تجـــــــــــــــمع عرايس شهر 5 ( احلى عرايس فديتكم )

**الَمحآمِيهَ** · 2012-04-09, 15:27

ربي يوفقج ام خرباش ,
اليوم قاعدة ادور لي زفات من عند هذول اللي يسوون زفات ,
و محتاارة واايد ,
واايد زفات حلوة فمحتارة لي و لريلي ,

شو اليديد بعد ؟؟

**غلايH** · 2012-04-09, 16:48

هلا حبيباتي

انا تأخرت عليكم النك نيم مالي ما رضى يفج هههههههه واليوم بعد جهاد مشى الحال

انا وايد تطورات صارت عندي بخصوص تجهيزاتي

اخر مرة دخلت على الموضوع قلت لكم بروح اخذ اغراض الجمعية

الله يسلمكم رحت اللولو وانا ماخذه ورقة كاتبه فيها كل اللي احتاجه واشتري واللي اخلص منه اشطب كان شكلي اهبل ههههههههههههههههههههه

وما عرفت الكميات كم اخذ فقلت بشتري لكم شهر جدام عقب العرس لانه بنسافر وبنرد وجي ويمكن استحي من اول الايام اقول لريلي ابا جي وابا جي هع هع فخذيت من كل شي حبتين

وثلاثة يعني الشامبو وهالسوالف وطلعت على الاغراض كلها تقريبا ب 1400 ( شامبو - بلسم - كير فري- ديودرنت - صوابين - مناديل ديتول ومناديل معطرة ومحارم للشنطة -

وايد سوالف )

بعد شو خلصت

رحت السيتي وفحطت فالمحلات

خذت الاندرويرينج من لاسنزا ماعرف يمكن 10 او 11 طقم وكان فيه خصم 25% وطلع علي تقريبا ب 1300 او 1400

خذت قميص النوم مال اول ليلة ( البكج مال العروس ) من نعومي ب 829 درهم

خذت 6 سلبرات من نعومي ما اذكر بكم بس كان عليهم عرض

خذت هاند باق من فكتوريا سكرت واسوارة وايد شكلها راقي من عندهم

خذت اكسسوارات من الدو

هاي كانت الجولة الاولى

ومن كم يوم فالويكند رحت الشارجة

حجزت الفستان من عند ام محمود فالرماقية طلبت فيه 10 ووصلته ل 7000

اخترت بطاقة العرس

وكنت مخورة فمركز الشارجة وعطيت الخياط المقاس

ورحت صحارى ودرت فيه دوارة

اشتريت اكسسوارات من اكسسواراتي

اشتريت لبس سباحة من دبنهامز

اشتريت اندرويرنج الشفاف حق الفستان من نعومي

اشتريت شوز للسفر ما اذكر اسم المحل

اشتريت قمصان وتنانير من انزو العدد 3 ب 1350 تقريبا

ومتفرقات بسيطة من هني وهني

اسكارفات للسفر وصيت ربيعتي ويابت لي 7 كل الالوان ومن النوعية اللي اقدر اتحجب فيها بدون ما يتزحلق الاسكارف واتبهدل

خذت دلاغات ملونة وسودة

خذت اطقم فوط حقي وحق ريلي
خذت سجادات صلاة حقي وحق ريلي

اليوم موصية حرمة اخوي على شمدات وقباضات من الحريم اللي يسوون شغل حلو وعقب شوي بروح اخذهم وبشلهم وياي البيت وبختار ع راحتي بحيث انسق

مع الوان الجلابيات اللي عندي

ها اغلب الامور

بعد شو متعقدة من وزني مع انه عادي فرحت اليوم عند النيترشن ومن باجر ببدى بنظامه وبحاول انزل وزني قد ما اقدر لين قبل العرس

طبعا المحامية وام خرباش وجم وحدة بديتوا تدخلون الجو اكثر لانه عرسكم جرب انا بعدي شوي لاني عرسي فأخر 5 والله يعينكم وايسر عليكم ياربي

