صفحة 1 من 3 123 الأخيرةالأخيرة
النتائج 1 إلى 7 من 18
  1. #1
    عضوة


    رقم العضوية: 181659

    تاريخ التسجيل
    29 - 10 - 2010
    مشاركات
    76

    افتراضي مستلزمات المولود الجديد


    السلام

    أنا حامل في الشهور الاخيرة و ما عندي حد يساعدني فيا ليت يا ليت القى المساعدة من عندكم

    للحين ما اشتريت شي للبيبي و ما جهزت اي شي الصراحة مب عارفة و هذا اول مولود لي

    تلففت في المولات بس ما شريت شي شو اشتري شو الكمية شو القياسات شو الاشياء الاساسية و شو بحتاج اول الايام في المستشفى

    بليز ساعدوني وايد احاتي

    للعلم البيبي ولد ان شاء الله

  2. #2
    نجمة


    رقم العضوية: 39734

    تاريخ التسجيل
    19 - 06 - 2007
    مشاركات
    113

    افتراضي

    تقوم بالسلامة حبوبة
    شوفي اهم شيء انج تشترين للبيبي شنطة ومدس اللي يليبنج باج عشان وانتي طالعه من المستشفى تشلين البيبي فيه وبتحصلينه في بيبي شوب. تلاقين اطقم الشنطة والمدس نفس الديزاين فرصه الحين بيبي شوب تنزيلات
    وطبعا خذي للبيبي تقريبا 3 او 4 قطع افرولات قياس نيوبورن و4. قطع 0-3 ﻻن البيبي بسرعه يكبر ونفس الش وطبعا مع الافرولات ﻻزم تاخذين كاب لراس البيبي كذا لون .. خذي اندرويرات (شلح داخليه) 0-3 .... وبما ان الحين برد خذي صوف احسن ... وبعد لاتنسين قماطات ملونه خذي كذا لون عشان تناسب ملابس البيبي.... وفوطتين حق البيبي... واهم شيء حوض حق تسبحين البيبي عندج. انواع واشكال بكل مكان ...

    وحقج انتي ﻻتنسين جلابيات. ودلاغات بوقت الولادة بتحسين ببرودة لبسيهن إذا احتجتي
    وطبعا ادوات النظافة الشخصية ... وستيانات رضاعه بتحصلينها بماركس سبنسر او بيبي شوب او مذركير
    امممم هذا اللي يحضرني حاليا اي شيء اتذكره برد اكتب لج ان شاء الله





  3. #3
    نجمة


    رقم العضوية: 180253

    تاريخ التسجيل
    20 - 10 - 2010
    مشاركات
    103

    افتراضي

    الله يقومك بالسلامة يارب
    شوفي حسب نصائح كل اللي اعرفهم لا تكثري بتسيري تشتريله وبيجيكي هدايا


    عمر نيوبورن
    هذا تقريبا لوزن ال 4 ونصف واكثر شوي
    جيبي تبانات داخلي 5
    واوفرهولات 5 كأكثر حد لانه ممكن ما تحتاجينهم ويكبر البيبي بسرعة خلال اسبوع

    عمر 0_3
    جيبي 8 تبانات داخلي
    و 6 اوفرهول عادي للبيت
    وكم اوفرهول طقم مع الحرام والطاقية يعني شي للطلعات والتشخيص

    عمر 3_6
    ممكن تحتاجيه والبيبي لسا اقل من 3 اشهر لو كان حجمه كبير
    جيبي كمية اكثر من الباقي ولا تنسي تجيبي بجامات قطعتين لهالعمر ولبس عادي شورت وحذاء وبلوزة

    لكل الاعمار
    مرايل او صدريات : كثري منها
    كفوف : جيبي الالوان الرئيسية ابيض ازرق سكري ليموني شي يليق بكل لبسه
    طواقي : برضو جيبي الوان مختلفة
    حرامات: ييجي كثير منها مع الاوفرهول وانتي جيبي واحد تقيل للطلعات وجيبي للبيت بالالوان الرئيسية
    لهايات
    3 زجاجات حليب : للماء والحليب والاعشاب وممكن المستشفى تعطيكي وحدة
    مقسم الحليب وفرشاة تنظيف الزجاجات
    فوط او بشاكير صغيرة : لمسح فمه وصدرك بعد الرضاعة وحاولي تكثري منها لانها تستعمل كم ساعة وتغسل جيدا بعدها
    شنطته مع المدس لحمله


