صفحة 1 من 6 123 ... الأخيرةالأخيرة
النتائج 1 إلى 7 من 37
  1. #1
    نجمة


    رقم العضوية: 185004

    تاريخ التسجيل
    19 - 12 - 2010
    مشاركات
    156

    Icon100202 نفسيتي تعبانه من الولادة والبنت (انتوا كيف تحملتوا هالوضع؟)


    السلام عليكم خواتي
    حبيت اشكي لكم حالي

    انا كنت حامل وتعبت وايد فحملي وهذا اول حمل لي
    تعبت فيه لدرجة اني كنت اصيح وايد
    ونفسيتي كانت خايسع وفي وقت حملي كنت مفكرة ان من اولد
    بفتك وبيروح كل هالالم و بتعتدل تفسيتي
    وياني الطلق وشفت الموت في ولادتي لدرجة اني كرهت الحمل
    وتعقدت وطلعت منها وانا خلاص !!!!!!
    كنت ادور حد يفهم الي مريت فيه ويخفف علي وينسيني الكابوس والالم الي عشته
    كنت ادور الراحه والهدوء وقلت خلاص انتهى العذاب وبفرح بالنونو الله يحفظها لي فديتها
    ولكن اكتشفت اني دخلت فـ عذاب ثاني اصعب بوايد من الاول
    الي هو ( الاهتمام فالبيبي)
    ابد ابد ماتوقعت ان اليهال عباله وتعب
    من اول يوم من ولادتي وانا شفت الويل
    طول الليل مارقدت فالمستشفى بسبب بنتي كانت تصيح ومب طايعه ترقد
    والي ذابحني اكثر الخياطة الي فيني بموت منها من اتحرك
    حتى اليلسه ماروم ايلس وقلت لا تحملي أكيد هذا يستوي اول الايام وعقب خلاص
    ولكني اشوف الوضع يزيد للاسوء
    كل الليل تصيح صياح ومول ماتسكت لين يطلع الصبح عقب تستلم وترقد
    والنهار ترقد شوي ورقاد مقطع كل شوي تنش اصيح تعبت مول مارقد
    والله اني اصيح صياح تعبانه وايد من هالحال
    والي زايدني ومضايجني اكثر اني ماروم اهتم بنفسي
    وانا من النوع الي وايد اهتم بنفسي واكشخ كل يوم وأكون ويا ريلي وأستانس وياه ونطلع وغيرة
    بــــس الحين كل شي تغير علي فجأة
    احس الدنيا اسودت بعيني ليل ونهار طايحه بالفراش وياها حريتي انحصرت للبنت بين اربع يدران
    تخيلوا ما اطلع من الغرفه الا للحمام وبس
    احس اختنق ماروم اسوي شي لنفسي ماعندي وقت حقي او حتى حق ريلي
    احس شكلي صار بايخ مسودة وتعبانه كأني عيزت بسرعة
    تخيلوا حتى الحمام ماروم أسيرة بسبب بنتي
    حتى اكل ماروم اكل كله اصيح انعدمت شهيتي
    وكرهت كل شي وقمت اختنق واحس اليوم يمر سنه علي
    انا كملت من ولادتي اسبوع بــــس واحس اني بتخبل
    والله مشتاقه لريلي تخيلوا ماقمنا نسولف ولا نستانس ويابعضنا
    والسبب ان نجابل البنت ونتوتر من صياحها طول الوقت ونيلس معتفسين عليها
    ولو قلتوا لي ليش ماسرت عند اهلي تراني سرت يومين ومارتحت لان اهلي
    مب متعاونين ومحد نفعني ولاحد خفف علي
    فرديت بيتي عالاقل وجود ريلي يريحني
    بــــس خبروني شو الحل ويا صياح البنت والمغص
    وشو الحل اني ما ألاقي وقت حقي عسب اهتم بنفسي
    يالسه اصبح وامسي مضايجة واصيح مخنوقه لدرجة ماتتصورونها
    جسمي كله يعورني من الولادة والخياطة تعورني
    كله ايلس عسب ارضعها وأتم اتألم
    والله كارهه حياتي احس ان حياتي انجلبت مرة وحدة
    وكل شي تغير انا والله ماروم اتم جذا والله ماروم
    ابا اهتم بنفسي ابا اجابل ريلي ابا اهتم فيه
    ابا اطلع ابا اغير جو ابا اتنفس والله ماروم اتم
    في عالحجرة حاكرة نفسي ويا بنتي
    شو الحل بنات انتوا كيف تحملتوا هالوضع بعد الولادة
    كيف الاربعين مروا عندكم بسرعه بدون تعب وصياح
    كم يتم النونو جذا يصيح ومايرقد كم بتم جذا ماعندي وقت لنفسي ؟
    كيف تحملتوا النونو والسهر كيف اهتميتوا بنفسكم والبياهل بنفس الوقت ؟
    دم النفاس والياهل وصياحه وشكلي التعبان وناحصل وقت لنفسي ولا ارقد
    والخياطة كل ها بيموتني يخنقني احس اني ماقدر على هالحال
    شو الحل دخيلكم
    انا وايد تعبانه والله منهارة
    بليز الي حاسه بمعاناتي وجربت كل هالالم ترد علي
    والي ماجربت هالالم تقولي كلمة حلوة وبس
    دخيلكم ساعدوني والله احس بسوي شي بنفسي من كثر التعب والتغيير الي فجأة صار بحياتي