**الَمحآمِيهَ** · 2012-04-09, 22:56

ربي يوفقج غلآي ,
ماشاء الله عليج تقريباً خلصتي نص الاغراضَ ,
يالله هاانت و بتخلصين كل شيء من وقتَ و عقب بترتاحينَ بإذن الله ,
انا عن نفسي ودي اربرب شوي مع ان جسمي حلوَ ,
بس فخاطري خدود ^^ ,
يالله ما عليه عقب العرس ان شااء الله بنمتنَ ,
ههههه ,
ام خرباش فديتج وين بتروحين شهر العسل ؟؟
انا اول يومين بتم بدبي و عقبها بروح ماليزيا بإذن الله ,

**أم خرباش** · 2012-04-10, 03:50

هلا بالعرايس

انا اوني بنش من الصبح اجهز الشنط .. صبحت الصبح زجمانه و محمومه ولا رمت اسوي شي و اتلاحقت عمري و خذتلي حبه الزجام و الدوا الحما
و الحمدلله اهون احين و من صحصحت قمت و سويت جرد عالمكياج و عقيت الي ماباه و قسمت الباجي ( للسفر+ لراس الخيمة + لبوظبي+ لدبي ) و تعبت ههههه

باجلي اغراض الجمعية و العطور اوزعهن عشنطتين ( راك + بوظبي )

و توني اذكر انه لي مغربيتين فالخياط ففريج المرر نسييييييييييييتهن بتصلبهم باجر و بسال اذا خلصن ولا لا

و تاريخ 20 -4 بستلم ذهبي ان شالله

المحامية : انا بعد بتم اول يومين فالبلاد و بالاثنين ان شالله بسافر النمسا عاد وين فالنمسا مادري لنه بوخرباش ايعرفها اكثر مني فقلتله فاجاني

و سلامتكن
أم خرباش

**دلوعة قلبهم** · 2012-04-10, 13:52

شخباركم عرايس ؟؟

انا شطبت كلشي واحين اعتني ف جسمي و ف بشرتي
نفسيتي داون

اول وحده بعرس من التجمع

دعواتكم

**الَمحآمِيهَ** · 2012-04-10, 15:50

دلوعة قلبهم ,
متى عرسج ؟؟

ما عليه اذكري الله و اقري القرآن ,
عسى الله يسهل لج امورجَ و تكون نفسيتج حلوة ,
انا عن نفسي ارقد من وقت و اقوم من وقت عادي ,
تقريباً صرت يومياً ارتب اغراضيَ ,
و من يومين سويت لي خلطة حنا لجسمي للتبييض ,
و هالاسبوع بسوي حمام مغربي ان شاء الله ,

بس حبايبي ,
محتارة بالحنا ما اعرف وين اتحنى ؟؟
ابي صالون حناهم حلو و يعلق و نقشاتهم احلى ,
وين تنصحوني ,

**بنت الثريا** · 2012-04-10, 16:13

الله يوفقكم يااااارب

**مس.مريوم** · 2012-04-10, 18:56

مرحبا خواتي الصراحه صدمتوني

انا عرسي ان شاء الله

27-5-2012

ولليوم ماسويت شي بس خذت اشياء خفيفه

وبار ببدا اخور

ولليوم ما لقيت للمكياج

**الَمحآمِيهَ** · 2012-04-10, 19:18

مرحبابج مس مريوم ,
قولي ماشاء الله لا اله الا الله ,
بشنو صدمناج ؟؟
هههَ ,
حبيبتيَ حاولي تخلصينَ امورجَ الاساسية من وقتَ ,
و عقب ابدي بأشياء خفيفه ,
و سويلج جدول عشان كل مرة تخلصين شيء من الجدول و تشطبينَ عليهمَ ,
لان ما بقى شيء و ما في وقت فديتجَ ,
و خلي حد من اهلج يساعدج ,
و ربي يوفقج ان شااء الله ,
يااااااااارب تمم لنا على خير ياااارب ,

**غلايH** · 2012-04-10, 19:29

المحامية

هلا غناتي ... انا تقريبا خلصت كل شي باجي اشياء بسيطة جدا

احاتي المسكة كانت فخاطري مسكة وايد عايبتني بس عقب ما اخترت الفستان غيرت رايي لاني حسيت انه ما راح تكون راكبه عليه

