سويت عملية السمنة: قص المعدة (Sleeve) بفتحة وحدة فالصرة

**شمه حمد** · 2010-03-09, 13:40

المشاركة الأصلية كتبت بواسطة ظبيووه

طمنينا عليج حبوبه

هلا ظبيووه

أنا الحمد لله بخير وسهاله ولا كأني مسويه عملية ولله الحمد

الكل لاحظ أن وزني نازل وجسمي جيه صار فيه خصر وتضاريس حلوة بدل ما كان كتلة وحدة متجمعة
والكل يسألني عن الحمية ألي أتبعها...

رجعت أطلع للزيارات العائلية والعزايم وكل ما يعزمون علي ردي جاهز:

" أنا مسويه رجييم وأن خذت لو شوي برد أكل من أول ويديد" << ترى الكل يعرف عن محاولاتي البائسة لإنقاص وزني أسوي رجييم بالشهور أنزل 3 أو 4 كيلو فالشهر وبعدها أردهن الضعف.

فالحمد لله تقدرين تقولين أني وايد مرتاحة ومستانسة ووزني ينزل بمعدل حلو

**شمه حمد** · 2010-03-09, 13:43

المشاركة الأصلية كتبت بواسطة سكون الروح

اجر وعافية ان شاء الله والله يتمملج ع خير ...... فديتج اي ماي نبع الي نفعج

تسلمين الغلا

ماي الغدير << الغرش الكبار ماليل الثلاجات

**حورية خليفة** · 2010-03-09, 13:52

وعليكم السلام

حبيبتي الحمدلله عالسلامه واهم شي انج حاسه برضا عن نفسج ,,خبرينا وزنج الحين كم؟

وانتي طولج تقريبا كم؟يعني كم كيلو لازم تنزلين؟

وتقدرين تاكلين مثلنا عادي الحين ولا تمشين على رجيم؟

**شمه حمد** · 2010-03-09, 15:32

المشاركة الأصلية كتبت بواسطة حورية خليفة

وعليكم السلام

حبيبتي الحمدلله عالسلامه واهم شي انج حاسه برضا عن نفسج ,,خبرينا وزنج الحين كم؟

وانتي طولج تقريبا كم؟يعني كم كيلو لازم تنزلين؟

وتقدرين تاكلين مثلنا عادي الحين ولا تمشين على رجيم؟

الله يسلمج الغلا

آخر مرة وزنت كان قريب 88 << أحاول أوزن كل أسبوعين مرة بس

وبعد الشهر الأول يبدأ معدل النزول ينقص يعني تقريباً أنقص كيلو ف الأسبوع ويمكن أقل بس ع الأقل
ينزل حتى لو أكل

طولي 161 ولازم أنزل ما يقارب 45 أو 50 كيلو

بعدني أمشي على الرجيم أنا الحين فـ المرحلة الثالثة من الرجيم خلال كمن يوم بدخل المرحلة الرابعة
من الرجيم وهالمرحلة فيها الأكل العادي من ضمن الأكل العيش وغيره...

**ظبيووه** · 2010-03-09, 17:10

مبرووووووووووووووووووووووووك النزول حبوبه والله انج حمستينااااا نفتك من الشحوم واللحوم والله يتمملج على خيرررررررررررررررررررررررررررر بس سؤال صغيرونى ليش ما سويتى تحويررررر وعمليتج مثل عملية الجسمى ولا غيررررررر ......................تقبلى ودى

**شمه حمد** · 2010-03-09, 18:22

المشاركة الأصلية كتبت بواسطة ظبيووه

مبرووووووووووووووووووووووووك النزول حبوبه والله انج حمستينااااا نفتك من الشحوم واللحوم والله يتمملج على خيرررررررررررررررررررررررررررر بس سؤال صغيرونى ليش ما سويتى تحويررررر وعمليتج مثل عملية الجسمى ولا غيررررررر ......................تقبلى ودى

الله يبارك فيج غناتي

ههههههه يالله عيل شدي حيلج اشجعي وقولي وداعاً للحوم والشحوم

تصدقين عاد أنا التحوير أبد ما خطر عبالي ولا فكرة فيه أبداً يعني أول ما خطر فبالي كان الربط
وشجعتني عليها الأخت سارا الحلوة الله يذكرها بالخير بس لما نصحني الدكتور بالقص سويتها
وبدون تفكير ليش؟؟ لأن صدق كلامه مقنع يعني بالله أسوي تحوير وأتم طول عمري عايشه ع
الفيتامينات ولا قص وأخذ فيتامينات بس أول 3 شهور وارتاح

هو صح فالتحوير بنزل أسرع بس ما أضمن صحتي عكس القص ألي ما يأثر ع الأنسان وصحته

لا فديتج الجسمي عمليته تحوير << من فترة أقرأ فزهرة الخليج أنه تعبان يعني صح نشوفه يطلع
ويغني بس لاحظوا عليه أنه وايد ييلس فالاستيج يوم يغني...

