الترمس المر لازالة الشعر

**رحيق الصبا** · 2012-01-05, 14:27

السلام عليكم

من فترة قريت انه في شي اسمه ترمس مر ومن جملة استعمالاته هو لتخفيف الشعر وازالته
طبعا انا من كثر لوعتي مع الشعر كان عندي استعداد اني اسوي كل شي وفكرت بالليزر بس حسيته غالي شوي يعني لو اريد اسوي جسمي كله راح زوجي عمره كله يدفع راتبه على مراكز الليزر هههه
بس يوم عرفت عن الترمس المر قلت خلي اجربه ماخسرانة شي

وفعلاااااااااااااااااااااا يابنات طلع شي رهيب

انا من النوع الي اسوي حلاوة وبعد اربع ايام يطلع الشعر (الشعر يطلع عندي بسرعة رهيبة)
ومن يوم استعملت الترمس المر ظليت تقريب 20 يوم الشعر ماطالع والي طلع منه فهو خفيف
تعجبت بصراحة وراح استمر عليه لان انا للحين مستعملته مرة وحدة لان للحين مابين الشعر كله لان طلع بشكل خفيف واماكن فيها واماكن لا

كتبت الموضوع لان اكيد في كثير مثلي يعانون من سرعة نمو شعر الجسم والتعب من ازالته اضافة الى شكله المزعج
ملاحظة تره في ترمس حلوو وفي ترمس مر خلو بالكم يوم تشترون لان انا اول شي اشتريت طلع الترمس حلو بعدين لقيت المر

اتمنى اكون افدت احد بهذا الموضوع ورجاءا اخواتي لاتتكاسلن تعبي روحج شوي يعني احتمال من ثالث مرة تشيلين فيها ومايرجع بعد للابد