نفسيتي تعبانه من الولادة والبنت (انتوا كيف تحملتوا هالوضع؟)

**كندوره مخوره** · 2012-02-05, 17:14

استهدي بالله اختي و اصبري
فتره و بتعدي لازم تصبرين و تتحملين هالامومه و نعمه من رب العالمين الحمدالله
كوني قوية و خلي ايمانج بالله قوي
و ان شاء الله ما بتشوفين الا بعد العسر كل يسر
حاولي تتعايشين مع الجو و تتغلبين ع مشاعرج و نفسيتج الي تتعبج بزياده
و ارتاحي و ريحي روحج و راجعي الدكتورة بين فتره ل فتره ع الخياطه و استمتعي مع بنتج
و لا تحسسين ريلج بهالشعور خلج قويه

**الحور الساكن** · 2012-02-06, 00:44

لازم تتعبين وتسهرين...عيل ليش الجنة تحت اقدام الامهات؟؟؟؟؟؟؟؟

كلنا عانينا وتعبنا ويمكن اكثر عنج..وكلنا اهملنا نفسنا فتره لين اتعودنا على الياهل وكيف نتعامل معاه ولين يتعدل رقاده والحمدلله الجسم يرد نفس اول والنفسيه ترد وبتحصلين وقت حقج وحق بنتج وريلج..وبتطلعون وتستانسون اكثر عن اول....

**Miss Sam** · 2012-02-09, 00:28

الصراحه حدي ارتعبت ... الله يستر ويسهل حملي وولادتي يارب

والله كسرتي خاطري فديتج ربي يعينج ويسها امورج يارب

**om aboood** · 2012-02-09, 00:45

حبيبتي الحمد لله عسلامتك توكلي على الله فتره ومريت فيها ووالله اسوا من حالتك بكثثييييييير قولي الحمد لله جاني اكتئاب النفاس وطفلي ماينام لا ليل وللا نهار ما ادري كيف يقدر يقاوم ولا يرضع و و و اول حل لقيته وفادني شربيها يانسون دافي مع عسل اوشومر باذن الله بتهدا وحمميها قبل النوم يعني حمام وبعدها يانسون وكوني مجوعتيها شوي مو كثير علي عشان تشبع ان شاء الله وتنام ان شاء الله بتكبر وبتنامي 8 سااعات متواصل والله كل اللي كانو يشوفوني يحزنو علي يحاولو ياخذوه من عندي بس عشان انام ساعه متواصل احس اني جنيت ودايما ابكي وما اتحمل اي كلمه من اي احد بس ان الحمد لله الحين انا اقومه عشان يشرب الحليب

**عاشقة يسوفي** · 2012-02-09, 01:27

الحمدلله ع سلامتج وسلامة البيبي ومبروك ماياج تتربى في عزج حبيبتي كلنا اتحملنا تعب الوحام وتعب الحمل والولاده وتربية الياهل والسهر وياه والنفسية التعبانه يعني لاتخافين انتي مب روحج بس

بعدين الواحد يوم يبا شي يضحي عشانه انتي بغيتي البيبي لازم تضحين شوفي الخياطة انا من الستشفى عطوني مرهم اسمه (ميبو) وكانوا يقولون لي احطي ع الفوطة وقالت استخدمه فاليوم ثلاث مرات

كنت احط ع الفوطة والبسها بس وايد ريحني هالمرهم ماكنت احس بعوار الخياطة وكل ماكنت ابدل الفوطة احط منه يوم كنت مااحط كنت احس الخياطة شاده علي وماروم ايلس بس من احطه ارتاح

انتي اسالي دكتورتج اذا يناسبج وخذيه وهم عطوني حبوب بروفين حق الم الخياطة والجسم كنت اخذه كل ست ساعات او من احس الالم يريحج وايد وعن عوار والم الجسم لازم لانج توج مربيه هالشي ولازم تيبين ممرخه
تييج البيت واتسوي لج مساج

انا وحده كبيرة فالعمر كانت تييني البيت وخليتها تيني 7 ايام كانت تسوي لي مساج عدل وكنت اخليها تحط لي زيت في شعري ايلس ساعه ساعتين عقب اتسبح بس اتحملي عن البرد غطي راسج ولاتقعدين فالمكيف وايد مب زين لج وللبيبي

