محناية للعيـــــــــد (( حناء سبشل للناس الاسبشل ))

**أم شهد2010** · 2010-10-29, 00:22

بسم الله الرحمن الرحيم ..

السلام عليكم ورحمة الله وبركاته

وصبحكم الله بالورد خواتي الكريمات

لكثرت ما رأيت من أمور ازعجتني في صندوق الرسائل الواردة... قررت ان اضع بين ايديكم هذا الموضوووع

وارجو من كل اخت ان تتفهم القصد والمضمون ...

خواتي انا حناية واماراتيه ... واسعاري معروفه ...

يعني حنا الايدين والريوووول ب250 درهم

وكل ما يطول الحناء يزيد السعر ... وهذي طبعا اسعار العيد

واما عن المناطق اللي انا اسيرها بالطبع ابوظبي والعين والرحبة وسويحان والسمحة والشهامة وما حواليها ... واما عن المناطق الغير ابوظبي السمووحه مااقدر لان عندي زحمة....

خواتي عندي عدة ملاحظات ياريت تقرونها قبل ترسلون اي رسالة:

1. أنا محدده السعر فارجو من الاخوات الكريمات عدم السؤال وعدم المحاولة في تنقيص السعر

فالسعر محدد (( لاحظوا اني تاركة بيتي واسرتي )) خواتي احنا مو بسوق سمج ... كم اخر واخر كم؟؟؟

2. لاحظوا خواتي ان الحنا كسرة ظهر عيبج السعر حياج ما عيبج الله معاج بس لا تضيعين وقتي الثمين على اليلسه على الجهاز في انج تراجلين بالسعر نقصي ونقصي ... او تتمين تسالين اسالة مالها داعي

3. انا ما اجربت اي احد يتحنى عندي تبين تتحنين حياج ما تبين على العين والراس .

4.بالنسبه للاخوات اللي يرسلون رسايل غالي غالي انا هذا سعري ... وهذا مجهودي وتعبي .. واذا على المواصلات لاني انا اسير للزبونه بمواصلات خاصة ( عدم توفر سيارة ) فيعني احسبيها قبل ...

اني بسير وبرد ويا تاكسي او سيارة باجره ..

5. في مجموعة من الاخوات يحجزون ويكنسلون ...فعشان جيه انا بتبع سياسة العربون وفي حالة تكنسلين يروح عليج العربووون وهذا اضن المتبع في اكثر الصوالين ....

6. هذا الموضوع شامل الشروط والصور . فارجو ان محد يرسل لي ابا اشي صور ولا كم السعر كل هذا موضح في ها الموضووع...

7. قبل العيد باسبوعين لن استقبل اي حجز مهما كانت الاسباب ...

9. واخيرا العدد المطلوووب 4 حريم ومافوووق واقل عن ها العدد ما اسير والسمووووحه

وامانه لا تحفظينهم عندج اماااانه لانه لبنات والله امنووني

[

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ

..

والصور امااانه ما تتخزن مااحلل لاي وحده تخزن الصور او تسيفها بطريقة او باخرى

طريقة الحجز ..

الاسم والمنطقة ورقم الهاتف ... وبعدين لااازم تدفع عربووون

والمناطق تشمل الشامخه وبني ياس والرحبه والسمحة والشهامه والفلاح ومدينة خليفه ومحمد

والسموحه خواتي ....

المزيد من آخر المواضيع من نفس القسم:

**جرح صامت** · 2010-10-29, 00:24

الله يوفقج يارب

**الـصـمـت** · 2010-10-29, 00:25

**Gift-Guru** · 2010-10-29, 00:25

بالتوفيق ان شاء الله

**ام الوصايف** · 2010-10-29, 00:29

***دهن عود*** · 2010-10-29, 00:35

ما شاء الله عليج روعه

**غـــــيوم** · 2010-10-29, 00:37

أختي أم شهد أنا حبيت ارد على موضوعج بالذات للملاحظات اللي تركتيها

اولا" أحييج على روعة شغلج ما شاء الله عليج و أحييج على كونج إماراتيه و أبدعتي في ها المجال

ثانيا" بالعكس انا اشوف السعر مناسب لأنج بتروحين لين بيت البنت و بتحنينها و هي بمكانها

على الأقل احسن من زحمة الصوالين في العيد و الله مرات اضطر اروح للصالون 3 مرات في اخر يومين

أبارك لج موهبتج و عسى الله يحفظج

**سطوع** · 2010-10-29, 00:37

موفقه

*** ام خماس *** · 2010-10-29, 00:40

ماشاااء الله روووووعه

شيكي ع الخااص حبوبة 0

**أم شهد2010** · 2010-10-29, 01:29

مشكوورااات ع المرووور خواتي

**أم شهد2010** · 2010-10-29, 01:30

المشاركة الأصلية كتبت بواسطة غـــــيوم

أختي أم شهد أنا حبيت ارد على موضوعج بالذات للملاحظات اللي تركتيها

اولا" أحييج على روعة شغلج ما شاء الله عليج و أحييج على كونج إماراتيه و أبدعتي في ها المجال

ثانيا" بالعكس انا اشوف السعر مناسب لأنج بتروحين لين بيت البنت و بتحنينها و هي بمكانها

على الأقل احسن من زحمة الصوالين في العيد و الله مرات اضطر اروح للصالون 3 مرات في اخر يومين

أبارك لج موهبتج و عسى الله يحفظج

الله يحفظج يا اختي وهذي ان كانت فهي شهادة شرف اعتز فيها ووسام على صدري

بوركتي وسدد خطاك

**&هجير&** · 2010-10-29, 01:33

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّم آمين ..

**akka** · 2010-10-29, 01:34

بالتوفيق

**فطومـة** · 2010-10-29, 02:06

موفقة حبيبتي

والله يرزقج من الحلال

**لحظات عابرة** · 2010-10-29, 02:23

بالتوفيق اختي

الموضوع: محناية للعيـــــــــد (( حناء سبشل للناس الاسبشل ))

أدوات الموضوع

عرض