    4 بنــــــــــــآت يستخدمون هالنك نيم



  2. #2
    نجمة ماسية


    رقم العضوية: 63105

    تاريخ التسجيل
    30 - 11 - 2007
    مشاركات
    29,604

    افتراضي

    الله يكوون في عووونج ..
    بس لا تحاتين كلهآآ فترة وتعدي ان شاء الله ..

    انا بعد عانيت عقب الولآآدة ..
    وكله اصيح ,, وشهيتي انسدت ..
    وحسيت ان بنتي قيدتني وجلبت حياتي فوق تحت ..
    وكل ما اتذكر طلعاتنآآ وروحتنآآ وسوآآلفنآآ أنا وريلي واقووول اكيــد ما بيرد كل هذآآآ عقب ما يبت بنوتتي ..
    اصيح اكثر واكثر ...

    بس عقب تقريبا شهرين وايد خف هالاحسآآس وخآآآصة عقب مارديت لريـــلي لأنه وآآيد كآآن يسآآآعدني اتخطى هالمرحلــة
    وبعد 3 شهور اختفى نهائيا ورديت لحيآآآتي الطبيعية واستوت احلى عن قبل الحمدلله ...

    ونطلع ونستآآنس .. وكل ما تكبر البنووتة .. يعتدل ارقآآدهااا واحصــل وقت لنفسي ولريلي ..



    ان شاء الله فترة وتعدي .. اهم شي الحين تستانسين بكل لحظة ويآ بنتج ..
    وتعيشين كل لحظة حلوة ويآآهآآآ
    لا تحآتين ان شاء الله كل شي بيرد نفس قبل ..


    الله يعينج على تربية بنتج .. ويجعهآآ من الصآآلحآت يارب .. ويهديهآ لج ..


    اللّهم إني أعيذ نفسي وزوجي وذريتي وأهلي
    بكلمآتك التآمة من كل شيطآن وهآمة ومن كلّ عينٍ لآمة ♥
    ♥'




  3. #3
    نجمة


    رقم العضوية: 185004

    تاريخ التسجيل
    19 - 12 - 2010
    مشاركات
    156

    افتراضي

    بــــس وايد ٣ شهور
    احس مارووم اتحمل ومافيني صبر
    كل شوي اصيح
    الايام بطيئة وماتمر بسرعه والتعب يزيدني
    والله مخنوقه


    4 بنــــــــــــآت يستخدمون هالنك نيم



  4. #4
    بانتظار تفعيل الإيميل


    رقم العضوية: 189571

    تاريخ التسجيل
    07 - 02 - 2011
    مشاركات
    110

    افتراضي

    حبيبتي عليج بالصبر يالغالية ،، يمكن انتي تمرين بإكتئاب مابعد الولادة ،،

    كلنا نتعب ونسهر ويا اليهاال ونحتسب الاجر عند الله ،،

    ماعليج الغالية انتي الحين متوترة لأنج ام للمرة الولى ومب
    متعودة ع التغيير الي صار فجأة من نوم وعسل إلى سهر
    وصياح بيبي وتبديل حفاظ وجي ،، مع الوقت بتتعودين
    وتتأقلمين ويا الوضع ،،


    انتي خلج صبورة والطلعات ترا لاحقة عليها يوم تكبر ابنت شوي و زين منج تجابلين بنتج احسن لج ولها خاصة لوترضعين طبيعي.