لبسي ملابس دافيه واذا ترضعين بنتج حطي مرهم زبدة الكاكاو بالممرز ع الحلمة عشان ماتتشقق وماتحسين بالم بتحصلين كل هالاغراض فالصيدليه وعندج اسبري بخاخ اسمه روك هو زيت بخاخ اتبخينه ع خطوط اللي تطلع ع الصدر

والبطن كنت استخدمه الاربعين وايد يخفف الخطوط عجيب وريحته زينه شربي اشياء حاره اكثر شي وعن بنتج يمكن فيها غازات وبطنها يعورها او اذنها يعورها حطي ايدج ع بطنها واذنها شوفي ردة فعلها وديها مستشفى شوفي شو عندها

اذا فيها غازات ومغص اتحصلين قطور حقه بيريحها وسوي لها مساج ع بطنها بزيت الزيتون الدافي هذا اذا كان فيها مغص والليل سوي لها مساج وقطيها عشان تتعب وتنام ونامي وياها شوفي يالغلا اليهال في هالعمر ينشون كل ساعه او ساعتين

يصيحون ومن ترضعينها ترقد ومن تحطينها تنش تصيح يوم ترضعينها ان رقدت مارضعت قرقطيها تحت ريلها ورى الاذن عشان تنش وتشرب وتشبع وترقد مرتاحه وماتنش وهالوضع يتم لين فتره طويله وانصحج تيبين خدامه تساعدج شوي

ان بغيتي تسيرين الحمام عزج الله ع الاقل تشوفها ماعليه اتحملي شوي لاحقه ع الطلعات والتعديل صبري شوي بس كلنا استحملنا انا كنت اصيح ويا ولدي يوم يصيح هههههه ونفسيتي تعبانه واضارب ويا ريلي والاهل والخدامه

واذا في اي شي اساليني واسالي الخوات انا عندي واحد والخوات اللي هني عندهم اكثر واكيد خبرتهم اكثر اتمنى بيفيدونج اكثر صح مرهم ميبو هذا مسكن للالم وتجميلي بعد يعني اثر الخياطة تروح ماتبين وايد

**هنايف** · 2012-02-09, 09:32

فديتج والله انا بعد اول ياهل كان لي بس ما سويت نفسج لاحقة على الريل والطلعات انتي ف نفاس الطلعات مب زينه لج حبوبة الا لضرورة يعني المسشتفى لانه ما تكون الملايكة حافظتج ف هالوقت اذكري الله حسيت من كلامج مول ما ذكرتي الله لا تخلين ايمانج اضعيف انا تألمت وايد الصراحة من الخياطة بس الحمدلله عقب ارتحت بعد الاربعين اصبري ما فيها شي وحاولي انج تنظمين وقتج مع البنت وخذيلها من الصيدلية ماي غريب وااايد اوووكي انا ولدي جي سويت له الصراحه وربي يصبرج واهتمي ف بنتج وحمدي ربج على هالنعمه ناس هب محصله ياهل

**Pheno-m-enon** · 2012-02-09, 09:54

الصراحة انا مب معرسة و ما عندي خبرة ف هالموضوع
بس انتي حاولي تقرين عليها و استغفري وايد
انا كنت اشوف اختي و احس نفسيتها كانت جد تعبانة
بس الحمد الله احينه بنتها ترقد اكثر فليل

يعني كل شي يباله تاقلم خاصة انج روحج
اتمنى لو تسيرين عند اهلج ع الاقل شوي يساعدونج
رمسي ريلج و خليه يساعدج شوي ع الاقل يشل البنت شوي و تسيرين تتسبحين و تريحين
يعني حاولي تنظمين وقتج

و فكري انه فيه حريم يتمنون ياهل ف حياتهم
و الحمد الله ربج رزقج هالبنوتة
هي ايام و بتعدي و بتحسين عمرج عال العال ان شاء الله
لاحقة ع الطلعات و الريال يتفهم اللي انتي تمرين فيه

الموضوع: نفسيتي تعبانه من الولادة والبنت (انتوا كيف تحملتوا هالوضع؟)

أدوات الموضوع

عرض

المواضيع المتشابهه

تعبانه تعبانه نفسيتي خلاص صايره داااااون

نفسيتي تعبانه

انتوا الي بتخففون علي لان نفسيتي تعبانه حيل

تعبانه نفسيتي

نفسيتي تعبانه