يوميآت عروس // عنآيتي بنفسي

[عيناويه11]

السلآم عليكم

يسعد مساكم ..

هذا ملفي المتواضع للاستعداد لرحله حياه جديدة ..

يومياتي ( عنايتي بنفسى)

بدآيه .. تاريخ عرسي 2-9-2012 >> الله يتمم كل شي على خير ان شاء الله

في هذي الصفحة راح آكتب جدول العناية فـ:

الشعر// البشرة // الجسم // العيون// الاسنان // الفم // اليدين والقدمين // الركب والاكواع// المنطقة الحساسه


من باجر بكتب يومياتي ( 3-3-2012) وان شاء الله استمر لمدة 6 شهوور

راح اكتب كل تجهيزاتي للعرس ( الزهبة، الفستان، المكياج، الحناء..........الخ)

ومن باجر ان شاءالله ببدآ برجيم//
للعلم :: انا وزني 65 وطولي 161 هدفي 52 ::

* تقريبا من اسبوعين كنت اسووي تكسير دهون مع وحده صينيه تيي البيت والحمدالله النتايج بينت وخاصة في منطقة البطن
* حجزت موعد في عيادة سعااد لطفي :: راح أبدآ اسوي ليزر للجسم كله ::
* الاسبوع الياي بتييني مدربة في البيت نلعب ايروبك

واهم شي راح اسويه في هاذي الشهوووووور :: شرب الماي و الماي وثم الماي ::


= همسة :: استقبل كل الردود سواء ( تشجيع // انتقاد// طلب // سؤال// استفسار...الخ )

رآح آكتب بعد الخلطآت اللي بستخدمهآ ضمن برنآمج العناية في الردود اليآية

[ليندااااا]

اللّهم انا نسألُك أن ترزُقَنا حبَّك.. وحبَّ من يُحبُّك
وحبَّ كلِّ عملٍ يُقرِّبُنا الى حبِّك
وأن تغفرَ لنا وترحمَنا
واذا أردت بقومٍ فتنةً فاقبِضْنا اليكَ غيرَ مفتونين
لا خزايا و لا ندامة و لا مُبَدَّلين
برحمتكَ يا أرحمَ الراحمين

[عيناويه11]

عندج عيوب في جسمج ( عدم تناسق في الجسم)

http://www.youtube.com/watch?v=oBRkUfxDS5Y

وصفة الدكتورة د. سمر العمريطي

على الريق :: ماي دافيء + ليمون + عسل شوي >> لمنطقة البطن

وبعد ساعة الفطور

( رجيم لحرق دهون البطن)

الفطور: شاي آخضر أو شاي باللبن آو النسكافي+ قطعة جنبة قليله الدسم + توست اسمر
الغداء : سلطة + خضار + دياي مشوي او سمك مشوي
العشاء: نفس الفطور أو 2 كوب زبادي

تقدرين تشربين الزنجبيل لحرق الدهون في اي وقت

[حلوة واموره]

بالنسبة لوزنج لا تنزلينه وايد لانه فيج طول 52بتكونين وايد ظعيفة احلى تكونين ممتلئة وعشان ويهج مايبين ظعيف وايد ومايستويلج ترهلات

[مجنونة و تجنن]

ربي يوفقج اختي

[سامية22]

مشكورة

[امل التونسية]

ربي يتمملك على خير