    ادوات الحمام
    ليفة تيجي مع الاسفنجة.. بشكير كبير .. شامبو وبيبي اويل وكالونيا اطفال وكريم مرطب تكون طبية للطفل
    ميزان الحراراة ومشطه ومقص اظافره وباقي هالعدة
    بامبرز

    غرفته
    في سلة موسى سلة صغيرة ولها قاعدة ممكن تغيري مكانها وين متجلسي تنفع لاربع شهور وفي منها ل 6 شهور

    وفي السرير الكبير مع لحافه ومخدته وفرشته
    العرباية وكرسي السيارة
    وبس يكبر شوي بتسيري تجيبي كرسي الطعام والمرجوحة وغيره

    لكي
    قميصين نوم للمستشفى وجلابية للاستقبال
    غيارات داخلي خاصة
    ستيانة الرضاعة
    قطن الصدر وشفاط الحليب
    فوط للنفاس
    واغراضك الشخصية اللي ما تستغني عنها للمشفى مثل الديودرانت وفرشاة اسنانك والبشكير والفرشاة والشامبو الخاص فيكي وشاحن موبايلك ... الخ

    البيبي شوب سنتر بوينت بمردف عامل خصومات روحي خذي فكرة
    اذا تذكرت شي برجعلك
    وان شاءالله الاخوات ما يقصرو
    التمام على خير
    التعديل الأخير تم بواسطة رنا الورد ; 2011-12-21 الساعة 18:44

  4. #4
    تاجرة برونزية


    رقم العضوية: 46748

    تاريخ التسجيل
    01 - 08 - 2007
    الدولة
    أبوظبي
    مشاركات
    2,894

    افتراضي

    الله ايقومج بالسلامة








  5. #5
    تاجرة برونزية


    رقم العضوية: 6750

    تاريخ التسجيل
    24 - 07 - 2006
    الدولة
    اشتقتـ لك يافنر هالبيت !! :(
    مشاركات
    3,565

    افتراضي

    ؛



    بالسلامه حبوبة وربي يسهل وييسر لج




    **






  6. #6
    نجمة برونزية


    رقم العضوية: 26818

    تاريخ التسجيل
    10 - 04 - 2007
    الدولة
    بوظبي داري ودار اجدادي
    مشاركات
    1,762

    افتراضي

    وعليكم السلام اختي
    الله يقومج بالسلامة
    لا تحوطين ولا تدورين
    سيييييدة مذركير قياساتهم حلوة (بيبي شوب قياساتهم صغيرة) وبعدين بيبي شوب للاغراض

    من مذركير:-
    خذي الفانيلات اللي يسكرن من تحت وكمه قصير عملي ويسوي حماية لباط البيبي
    واوفر اول للبيت طقم مع الفنايل:
    نيوبورن ( 3 حبات من الفنايل و3 من الاوفر اول)
    عمر 0-3 (6حبات فنايل و6 اوفر اول)
    *ماتحتاجين قفازات لان اغلب الاوفراولات لهم ثنية عند الكم تلفينه على كف البيبي فهو بديل عن القفازات قبعات القطن يكفي 2 وقت النوم بس عشان التدفئة والا في النهار خليه يتهوى

    2 طقم خروج عمر 0-3 مع جوارب مناسبة وقبعة ( عند التاجرة little steps جوارب كأنها احذية واااايد حلوات خذت علبتين كل علبة فيها 6 ازواج جوارب)

    6 قماطات قطن

    2 قماط كبير مخرم للخروج

    سلة موسى ( تناسب الطفل اول ثلاث شهور بس) او ( اشتري منز يناسب الطفل من الولادة لعمر سنة ونص تقريباً بس خذي اللي ينزل من جهة وحدة اسهل وقت تشلين البيبي من المنز)

