هــــام لأبـــــنــــاء الــــمـــواطـــنــــات

**وديمـه** · 2012-01-05, 15:51

السلام عليكم
ضفت هالمشاركه قبل في موضوع الاخت ام بدر.. بس انزلت تحت من كثرة المشاركات والاسئله ..
فنزلتها فموضوع لأهميتها .. لان الكلام اكيد ومتأكده منه وابي خواتي يستفيدون من هالكلام ..
........................

انا متابعه الموضوع وياكم فالمنتدى
عندي عيال اختي في نفس الوضع
ابشركم حبيباتي تراهم بدو يتصلون ويطرشون مسجات للي مقدمين
وملاحظه .. الي مقدمين من زمان .. ما يقولون ما بنروح نقدم خلاص ملفاتنا موجوده .. لازم يودون جنسية الام وجوازها وجوازات الابناء سارية المفعول .. لادارة الجوازت فالمنطقه الي تابعين لها... لان الوزاره تبغي تفرز الفئه الي وضعم سليم من كل النواحي لانه في وايدين عندهم جوازات منتهيه او ما عندهم جوازات مول

وبعد ما يودون صور جوازات الابناء والام وجنسيتها .. الوزاره تجيك على ملف الطلب القديم "اذا كانو مقدمين من قبل".. ويشوفون الطلب والجوازات سليمه وسارية المفعول وضعهم كل شي تمام ..
والي ما مقدمين مول يسون نفس الشي.."يعني يودون صور جوازات الابناء وجنسية الام وجوازها "

وبعدها يتصلون ويطرشون مسجات من الوزاره ع الارقام الي سجلوها يوم ودو صور الجوازات ..خلال اسبوع لأسبوعين تقريبا
وهذا الطلبات المذكوره فالمسج الي طرشوه لعيال اختي من ادارة الجنسيه ..
1- صورة عن خلاصه قيد الأم.2- صورة عن جواز سفر الأم.3- صورة عن عقد الزواج.4- صورة عن جواز سفر الأب.5- صورة عن ملكيه البيت أو عقد الإيجار.6- صور عن شهادات ميلاد الأبناء.7- صورعن جوازات سفر الابناء مع الاقامه.8- شهادة عمل للأبناء ان كانوا من الموظفين مع ذكر تاريخ التعين والتسلسل الدراسي لهم .9- عدد 3 صور ملونه لكل ابن.10- حضور الأم مع الأبناء أثناء التسجيل .11- تصوير الاوراق على A4.12- احضار الاوراق للتدقيق و أخذ موعد.ادارة الجنسيه ..

....

وبعد ما يودون الطلبات المذكوره فالمسج ^^ يعطونهم موعد مقابله .. وما اعرف شو بيصير بعدها بالضبط .. انشاءالله ينزلون المراسيم بعدها ع طول
والي اعرفه انه الاسامي بتنرفع بعد المقابله لوزارة شؤون الرئاسه وراح يصدر لها المرسوم بعد مده بسيطه

يعني الي عنده جوازات سابقه يروح يجددهن لانهم ما بياخذون الطلب بجوازات منتهيه او بدون جوازات
وفئة ابناء المواطنات البدون لازم يعدلون وضعهم .. يعني يطلعون جوازات جزر القمر او غيره من الجوازات الي يقدرون ياخذوهن وبعدها يروحون يقدمون

وبعد لا انسى شي .. الي بداين فيهم اول شي هم الي وضعهم سليم وعندهم جوازات سارية المفعول وامهم تكون مواطنه عندها الجنسيه قبل لا تيب العيال وما تكون محصله الجنسيه عن طريق التبعيه يعني مثلا " سوريه خذت سوري ويابت منه عيال وبعدها تطلقت وتزوجت مواطن وحصلت الجنسيه بالتبعيه تبغي تروح تقدم لعيالها الاوليين ...ما يصير
.........

هذي المعلومات الي اتضحت وحبيت اخبركم عنها .. لاتنسوني من دعواتكم
واشكر ام بدر على مجهودها .. وسعة بالها .. والله يوفجها وين ما كانت يا رب
والله يجعلها سنة خير وبركه عالجميع قوولو آمييين

..............

المزيد من آخر المواضيع من نفس القسم:

**اكوني** · 2012-01-05, 15:56

واللي عندهم جوزات جزر القمر

**وديمـه** · 2012-01-05, 16:11

المشاركة الأصلية كتبت بواسطة اكوني

واللي عندهم جوزات جزر القمر

ابناء المواطنات الي ما عندهم جوازات يقولون لهم طلعو جوازات جزر القمر او باكستان أو الخيارت الي محطتنها الدوله لهم عشان يعدلون وضعهم ويقدمون
يعني الي عنده جواز جزر القمر ومن ابناء المواطنات يقدر يقدم.. لانه معدل وضعه
وفي شرط مؤقت محطينه للدفعات الاولى الي هو " ان الام لازم تكون مواطنه عندها الجنسيه قبل لا تيب العيال.. وما تكون محصله الجنسيه بالتبيعيه "

**عالية الغالية** · 2012-01-05, 16:50

اذا الام يابت العيال وعقب حصلت الجنسية عن طريج ابوها -يعني مب تبعية -

شو مصيرهم ؟؟؟؟؟؟؟؟؟؟؟ظ

عدلوا وضعهم وعندهم جوازات سارية المفعول واقامات وكل شي سليم 100%

ان شاء الله ينظرون في أمرهم

ويصدرون قرار يشملهم

وينزاح هم كبير عن عاتق الامهااااااااااااااااااااااااااااااااات

كان الله في العون

**أم امون** · 2012-01-05, 17:14

الله يعطيج العافيه ويوفقج ان شاء الله

**استغفر ربك** · 2012-01-05, 18:32

يزاج الله خير ما قصرتي

**ليندااااا** · 2012-01-05, 18:48

الله يقدم الي فيه الخير

**سوارة** · 2012-01-05, 18:55

**ردييينا** · 2012-01-05, 19:41

يزاج الله خير ما قصرتي

**أمـ خـالـد** · 2012-01-05, 19:46

و اللي عمارهم تحت 18 شو مصيرهم ؟

**أم عبـد الرحمن** · 2012-01-05, 20:28

يزاج الله خير ما قصرتي

**حلى القلوب** · 2012-01-05, 22:13

أشكرج على هذا الموضوع

أختي طيب اذا الأبناء اقل من 18 نقدم لهم ولا لا ؟؟

**المتفائلة** · 2012-01-05, 23:26

جزاج الله خير أختي كفيتي و وفيتي

الله يوفق الجميع

**منال سالم** · 2012-01-06, 12:22

وايد ما ينطبق عليها القرار ولهم الله

**rozee** · 2012-01-06, 22:38

الموضوع: هــــام لأبـــــنــــاء الــــمـــواطـــنــــات

أدوات الموضوع

عرض

هــــام لأبـــــنــــاء الــــمـــواطـــنــــات

المزيد من آخر المواضيع من نفس القسم:

المواضيع المتشابهه

هــــام جدا ساعدوني الله يخليكم

هــــام لأهل راس الخيمه

هــــام ... عيادة الدكتورة رخاء الكيلاني