}{الجزء الأول : رحلتــي الى تركيا "إسطنبول"

**دلـوعة دبي** · 2012-08-30, 03:42

الســلام عليكم و رحمة الله و بركاته
" لا اله الا الله محمد رسول الله "
من زمان ودي إنزل هذا الموضوع لكن ما قدرت لضيق الوقت
و بما إني أحين مأجزة فقلت بإذن الله بنزله على شكل أجزاء
لأن رحلتي لـ تركيا كانت في 4 مناطق
" أسطنبول , بورصة , يلوا , بولو "
و مااا شاااء الله الصور كثيــــــــــــــــررررة كثيييرة .. قلت بنزل لكل منطقة بحدود ال50 صورة تقريباا
تدروون الصور يبالهم تصغير تعديل و ياخذوون مني وقت .. فأباا منكم تشجييع و ردووود حلوه عسب أستمر

" راح انزل صور يديده بعد كل 10 ردود و اتمنى التفاعل ، لان للأسف على كثر عدد المشااااهدين بس 4 بنات ردو

"
" اللهم صل و سلم على سيدنا محمد "

و قبل ما نبدا بالتقرير

------------------

تاريخ الرحلة : 25-3-2012 حتى 3-4-2012
- كانت الرحلة على طيران الخليج "دبي - ترانزيت البحرين - تركيا " و نفس الشي فالرده
- كنا 4 أشخاص بالغين
- مدة الرحله 8 ليال "9 أياام " مقسمة كالتالي :-
" 3 أيام إسطنبول - 2 يومين بورصة - 2 يومين بولو - 1 يوم واحد إسطنبول "

و هذا الجزء راح يكون لـ صور إسطنبول فقط و راح أحطهم على دفعات لكني أباا تشجيع

أول 3 ليال حجزنا في فندق كرستال 4 نجوم , قررريب من شارع تقسيم
رأيي فيه : جيد .. كنا حاجزين غرفة عائلية ل 4 أشخاص و توقعناها كبيره لكن طلعت صغييره
و فيهم شبريتين مب واايد كبار و إظطرينا إن كل 2 ع شبرية وحده < و ما أرتحنا وايد + إن ما عندهم تكييف بارد ..

أول يووم كناا وايد تعباانين و رحنا مطعم جريب من الفندق و كلنا فيه " ما عجبنا الطعم < أساااسا ما كان فيه طعم "

و أحين بحطلكم الأماكن الي زرناها و نبذة عنها

رحناا Mini Turk يعني تركيا الصغيرة
تضم هاذي الحديقة أغلللب الأماكن السياحة و الأسااسية في تركيا , الي لضيق الوقت ما تقدرون تسيرونها < طبعا لأن تركيا فيها الكثيييير من الأماكن السياحه ..

الحلو فيها أن يوم تدخلون يعطونهم بطاقة < شو هالبطاقة ؟ .. يوم تشوفون أي مبنى من المباني الموجودة في الحديقة و تبون تعرفون شو هي تاخذون هالبطاقة و تشخطون ابها جهاز صغير يكون عند كل مجسم أو كل مبنى , و هالجهاز يشرحلكم قصة هالمبنى بلغتكم ..

و كان الجو باااااااااااااااااااااااااااااارررررد

رحناا عقب جامع سلطان أحمد

و في هالمنطقة فيها الكثير من الأماكن السياحية مثل " آيا صوفيا , و مخزن الماي الي كانو يعتمدون عليه التركيين قديماً "

و هاي صورة للخزان >> الخزان كبير و ظلللمه و فيه ليتات برتقالية خفيفه .. هههه و كانو حاطين مسيقى فلم رعب

و عقب رحنا قصر السلاطين " الي سوو فيه مسلسل حريم السلطان "

و داخله مثل أقسام مثل "قسم ملابس السلاطين و قسم أغراض الرسول عليه الصلاة و السلام و شفنا عصاة سيدنا موسى عليه السلام , و كذا قسم لكن ممنوووووع التصوير .. و هني صورتلكم الناس الي يبون يدخلون قسم مجوهرات السلاطين

يتـــــــــــــــــــــــــــــبع ^^

المزيد من آخر المواضيع من نفس القسم:

**دلـوعة دبي** · 2012-08-30, 04:00

هذا سور قديم في إسطنبول

و رحنا غابة البلغراد و كان الجو حلووووووو و بااااارد

و هاي الغابة فيها غزلان لكن صعب تشوفونها لان حاطين شبك

عقب رحنا مطعم و كلنا هاي الأكلة العجيبة الغريبة " و هي عباره عن دجاج لكن مغطاااه بحجز الملح " حطيتلكم الصورة و هي تنطبخ و بعد ما راعي المطعم كسر الحجر

و هاي صورة للسوق المصري و هو سوق شعبي في تركيا

و هذا سوق " قراند بازار "

و عدال المدخل شفنا هالمحاار المحشي

شي غريب الصراحه

و كاااان الجو رووووووووووووووووووعة ما شاء الله

و رحنا كافيه يطل على بحر مرمرة و هو قريب من قصر دولمه بهجه

و كان الجو باااااااااااااااااااااااارد باااارد فطلبتلي كاباجينوو ^^

بآآآآآآقي 30 صورة إن شاء الله بنزلهم بعد ما تشجعووووني بردوودكم الحلوة

و لا ما بكمل

**رومنسية 84** · 2012-08-30, 04:06

الصراحة روعه ان شاء الله بسير ويا ريلي اول ما بنحصل فرصة يا رب
الجو خبال والصور نايس تسلم ايدج

**دلـوعة دبي** · 2012-08-30, 04:11

المشاركة الأصلية كتبت بواسطة رومنسية 84

الصراحة روعه ان شاء الله بسير ويا ريلي اول ما بنحصل فرصة يا رب
الجو خبال والصور نايس تسلم ايدج

إن شاااء الله , بس تاابعي كل الإجزاااء و إن شاء الله بتستفيدين ^^
و الله يسلللمج

------------

بنااات سامحوني الصور طلعت كبييره معني صغررررتهم ><!