    انتي سوي لعمرج نظام يعني كل ساعتين ترضعينها وتبدلين الحفاظ لها وترقدينها وبعد هالساعتين
    تنامين او تسوين الي تبينه .. الغالية بالنسبة للمغص او الغازات وديها الطبيب وهو بيعطيها دوا يريحها ويطلع الغازات منها ولاتنسين بعد كل رضاعة تدشعينها ..
    وعن نفسج انتي سوي لعمرج حلبة بالحليب أو بابونج أوزعتر بالعسل وجي عشان الرحم يتنظف ودفي عمرج دووم ولاتتعرضين للبرودة عشان ماتييج حمى بعيد الشر والأدوية الي عطوج اياها فالمستشفى حافظي عليها وخذيها بوقتها،، والخياطة اهتمي فيها بحيث تنشفين المنطقة عددددل بعد كل حمام ولو عطوج معقم استعمليه بانتظام بارك الله فيج

    واصبري يالغالية اصبري .. كلها فترة وبتعدي وبتكبر البنوتة وبيتعدل نومها وبتستانسين مرة ثانية ،،

    استغفري كثر ماتقدرين ودووم خلي ذكر الله ع لسانج حتى وانتي ترضعين عشان ترتاحين بإذن الله

    سامحيني طولت عليج ،،

    دعواتج ان الله ايسر لي امري ويعينني برحمته الواسعة ،،

    موفقة
    التعديل الأخير تم بواسطة نونو ماما ; 2012-01-30 الساعة 18:06

  5. #5
    نجمة براقة


    رقم العضوية: 174642

    تاريخ التسجيل
    09 - 06 - 2010
    الدولة
    |I|I|I| بلادي |I|I|I|
    مشاركات
    942

    افتراضي

    أختي كلنا مرينا بالحاله
    وأنا مثلج وأيد تعبت بالحمل والوحام حتى وزني وأيد نقص و توني والده وكملت تقريبا شهرين ونص
    وشوفيني سهرانه مع ينتي مب راضيه تنام

    انتي المهم لا تتوترين لان البيبي يحس بتوترج ويتم يصيح
    هدي آعصابج
    بالنسبه للمغص دلكي بطنها بزيت زيتون أو زيت البابونج الأخضر بشكل دائري وبترتاح
    وبالنسبه الرضاعه رضعيها وأنتي نايمه على جنب أنا جي كنت أرضعها بس حاسبي تنامين
    والخياطه أهم شيء تنظفيها زين وتنشفيها عدل وأحسن بعد اسبوعين أو ثلاث روحي أكشفي وشيليها
    إذا سمحت لج الدكتوره


    [CENTER][CENTER][COLOR="Plum"]يا رب تحفظها من كل شر وتخليها لي

    [IMG][/IMG]



  6. #6
    تاجرة برونزية


    رقم العضوية: 219278

    تاريخ التسجيل
    29 - 01 - 2012
    مشاركات
    365

    افتراضي

    اختي اتحملي الالم عشان البنوته و تمي استغفري صدقيني بترتاحين و بالنسبة للخياطة ايلسي بماي دافي و ملح و يمدحون مرهم ميبو للخياطة و يوم بتيلسين ترضعين البنوته ايلسي على مخدة ماعمه انا جي كنت اسوي و الحمدلله الايام مرت و ادهني بطنها بزيت زيتون و الله يحفظلج البنوته و لا تتضايجين الغاليه فترة و بتعدي ان شاء الله