    فوط استحمام للبيبي ( cuddledry) ممتاز تلفينه على رقبتج وبعد ماتسبحين البيبي تحطينه على صدرج وتلفين الفودة عليه وهو في حضنج عشان ماتتخرسين ماي

    من بيبي شوب:-
    *صابون بودرة لغسل ملابس الاطفال وملطف ( احسن شي اللي لونه وردي)

    شنطة مع مدس طقم ( سليبنج باج) للبيبي

    حوض استحمام للبيبي

    baby wash من سيباميد طبي

    shampoo من بيجون احسن ( مش كل مرة تسبحين البيبي تحطين له شامبو بس وقت تحسين ريحت راسه مب زينة)

    مناديل التنظيف من سيباميد طبي ( تحتاجين المناديل وقت تكونين برع البيت او بالليل اذا تعايزتي تغسلينه في الحمام)

    قطن طبي ( بتحتاجينه لتنظيف ويه البيبي بعد ماتبللين القطن ماي دافي)

    مرهم بيبانثين عدد 2او اكثر ( بعد كل مرة تنظفين منطقة الحفاظة تكفي كمية صغيييرة وبعد مناسب للحلمات المتشققة ومايحتاج تغسلينه للرضاعة) تجنبي سودو كريم يسود

    حفاظات الثدي من بيجون ( احسن شركة عن تجارب البنات في المنتدى) بعد كل رضاعة تغسلين الثدي بالماي وتحطين الحفاظة داخل في السنتيان بتحتاجين كمية كبيرة خاصة اول شهرين عشان ماتتوسخ ملابسج من الحليب اللي يسرب

    فوط صغيرة قد الكف في مجموعة خمس او ست او عشر حبات مع بعض ( تحتاجينهن وقت الرضاعة تحطينه تحت ذقن البيبي وتحطينه على صدرج ومرات ممكن تنظفين البيبي بالفوطة المبللة بالماي الدافي اذا ماقدرتي او تعايزتي تسبحينه في الحوض وبعد تسونهن كمادات ماي معتدل للبيبي اذا عنده حرارة

    مقص اظافر للاطفال ( عندنا مانقص الاظافر في الاربعين عشان مايطلع حرامي خخخخ)

    شفاط للانف ( عشان تنظفين خشمه اذا مزجم )

    ميزان الحرارة عن طريق الاذن من براون ( الكل يمدحه وقراءته دقيقة)

    يلاسة كرسي هزاز ( نابض) يصلح من عمر شهر ونص لين 8 شهور تقريباً،، اختاري اللي يتنظف بالمسح احسن

    حفاظات بامبرز الابيض ( الاصفر يقرص بعد كل تبول) ممتاز قياس 1 الكيسة الصغيرة حق الايام الاولى
    حفاظات بامبرز الابيض قياس 2 الكيسة الكبيرة عدد 2
    حفاظات بامبرز الابيض قياس 3 عدد 1

    من الصيدلية:
    infacolعدد 2 او اكثر بتحتاجينه عشان مغص البيبي اذا ابتدى يصيح ومايكون يوعان او بردان او متوسخ
    عطيه في البداية مرتين في اليوم قبل الرضعة واذا ماكفاه عادي تعطينه قبل كل رضعة

    محاليل tonimer انابيب ماي وملح بحري معقم عشان تنظيف عيون البيبي وخشمه اذا احتاج وعشان بعد وقت ختانته ( ختنيه في الاربعين اريح لح وله بالحلقة بس اليوم اللي بتختنينه سبحيه ولا تحطين له لا زيوت ولا كريمات ولا حتى مرهم الحفاظات لين تطيح الحلقة بعد الختانة بحوالي خمسة ايام،، ومن يتختن وعليه الحلقة كل مايتبول صبي عليه من هذا المحلول الملحي واذا تبرز عادي غسليه في المغسلة بالماي ونقطة من بيبي ووش مال سيبايد للمؤخرة بس لاتين صوب جدام بالصابون وقبل ماتلبسينه الحفاظة صبي علي مكان الختانة من المحلول)