**رومنسية 84** · 2012-08-30, 04:15

ان شاء الله احب ريلي يوم نسير يتفاجىء ويقول شو شكلج صايره من ورانا ما شاء الله ههههه

**دلـوعة دبي** · 2012-08-30, 04:22

ههههههههه إن شاااء الله ^.*

**دلـوعة دبي** · 2012-08-30, 04:24

أترياااا الردوووود

**رومنسية 84** · 2012-08-30, 04:25

بس هو ساير لتركيا ولندن وجم من دولة بس كله ويا ربعه بس عقب زواجنا لاصق فيني لا سافر ولا سفرنا وياه

**دلـوعة دبي** · 2012-08-30, 05:24

المشاركة الأصلية كتبت بواسطة رومنسية 84

بس هو ساير لتركيا ولندن وجم من دولة بس كله ويا ربعه بس عقب زواجنا لاصق فيني لا سافر ولا سفرنا وياه

و لا يهمج أنا مجهزتلكم صور تجججنننن بس مب فاسطنبول عقب راويها لريلج و ان شاء الله
بيتححححمس انه يسفرج لوووول ^.*

رومنسيه حبيبتي بما انج شفتي الصور قبل التصغير
شو رايج بالسايز احين ؟
هلللللللكككككت و أنا اصغر

**رومنسية 84** · 2012-08-30, 05:29

المشاركة الأصلية كتبت بواسطة دلـوعة دبي

و لا يهمج أنا مجهزتلكم صور تجججنننن بس مب فاسطنبول عقب راويها لريلج و ان شاء الله
بيتححححمس انه يسفرج لوووول ^.*

رومنسيه حبيبتي بما انج شفتي الصور قبل التصغير
شو رايج بالسايز احين ؟
هلللللللكككككت و أنا اصغر

احينه وايد اوكي وحجمهم طبيعي و واضح

**دلـوعة دبي** · 2012-08-30, 05:34

المشاركة الأصلية كتبت بواسطة رومنسية 84

احينه وايد اوكي وحجمهم طبيعي و واضح

الحمممممدلله ^^

--------

٥١ عدد المشاهدين و بس رومنسيه الي ردت

!!!!!!!!!!!!!!!!! ):

**в6яααŋн** · 2012-08-30, 13:06

يجنن الصووور نترياااا الباااقي

**ياقوتةخضرا** · 2012-08-30, 13:43

كملي الغالية
كلنا متابعينج

تقرير ممتع

لكن البنات فيهم هيازة هاليومين عن الرد

والأفضل تنزلين الأجزاء ورا بعض عشان نرد مرة وحدة

**دلـوعة دبي** · 2012-08-30, 19:12

تسلمووون خواتي ع الردوووود و اترياااا الردود

**دلـوعة دبي** · 2012-08-31, 00:42

فوق ال180 عدد المشاهدين و بس ٣ بنات الي ردو !!!!

أختي ياقوته ان شاء الله بنزل الصور بعد ما يزيد عدد الردود

الموضوع: }{الجزء الأول : رحلتــي الى تركيا "إسطنبول"

أدوات الموضوع

عرض

}{الجزء الأول : رحلتــي الى تركيا "إسطنبول"

المزيد من آخر المواضيع من نفس القسم:

رد: }{الجزء الأول : رحلتــي الى تركيا "إسطنبول"

رد: }{الجزء الأول : رحلتــي الى تركيا "إسطنبول"

رد: }{الجزء الأول : رحلتــي الى تركيا "إسطنبول"

رد: }{الجزء الأول : رحلتــي الى تركيا "إسطنبول"

رد: }{الجزء الأول : رحلتــي الى تركيا "إسطنبول"

رد: }{الجزء الأول : رحلتــي الى تركيا "إسطنبول"

رد: }{الجزء الأول : رحلتــي الى تركيا "إسطنبول"

رد: }{الجزء الأول : رحلتــي الى تركيا "إسطنبول"

رد: }{الجزء الأول : رحلتــي الى تركيا "إسطنبول"

رد: }{الجزء الأول : رحلتــي الى تركيا "إسطنبول"

رد: }{الجزء الأول : رحلتــي الى تركيا "إسطنبول"

رد: }{الجزء الأول : رحلتــي الى تركيا "إسطنبول"

رد: }{الجزء الأول : رحلتــي الى تركيا "إسطنبول"

رد: }{الجزء الأول : رحلتــي الى تركيا "إسطنبول"

المواضيع المتشابهه

طلبية العضوه خفوق الشوق """""""""هديه رجاليه"""""""""

:"الجزء الثاني من نقوش الحنا بعد تميز الجزء الأول":