**تاجره كويتيه** · 2010-03-09, 19:00

الله يتمم شفاج و يعطيج الصحة والعافية ،

أنا قاعدة افكر بالتحوير .. شنو تنصحيني ؟

وعندج فكرة منو افضل دكتور يسويها بالامارت ؟ خاص طبعا مو حكومة

**غايونه** · 2010-03-09, 19:01

الحمدلله على سلامتك واللحين طمنينا عليج شو اخبارج واخبار وزنج كم نزلتي للحين

**ظبيووه** · 2010-03-09, 20:50

والله موضوع مفيد وياليت لو يثبت عشان يكون مرجع حق اى وحده فى خاطرها تعرف عن العمليه

**شمه حمد** · 2010-03-09, 21:01

المشاركة الأصلية كتبت بواسطة تاجره كويتيه

الله يتمم شفاج و يعطيج الصحة والعافية ،

أنا قاعدة افكر بالتحوير .. شنو تنصحيني ؟

وعندج فكرة منو افضل دكتور يسويها بالامارت ؟ خاص طبعا مو حكومة

تسلمين غناتي

والله فديتج مثل ما قلت سابقاً التحوير نزوله سريع وثابت بس مشكلته فالفيتامينات
إذا أنتي مستعدة تظلين طول عمرج على الفيتامينات سوي تحوير لأنج مهما كلتي ما بتستفيدين
من الأكل. عكس القص نزول حلو ومتدرج وتستفيدين من الأكل ألي تاكلينه وتاخذين حبوب بس
أول 3 أشهر.

ولا تنسين أن القص أو التحوير يختلف من شخص لآخر يعني يمكن القص يكون هب مناسب
لجسمج أو العكس وهالشي تقررينه أنتي مع الدكتور.

والله ما عندي فكرة عن المستشفيات الخاصة ما عدا مستشفى النور بالعين والدكتور فواز
يسوي فيه عمليات بالإضافة إلى شغله في مستفى توام.

**شمه حمد** · 2010-03-09, 21:12

المشاركة الأصلية كتبت بواسطة غايونه

الحمدلله على سلامتك واللحين طمنينا عليج شو اخبارج واخبار وزنج كم نزلتي للحين

الله يسلمج

انا الحمد لله بخير وسهاله

والحمد نزلت تقريباً 16 كيلو أعتقد

**شمه حمد** · 2010-03-09, 21:13

المشاركة الأصلية كتبت بواسطة ظبيووه

والله موضوع مفيد وياليت لو يثبت عشان يكون مرجع حق اى وحده فى خاطرها تعرف عن العمليه

تسلمين ظبيووه

**ظبيووه** · 2010-03-10, 01:01

هلا شمه ,,,,,قلتى الدكتور يسوى فى مستشفى النور اللى فى العين يعنى اروح مستشفى النور ولا توام ,,,,,,يعنى الاسرع والافضل ,,,,,,تقبلى ودى

**مـيرا** · 2010-03-10, 03:08

حرام خربتي معدتج ليش تسوين جيه
ياختي حرام عليج
كيف بترجعينها مثل ماكانت

**شمه حمد** · 2010-03-10, 13:46

المشاركة الأصلية كتبت بواسطة ظبيووه

هلا شمه ,,,,,قلتى الدكتور يسوى فى مستشفى النور اللى فى العين يعنى اروح مستشفى النور ولا توام ,,,,,,يعنى الاسرع والافضل ,,,,,,تقبلى ودى

هلا ظبيووه

الأسرع النور بس المشكلة فالنور أنهم حاطين شرط أن الشخص يكون مريض بسبب السمنة

يعني إلي يكون فيها السكري أو الضغط أو أي مرض بسبب السمنة الأفضل تروح النور أما إذا أنتي
الحمد لله ما فيج أي مرض بسبب السمنة روحي توام لأن النور ما بيسونها لج.

الموضوع: سويت عملية السمنة: قص المعدة (Sleeve) بفتحة وحدة فالصرة

أدوات الموضوع

عرض

المواضيع المتشابهه

عملية تحوير المعدة او تكميم المعدة منو سواها ووين؟؟

عملية ربط المعدة ؟؟

ملية Sleeve Gastrectomy ((مستقبل عمليات السمنة

خواتي بغيت شوركم و مساعدتكم..قص المعدة أو تدبييس المعدة أو تسمى تكميم المعدة SLEEVE

اخيرا حجزت لعملية ربط المعدة بعد معاناة 10 سنوااات من السمنة