  7. #7
    نجمة فضية


    رقم العضوية: 126276

    تاريخ التسجيل
    30 - 04 - 2009
    الدولة
    عيون حبيبي
    مشاركات
    5,126

    افتراضي

    اول شي الحمد لله على السلامه حبيبتي

    وتتربى البنوته فعزكم


    وذكري الله حبيبتي لا اضايقين بعمرج


    وهالاحساس كل ام يديدة تحس فيه

    يعني عادي

    كلنا مرينا بتفس الحاله

    الحمد لله عندي ٣ يهال الله يحفظهم ويبارك لي فيهم

    احس اول اربعين كان اصعب شي والولادة الثانية والثالثة كانت احسن الحمد لله. ماحسيت وايد بفترة الاربعين كثر اول اربعين. كنت تقريبا جيه نفس نفسيتج.*

    بس الحمد لله مرت على خير

    حبي بنوتج وخليها اولى اهتماماتج وصدقيني كل شي بيهون عشانها

    وريلج لازم بيقدر انه توج استويتي ماما وييراعي*

    وعشان سالفة تهتمين بنفسج

    انا كنت فبيت اهلي. فديت امي وخواتي مايقصرون مول

    بس ثاني و ثالث ولادة تعلمت اعتمد على نفسي اكثر حتى لو اتم عند اهلي


    وانتي بما انج فبيتج. يوم بترقد بنوتتج. ارقدي ريحي شوي ولا خذي شور ولا شربي اشياء دافية. خلي ريلج شوي يطالع البنوته وانتي خذي لج بريك

    وان شاء الله بتحصلين وقت عقب تهتمين بنفسج. *كل شي بالتدريج توج حبيبتي مربية

    كل شي يباله وقت

    حتى الطلعات لاحقه عليها. *كلنا تعودنا نطلع ونحوط ويا رياييلنا بس الظروف تحكم بعد

    وعادي الحين نطلع احلى طلعات ويا اكشنات اليهال فديت قلبهم خخخ

    فعادي الغالية عيشي حياتج وحبي الامومه وخلي فبالج إنه الي تحسين فيها معظم الامهات يحسون فيه.*

    وانتي مأجورة عند رب العالمين. *يعني تعبج مب عالفاضي. انتي تخدمين بنتج الي هي قطعة منج وبعد تاخذين اجر عند الله..*


    وعشان صياحها. اكيد من الغازات. شربيها ينسون شوي وشاي اذا مافيها اسهال. وقطرة الانفاكول اوكي بعد وفركيها بزيت زيتون دافي ولفيها وسويلها مساج للبطن وحضنيها وهزيها خفيف. *حسسيها بالحنان ولا تتوترين

    ان شاء الله فترة وبتعدي. بس يبالها صبر وطولة بال


    واذكري الله. انا كنت اقرا ادعية والاذكار بما اني مااقدر اصلي *وكثري من الاستغفار*

    والله يحفظ لج بنوتج فديتها وتفرحين فيها أحلى عروس

    ^_^


    ايقاف مشاركاتي بها النك نيم

    الي حابه تتواصل وياي اطرش لي اميل

    واشوفكم على خير حبيباتي ^__^



صفحة 1 من 6 123 ... الأخيرةالأخيرة


المواضيع المتشابهه

  1. تعبانه تعبانه نفسيتي خلاص صايره داااااون
    بواسطة ت ع ب في قسم : الحياة الزوجية
    مشاركات: 50
    : 2011-09-19, 19:26
  2. نفسيتي تعبانه
    بواسطة حزينة الماضي في قسم : الملتقى الإجتماعي
    مشاركات: 25
    : 2010-05-23, 13:08
  3. انتوا الي بتخففون علي لان نفسيتي تعبانه حيل
    بواسطة alia_emirates في قسم : الحمل والولادة
    مشاركات: 13
    : 2010-03-18, 18:03
  4. تعبانه نفسيتي
    بواسطة تائبه 23 في قسم : الحمل والولادة
    مشاركات: 19
    : 2009-03-31, 21:22
  5. نفسيتي تعبانه
    بواسطة خيط وابره في قسم : التنمية البشرية و تطوير الذات
    مشاركات: 29
    : 2008-02-20, 22:51

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  



Loading