    مانصحج ابد تحطين كريمات للبيبي في شهوره الاولى ( المستشفى نبهونا وقالوا الزيوت الطبيعية تقوي مناعة البيبي) ادهنيه بشوية من زيت الزيتون كامل جسمه وراسه وتجنبي ويهه كل مغرب واليوم الثاني الضحى سبحيه

    (( هذي من تجربتي مع عيالي،، بجري اشتريت له اشياء كثيييرة وماستخدمته،، اللي ذكرته لج يكفي اول 3 شهور وهذي الاشياء اساسية لكل طفل))

    بالنسبة لج خذي سنتيانات الرضاعة ( ماركس اند سبنسر قياساتهم مريحة ماذر كير وااايد يمسك) وملابس لهم فتحة من جدام او لاستيك ممكن ترضعين وانتي لابستهم وقطن للنفاس ومشد خاص لبعد الولادة ويفضل لو خذتي الاندر وير من ماذر كير اللي ينلبس مرة وحدة وينرمي بتحتاجينه اول اسبوع بس خذي قياس اكبر من قياسج لانه صغير اذا على القياس اللي متعودة عليه وفي مريلة كبيرة نلبس على الصدر تسترج وقت ترضعين البيبي في مكان عام اختاري لون اسود اذا تلبسين عباه عشان مايلفت الانتباه
    التعديل الأخير تم بواسطة الوردة الجورية ; 2011-12-22 الساعة 12:00





  7. #7
    نجمة برونزية


    رقم العضوية: 26818

    تاريخ التسجيل
    10 - 04 - 2007
    الدولة
    بوظبي داري ودار اجدادي
    مشاركات
    1,762

    افتراضي

    اذا كنتي تسوقين سيارة بروحج وماحد يسوق عنج ضروووووري كرسي اطفال للسيارة يكون مخصص للمواليد الصغار
    في الغالب بتحصلين من عمر 0-9 او 0-12 اختاري اللي له حماية للراس عند الجوانب

    الكرسي اللي ينحط على العربانه فكرته حلوه لكن من تجربتي غير عملي ياخذ وقت ومجهود في الفك والرفع والتركيب وعقب فك ورفع وتثبيت بالحزام يعني شغلة طويلة وممكن البيبي يصيح عليج وانتي تبين تخلصين

    افضل الكرسي يكون على طول مثبت في السيارة بس تحطين البيبي عليه وتحزمينه

    وقت تروحين العيادات والمراجعات او حتى تتسوقين بتتعبين اذا بتشلينه احسن لج تحطينه في العربانة
    اختاري stroller اللي ظهره ينسدح وتكون له مظله وشبك من تحت طبعاً السترولر وزنه خفيف وسهل الفتح والتسكير وقبضات الدفع منفصلين فتقدرين تعلقين الاغراض عليه

    تجنبي bushchair لان وزنه ثقيل وياخذ حيز اكبر في السيارة وماتقدرين تعلقين اكياس التسوق او الشنط عليه

    اذا كنتي تشتغلين فبتحتاجين مراضع وشفاط حليب وباقي الملحقات خبريني بحط لج رابط فيه التفاصيل

    نبا بس دعواتج الحلوة الله ييسر عليج ولادتج ويقومج بالسلامة
    التعديل الأخير تم بواسطة الوردة الجورية ; 2011-12-22 الساعة 12:23





صفحة 1 من 3 123 الأخيرةالأخيرة


المواضيع المتشابهه

  1. سره المولود الجديد
    بواسطة مـيره في قسم : الأمومة و الطفولة
    مشاركات: 8
    : 2011-05-11, 09:40
  2. ممكن مساعدة،،، مستلزمات المولود والام
    بواسطة لمسه في قسم : الحمل والولادة
    مشاركات: 11
    : 2011-03-15, 00:08
  3. المولود الجديد
    بواسطة Bint El.Noor في قسم : التصميم و الجرافيكس
    مشاركات: 19
    : 2010-01-07, 01:35
  4. مشاركات: 30
    : 2009-02-21, 19:20
  5. المولود الجديد و امه ..
    بواسطة العين الكح في قسم : سـاعــدونـي
    مشاركات: 1
    : 2008-03-04, 15:43

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  



Loading