اللي سايرات قطر شوه رايكم فيها حلوه للعائلات عند استفسارات ساااعدوني

**حواء 12** · 2011-12-27, 11:54

مرحبا خواتي
خبيرات قطر شو رايكم فيها ؟
هل هيه مناسبة للعائلات فيها اماكن ترفيهية للاطفال؟
كم ساعة الطريج من الامارات الي قطر بالبر؟ وهل الدرب متعب ؟
افضل الفنادق او الشقق للسكن و فيه خدمات للأطفال ؟
والاماكن السياحية بغيت نبذه عنها ؟
والتسوق طبعا اهم شيء الاشياء المميزة في قطر ؟

انتظر ردودكم خواااااااتي ساعدوني

المزيد من آخر المواضيع من نفس القسم:

**ليالي_العين** · 2011-12-27, 11:59

للرفع

**Al3'wya** · 2011-12-27, 12:24

مرحباا اختي

اناا اروح قطر بين فتره وفتره لانها قريبه عليناا وبجااوب ع تساؤلاتج

خبيرات قطر شو رايكم فيها ؟

ماشالله وايد حلوه السناتر فيها كل الماركات وبرع الاسواق العاديه بعد حلوه وفيها هاي كواليتي بس اسعارهم اغلى من اسعارنا

هل هيه مناسبة للعائلات فيها اماكن ترفيهية للاطفال؟

هيه فيها حدايق وفالمولات في وايد العاب لهم وتقدرين تودينهم البحر او سوق واقف صوب الحمام والارانب

كم ساعة الطريج من الامارات الي قطر بالبر؟ وهل الدرب متعب ؟

طبعا حسب الزحمه عند المركز نحن من العين لقطر ناخذ مابين ال8 ل10 ساعات

هو شوي متعب بس الحمدلله عدلو الشوارع الحين ففي سهوله مب مثل قبل فالشارع حفر

والغلا انتبهي تاخذين جاي او عصاير من الطريج تييب عوار البطن من الافضل بس خذي من عندهم ماي حار

وحطي معاج فالسياره نسكافيه او ليبتون لما تبين تشربين واحسبي حسابج ترا محطات البترول بعيده عن بعضها

يعني لو شفتي محطه بترول ع طول نزلي اليهال للحمام عزج الله وخلي معاج اغراض فشنطه مثل كلينيكس وصابون

لليد وغيرها

افضل الفنادق او الشقق للسكن و فيه خدمات للأطفال ؟

نحن نسكن فهوليداي فيلا لان في كل غرفه 6 اشخااص يعني ينفع للعوايل وبعد في مطبخ وفيه صحون وجدور لو حبيتي تطبخين صح ايام كنا نروح ويكون مغبر بس لانهم يسوون صيانه دوريه له وع فكره لو بغيتي تحجزين حجزي قبل بفتره لان اغلب الاوقاات ما يكون عندهم حجوزاات .. وعن الاطفال صراحه انا ماشفت شي للاطفال بس قالولي في مسبح ومكان يلعبون فيه بس انا ماشفت

والاماكن السياحية بغيت نبذه عنها ؟

تقدرين تروحين المتاحف الحداايق البحر سووق وااقف بس لو رحتي السووق انتبهي عاليهال لانه بيكون زحمه

وبعد في عندهم مكان مثل ذا ووك فدبي ومينا السلام بس نسيت اسمه في محلات ومطاعم مجابله البحر ع طول

وتقدرين تتفقين معاهم يطلعونج رحله بحريه باليخت بس لازم تنسقين معاهم قبل بفتره

والتسوق طبعا اهم شيء الاشياء المميزة في قطر ؟

فيها من كل الماركاات اللي عبالج وهو حلوو فيها التسوق بس اسعارها اغلى من دبي مابقول بواايد بس غاليه يعني مثلا الشي اللي عندنا ب30 عندهم ب40 او 50 وجي يعين بس بعد فيها محلات رخيصه بس انتي دوري فالسناتر بتلقين كذا محل اسعاره منااسبه واايد وفي محلات ماعندنا منهاا وبرع فالمحلات العاديه بتشوفين محلات اللبس والعبي والفساتين صرااحه خباال وسعرهن فيهن بس اغلب الوقت ما يكون عندهم مقاساات لان اول ما ينزل الموديل ع طوول يحجزونه الحريم

وبس ها اللي اقدر اقولج عنه وبالتووفيج

**حواء 12** · 2011-12-27, 12:47

مشكورة الغاليه ماتقصرين

**فجر الغلا** · 2011-12-28, 00:52

تبين الصدق عزيزتي روحي الكويت احسن قطر مول موب شي الصراحه عيمان وراس الخيمه انا اشوفهن احلى ماعجبني فيها غير هذا سوق واقف ولا كلها على بعضها ماحلوه مووول ماتوقعتها جيه والله وبصراحه توقعتها احلى عالاقل البحرين احلى عنها والكويت

الموضوع: اللي سايرات قطر شوه رايكم فيها حلوه للعائلات عند استفسارات ساااعدوني

أدوات الموضوع

عرض

اللي سايرات قطر شوه رايكم فيها حلوه للعائلات عند استفسارات ساااعدوني

المزيد من آخر المواضيع من نفس القسم:

المواضيع المتشابهه

المطاعم الي فيها غرف للعائلات بدبي

اريد اعرف افضل جامعات بوظبي،،وشو التخصصات اللي ما فيها رياضيات؟؟وبعد استفسارات ثانيه؟

اريد اعرف افضل جامعات بوظبي،،وشو التخصصات اللي ما فيها رياضيات؟؟وبعد استفسارات ثانيه؟

مطاعم راقية فالعين .. فيها كباين للعائلات