بـنات الي عندها نفس مشكلتي تدخل وماتبخل

**عيناويه حلوة** · 2011-12-31, 17:53

السلام عليكم ورحمه الله وبركاته

انا عندي مشكله وابي منك تجاربكم ....

أعاني من حبوووب في المؤخره تجي فتره وتروح بس ماتروح للابد مع اني اغسل اكثر من ثلاث مرات وبصابون ديتول بس للاسف ماتروح ياليت اللي تعرف كريم او اي خلطه الله يجزاكم خير

المزيد من آخر المواضيع من نفس القسم:

**dlolla** · 2011-12-31, 18:30

جربي كريم رتن اي
حسيته ساعدني كثيييير في تقليل الحبوب
وغلط انج تغسليها 3 مرات باليوم
حتنشف وتفرز دهون اكثر وتسبب مشاكل
تكفي مره وحده باليوم وحطي طبقه خفيفه رتن اي لمدة 4 اسابيع بس
وحاولي ترطبيها بكريم خالي من الزيوت(لازم تترطب لانو الجفاف يخرب البشره حتى لو بشرتج دهنيه )

**ميـــااري** · 2011-12-31, 18:46

و عليج السلام و رحمة الله
الله ايسهل عليج عزيزتي .. ما عندي علم صراحه

**"زوزو1"** · 2011-12-31, 18:49

بالتوفيق اختي

**الكتبيةالحلوة** · 2011-12-31, 21:28

وانا فالاعدادية يتني هالحالة .. ومن الاعدادية بديت اسوي حمامات مغربية حق عمري ومن يومها ماشفتهن مرة ثاني الحمدلله ..
والشي ان زاد عن حده انقلب ضده .. حذاري تغسلين جسمج اكثر من مرة فاليوم غناتي ...غلط .. وديتول مايخصه بالحبوب .. لكن ان بغيتي جربي لايف بوي الاحمر .. جربته لويهي بعد ايام الاعدادية يوم ظهرلي حبوب ..كله فالاعدادية يوم كل شي مش حلو يظهرلج ^^

وبالتوفيييييييييييييق حبيبتي

**~شوق~** · 2011-12-31, 22:00

جربي صابونه الكركم
انا جربتها حق الحبوب الظهر حمدلله خاززوا

موفقه يارب

**نسيم الليل37** · 2011-12-31, 23:48

همممم مآعرف

بنـآت تحذروا من كريم رت آي

استخدامه بطريقه غلط او لاكثر من شهر

اتييب بلاوي مآتروح بـ سنين

سبحان الله وبحمده

**صمت الاصايل** · 2012-01-01, 00:44

استخدامج لصابونة الديتول لهالمنطقة غلط اختي لان هالمنطقة رقيقه ما تتحمل قوة صابون الديتول

انتي بهالطريقة تجتلين البكتيريا النافعه في المنطقه و تخلينها جافه اكثر من اللازم..

انصحج تستخدمين غسول مخصص للمناطق الحساسه عندج وايد خيارات بالصيدليات

مثل سيباميد او كيرفري او cyteal هالنوعيه من الغسول بيخفف لج الحبوب

استخدميه مره الى مرتين باليوم فقط لا تكثرين ولا تنسين اتهوين المكان لا اتمين كاتمتنه24 ساعه بالملابس الداخليه

**بدويه طيوبه** · 2012-01-01, 01:00

موفقه حبيبتي

الخواات ماقصررن

**عيناويه حلوة** · 2012-01-01, 01:23

تسلموووون حبايبي ماقصرتو والله

**mischocolat** · 2012-01-01, 10:45

ما انصحج برتن اي لانه كريم مقشر وقوي جدا وممكن يسبب لج تغيير في لون الجلد
وبعد ما أنصحج تغسلين الجلد 3 مرات بالصابون لان هالشي بيجفف الجلد وممكن يزيد الحاله سوء
اهتمي انج تفركين المنطقه بليفه زينه بالصابون وشوي من السكراب يوميا باستخدام الماء الدافئ وعقب تدهنين بكريم مرطب او ممكن تستخدمين كريم سودو يوم والمرطب يوم
وخففي ساعات الجلوس

الموضوع: بـنات الي عندها نفس مشكلتي تدخل وماتبخل

أدوات الموضوع

عرض

بـنات الي عندها نفس مشكلتي تدخل وماتبخل

المزيد من آخر المواضيع من نفس القسم:

المواضيع المتشابهه

جتوفي امضايقني .. اللي عندها نفس مشكلتي او بتنصحني تدخل

االي تعرف او عندها او حد يقرب لها عندها طفل منغووووووووولي تدخل بسرررررررعه

اللي عندها شرات مشكلتي تدخل

اللي عندها عبي نوران تدخل واللي ما عندها حياها الله ..