أسهل .. أسهل..أسهل طريقة عجينة للفطاير ..غير متوقع

**قارئة** · 2007-08-07, 10:52

مرحبا خواتي ... عندي اسهل طريقة عجينة في العالم كله ... ومن ألذ ما يمكن ..

المقادير ...

علبة قشطة (قيمر )
وكاسة وربع طحين رقم 1 (المعيار كاسة الجبن)
(يعني اذا بتزيدين المقدار احسبي كل علبة بكاسة وربع)
الطريقة ...

اعجني المقدارين عادي واذا حسيتي العجينة تلزق في ايدج ممكن ترشين شوية طحين
عليها لين ما تشوفين عندج عجينة حلوة مثل المارشميلو (حلاوة القطن )
وريحيها 10 دقايق .. وبعدين افرجيها بالنشابة وقطعيها دوائر واحشيها ..
خضرة .. جبن .. جبن كيري .. لحم مفروم ... اي حشوة تحبينها
وقليها في الزيت لين ما تستوي ذهبية .. وبالهنا والشفا ...
وختي سوتها بطريقة ثاني ... قطعتها دوائر صغيرة بالكاس وقلتها من غير حشو
واستوت نفس خبز البوري الهندي .. وقدمته مع الجبن والجام والعسل ..

ملحوظة ... طريقة العجينة هاذي وايد مفيدة وسهلة .. اذا بغيتيها للتوزيع .. او حد دخل عليج فجأة

وكل عـــام وانتـــوا بالف خيــــــــــــــر ....

المزيد من آخر المواضيع من نفس القسم:

**أم خالد الحلو** · 2007-08-07, 10:55

شكله لذيذ
يزاج الله خير

**Um Soltan** · 2007-08-07, 11:27

يسلمووووووووو

**الأميرة2** · 2007-08-07, 12:23

واو ما يبالها ماي او ملح

والطحين رقم 1 صح؟

**catwoman** · 2007-08-07, 12:38

مشكوره على الطريقه

**الطيوبة02** · 2007-08-07, 15:45

مشكوووور على الطريقه الحلوه

**حمده القبيسي** · 2007-08-07, 18:55

تسلميييييييييييييييين

**Um shamma** · 2007-08-07, 21:04

خواتي الطحين رقم كم ؟؟؟؟؟؟؟؟؟؟؟
واحد ولا

**قارئة** · 2007-08-08, 01:22

حبايبي الطحين رقم (1) وما يبغي له لا ماي ولا ملح ولا شي ابدا .. ابدا ... مثل ما قلتلكم ... قيمر وطحين ... سووها وادعوا لي

**عيون سعيد** · 2007-08-09, 00:19

مشكوووووووره وااااااااااااايد سهله بس بخصوص المعيار كاسة الجبن ممكن توضحين أكثر

**هلاوي** · 2007-08-09, 02:29

حبايبي وشو طحين لرقم واحد لاني من السعوديه
وما ينفع اي طحين

**هلاوي** · 2007-08-09, 02:31

حبايبي وشو طحين رقم واحد لاني من السعودية وما ينفع طحين عادي

**اشواق 3** · 2007-08-09, 02:37

يسلمو حبيبتي

**نعنونه** · 2007-08-09, 04:03

تسلم اييدج
يعطيج العاااافيه

**قارئة** · 2007-08-09, 09:56

بالنسبة للمعيار خواتي ... كاسة جبن جلاس ( الكرافت ) الحجم الكبير ... وللاخت من السعودية
الطحين رقم واحد ... هو نفسه تقريبا اللي لجميع الاستعمالات .. اللي تستخدمينه للكيك ..
لأن رقم 2 لونه يكون اسمر شوي ويستخدم للخبز اكثر ...

الموضوع: أسهل .. أسهل..أسهل طريقة عجينة للفطاير ..غير متوقع

أدوات الموضوع

عرض

أسهل .. أسهل..أسهل طريقة عجينة للفطاير ..غير متوقع

المزيد من آخر المواضيع من نفس القسم:

المواضيع المتشابهه

فطااايري عطريقتي^___^أسهل وأحلى وأسرع عجينة شو تبين أحسن عن جي؟؟!!!

أسهل و اسرع حلى بالصور و للحالات الطارئة ... أسهل حلى

أسهل طريقة للشوكلت موس (بالصور)

أسهل طريقة لقيام الليل

أسهل طريقة للنحافة