    مشاركات
    5,886

    افتراضي

    هلا حبيبتي
    انا عندي نفس الصوره الاولى ..
    احس انها عمليه اكثر
    لان النونو بيكون ورا و البيبي العود جدام
    و بهالطريقه البيبي العود ما بيضرب او بيلعوز الصغير ..


    اما اذا كانو حذاال بعض ... الله يعيين ..
    البيبي العووود مووول ما بيخلي البيبي الصغير على راحته ..

    هاي تجربتي ..
    و من ناحيه الحركة ..هي صدق شوي صعبه في الدز ..
    لان ما شاء الله 2 يكونون فيها و مع اغراضهم بعد .. فهالعيب الوحيييد الي فيه ..

    و السموووحه


    لطلب شاي العنود للتنحيف ضيفيني على البن : 2998E061

    اسمحولي يمكن ما ارد عليكم عالمنتدى لاني ما ادخل وايد و السمووحه



  3. #3
    تاجرة برونزية


    رقم العضوية: 51091

    تاريخ التسجيل
    22 - 08 - 2007
    الدولة
    هنــاك
    مشاركات
    1,082

    افتراضي

    اعتقد اول وحدة عملية اكثر..
    واتشاور اخذ مثلها ورحت شفتها فبيبي شوب..
    عندي من اول مثلها بالضبط بس مال بيبي واحد..
    جدا مريحة للبيبي.. وايد نافعتني وتشل وايد اغراض للبيبي..
    بنتي كانت ابدا ما تحب تيلس فيها احين شافت احط البيبي غارت وتيلس هي فيها..
    لكن ترددت لان اللي عندي تاخذ وايد مكان فالسيارة وثقيلة واتلعوز فيها احيان ما اروم امر او ادش اي مكان لانها عريضة .. قلت عيل كيف مال 2!!
    ومرة شفت اجانب يدزون شراتها ومن ورا مركبين قطعة واقف عليها الياهل الـ3 كبير..
    اشوفها هي عمليه اكثر من ثاني وحدة..

  4. #4
    تاجرة برونزية


    رقم العضوية: 16091

    تاريخ التسجيل
    18 - 12 - 2006
    الدولة
    في هذه الحياة
    مشاركات
    13,297

    افتراضي

    العنوود:: مشكوره غناتي على طرح تجربتج

    الدانة:: هيه قصدج عندج ماركة غراكو بس مالت بيبي واحد و تتشاورين تاخذين اللي مال بيبين؟ انا ترا جيه افكر اخذها لربيعتي لانه عندها بيبي عمره سنه و شهرين و توها مربيه. و تعرفين العيال يبون عربه لين تقريبا 3 ولا 4 سنين لانهم ما يحبون يمشون في المولات بالساعات و الطلعات الطويله.

    انا اشوف وايد ناس عيالهم ب 4 سنين و يركبون جدام و يكون في بيبي رضيع وراء. مرات افكر اوقفهم و اسال لو مرتاحين مع هالنوع من العربات هههههههههههههه بس استحي

  5. #5
    تاجرة برونزية


    رقم العضوية: 198199

    تاريخ التسجيل
    28 - 06 - 2011
    الدولة
    United Arab Emirates, United Arab Emirates
    مشاركات
    8,501

    افتراضي

    النوع الاول افضل


    كفرات سراير-تاتو -سيديات رياضه بانواعها
    PIN : 26FD1CCF




  6. #6
    تاجرة برونزية


    رقم العضوية: 51091

    تاريخ التسجيل
    22 - 08 - 2007
    الدولة
    هنــاك
    مشاركات
    1,082

    افتراضي

    هيه فديتج عندي عربة غراكو مال بيبي واحد..
    بنتي عمرها ٣ سنين تتعب بسرعة.. ابدا ما كانت تيلس فيها واضطر اشلها ..احين استخدمتها للبيبي وحلت بعينها >_<
    ههههههه وحتى انا ابا اسأل واستحي.. لكن وايد اشوف شراتها وشرا اللي عندي..
    انا رحت بيبي شوب وخليتهم يصكرون العربات عشان اشوف كيف حجمها وهي مصكرة وحطيت البيبي فيها عسب اشوفها مرتاح ولا.. حسيته مرتاح..
    بس ما خذيتها ما كنت رايحة ويا ريلي وهو دوم يحتشر لان اللي عندي كبيرة ويقولي ما حصلتي غير هاذي.. خفت اصدمه احطه امام الامر الواقع باليديدة ويصدمني هو اكثر انه يفرها بالزبالة عزج الله..!
    من ناحية مريحة اعتمدي وايد مريحة..