يعني الكرستال اللي فيه حركته ياية شرات قطع الزجاج المزخرفة فأفكر اني اسوي مسكة فيها حركة بالزجاج او شرات تراكيب العبايات اللي تكون بلاستيك يشبه الزجاج

مب عارفة اصقل فكرتي

وامممممممممم شو بعد

ام خرباش سلامي عليج ,, وانا هالاسبوع ببدى اول جلسة حمام مغربي وتنظيف بشرة وحمام زيت

دلوعة قلبهم فديت روحج خلج كوووول وابدد لاتفكرين واذا حسيتي بضيج او توتر كلمي ريلج وفضفضي له عسب ترتاحين

واول شي ومثل ما قالت المحامية توكلي على الله

انا مب قاعدة افكر بأي شي عسب ما اخاف او انهار او شي

كل تفكيري حاليا بوزني .. بديت اليوم بنظام النيترشن وان شاء الله خير

**أم خرباش** · 2012-04-11, 00:24

هلا عرايس
اشحالكن ؟

عني انا اليوم ماسويت شي مول هلكانه من الزجام و طول الوقت طايحة عالشبرية و امصدعه

و ربي ايسر اموركن

و سلامتكن

أم خرباش

**طيفاني** · 2012-04-11, 00:37

يا حظكم تجهزززون ومستانسين . . انا لين قبل اسبوع كنت شراتكم
اجهز وفرحانه . . وخلاص مجهزه كل شي وعرسي شهر 5
بس صاار شي صدمني وصار شبه مؤكد عرسي بيتأجل

احساس موول مب حلوو بس الحمدلله اني للحين ماخذت لا فستان
ولا حجزت حنا . حاجزه ميك اب بس ومادفعت لها عربون
كنت بعطيها المبلغ كامل فيوم العرس !

ما يهمني لا العرس ولا التجهيزات
اهم شي ربي يشفي ريلي ويقومه بالسلامه ان شاء الله

والحمدلله على كل حال

ربي يتمم للجميع على خير ان شاء الله

**حلمي جنتي** · 2012-04-11, 02:57

طيفاااني حبيبتي الله يقووم ريلج بالسلامه يااارب ولا تحاتين ان شاء الله عرسسج ما بيتأجل واقري كل يوم سورة البقره وربج بيفرجها عليج يارب

بنااااااااااااااات بشاااره

انا بعد عرسي تاريخ 25 /5 ههههههههه

انا ان شاء الله اذاا جهز الملحق هالشهر بودي اغراضي كلها وبرتبها عدل وعقب برتب لي شنطة للفندق

وياارب ربي يتمم لنا كل شي ع خيير

باقيلي فستااان الصباحيه وبفتك ان شاء الله

**حلمي جنتي** · 2012-04-11, 02:58

طيفاااني حبيبتي الله يقووم ريلج بالسلامه يااارب ولا تحاتين ان شاء الله عرسسج ما بيتأجل واقري كل يوم سورة البقره وربج بيفرجها عليج يارب

بنااااااااااااااات بشاااره

انا بعد عرسي تاريخ 25 /5 ههههههههه

انا ان شاء الله اذاا جهز الملحق هالشهر بودي اغراضي كلها وبرتبها عدل وعقب برتب لي شنطة للفندق

وياارب ربي يتمم لنا كل شي ع خيير

باقيلي فستااان الصباحيه وبفتك ان شاء الله

**ام ذيـاب** · 2012-04-11, 09:16

عرسي في شهر 6 ان شاءالله

ادخل هنيه عشان استفيد من تجهيزاتكم بنات

الله يعين

احس بضغط لاني ما سويت شي مول وماشي وقت

الموضوع: تجـــــــــــــــمع عرايس شهر 5 ( احلى عرايس فديتكم )

أدوات الموضوع

عرض

المواضيع المتشابهه

عرايس يناير دخلوا فديتكم

يوميات عرايس الإمارات 2007 (( الجزء الرابع )) تجمع لأحلى عرايس _

يوميات عرايس الإمارات 2007 (( الجزء الثالث )) تجمع لأحلى عرايس _

فديتكم عرايس بوظبي ...فزعتكم

يوميات عرايس الإمارات 2007 (( الجزء الثاني )) تجمع لأحلى عرايس