  7. #7
    تاجرة برونزية


    رقم العضوية: 16091

    تاريخ التسجيل
    18 - 12 - 2006
    الدولة
    في هذه الحياة
    مشاركات
    13,297

    افتراضي

    اقتباس المشاركة الأصلية كتبت بواسطة الدانــة مشاهدة المشاركة
    هيه فديتج عندي عربة غراكو مال بيبي واحد..
    بنتي عمرها ٣ سنين تتعب بسرعة.. ابدا ما كانت تيلس فيها واضطر اشلها ..احين استخدمتها للبيبي وحلت بعينها >_<
    ههههههه وحتى انا ابا اسأل واستحي.. لكن وايد اشوف شراتها وشرا اللي عندي..
    انا رحت بيبي شوب وخليتهم يصكرون العربات عشان اشوف كيف حجمها وهي مصكرة وحطيت البيبي فيها عسب اشوفها مرتاح ولا.. حسيته مرتاح..
    بس ما خذيتها ما كنت رايحة ويا ريلي وهو دوم يحتشر لان اللي عندي كبيرة ويقولي ما حصلتي غير هاذي.. خفت اصدمه احطه امام الامر الواقع باليديدة ويصدمني هو اكثر انه يفرها بالزبالة عزج الله..!
    من ناحية مريحة اعتمدي وايد مريحة..
    هيه الغاليه مشكله ماركه غراكو اللي مال بيبي واحد يوم تتسكر تصير مسطحه بس مربعه (عريضه) و انا احب العربات اللي تتسكر وتصير طولانيه مثل الامبريلا.

    و هاي اللي في الصوره الاولى مالت غراكوا حق طفلين يوم صكرتها طلعت اكبر بعد (اخس شي انه الرياييل هم اللي يتعبون معاها و يتحرطمون) مابا اهديها شي ضخم و اطيح بجبدها

    ف شفت مالت جونيورز نفس الحركه بس خليت راعي المحل يسكر لي مالت جونيورز وايد كومباكت حسيتها يوم تتسكر تكون بشكل طولي.

    الصراحه حسيتها افضل عن غراكو مع انه غراكو اوسع شويه و ماركتها افضل طبعا.

    و على فكره يوم ربيت بولدي خذت عربه من ماماز اند باباز و كانت غاليه وايد. ما كملت سنه الا ضاقت على ولدي و تكسرت من الشل و الحط. غير انها كانت ثقيله وتاخذ مساحه كبيره في الدبه و ريلي دوم يتحرطم.

    عقبها خليته هو يروح و يشيك العربات كلها في مذركير و بيبي شوب و رجعلي بعربه جونيورز و الله انها مالت كد لو انه شكلها عاديه.

    الحين ما يهمني ماركه غالي ولا رخيصه اهم شي عندي انها تكون عمليه و ما تاخذ مساحه كبيره في الدبه و تتسكر بسهوله و ها كله لقيته في عربه جونيورز (و انا مجربه ماماز اند باباز/مذركير/شيكو)
    التعديل الأخير تم بواسطة أمورة ; 2012-04-28 الساعة 17:15

صفحة 1 من 2 12 الأخيرةالأخيرة


المواضيع المتشابهه

  1. قاري اطفال جوسي كوتور
    بواسطة صوت البداوة في قسم : طلبات الزبونات
    مشاركات: 0
    : 2011-11-29, 16:31
  2. وين احصل قاري للاطفال مال التوأم
    بواسطة رهش في قسم : سـاعــدونـي
    مشاركات: 12
    : 2011-08-01, 08:16
  3. قاري ام ساحر؟؟؟
    بواسطة اناستازيا في قسم : الفتاة المسلمة
    مشاركات: 5
    : 2011-01-01, 18:27
  4. عربانه لطفلين
    بواسطة نور العالم في قسم : Garage Sale
    مشاركات: 10
    : 2008-03-24, 19:30

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  



Loading