تاجرات بلا ضمير

[نونة الدلوعة]

السلام عليكم ورحمة الله وبركاته
مبارك عليكم الشهر الفضيل

ابا اتناقش وياكم بموضوع مهم وما ينسكت عنه
اللي هم التاجرااات

ما بتكلم عن اسعارهم لان هالشي يخصهم وانا يوم بشتري يعتمد على قبولي انا للسعر

ابا اتكللم عن الغششششش اللي ما يخافون ربببهم

انا بحياتي ما تعاملت ويا تاجرات لان دايما احب اتطالع الشي قبل لا آخذه
بس من فترة عيبني شغل تاجرة ع الانستقراام ، وقبل ما اقرر اتعامل وياها يلست اتطالع العبي عددل ويوم جفت زباينها كلهم من المذيعات والممثلات ويمدحون بشغلها
قلت خلاص بما ان عندي جامعة والعيد ع الابواب بفصل من عندها مب متفيجة ادور
وطلبت من عندها عباتييين كلفتني بحدود 2000
المهم وصلت العبي ، والله يا بنات اخس خياط تعاملت وياه عبيه ارقى من عبيها
الصورورة غير والعبي غييير
لا الموديل نفسه ولا القطعة نفسسه وقطططعة رديييئة وما تسووى 200 درهم
وين يالسين ، حرامية عيني عينك
اقول بخاطري ما تخاف ربها تصرف من بيزات حراام
ويوم كلمت ربيعاتي قالولي صارتلنا السالفة قبلج
والحححل يعععني ليش هالغش وتهازبت وياها جان تقول لي اونه الخياط متصرف ومغير القطعة وانتي يا المصممة وين دورج ول مصممة طللل

البيزات بعتبرها دفعة بلاااا
بس لمتى ننغش بهالاشكال مب عيب مب حرررام ، اكسبوا بس بضمير
وطبعا انا مااعمم ع الكل
كلامي للغشاشات فقط

المزيد من آخر المواضيع من نفس القسم:

• ابا نصيحتكم ..
• سداد القرض ، القرض الشخصي ، تمويل المشروع.
• أطقم مواليد
• وين القى مخاوير جمله
• مشروع مختص بحقوق المراه
• تصميمات ڤلل و بنايات رائعة
• تاجرة جديدة تبغي فزعتكم
• فرصه عمل مميزه
• طلب من بنات العين
• كيف بدات بزنسي من البيت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[اوكسجني]

اللهم اني صايم



الله يهديهنننننن

[munamoor]

في مجال العبي و البس ما أتعامل ويا التاجرات
الا أشوف اللبس ،،، بس انتي من حقج تاخذين الرقم
وتتشكين عليها حقوق المستهلك

[WATMOR]

الله يهديهم

[ورقة ناعمة]

المصممات مايراكضون ورا الاستغرام وابراز نفسهم ويحطون ردود زباينهم المعروف معروف مايحتاي شهرة او ابراز ذات

لاتصدقين اي شي بالصور مثل مافي فيديوهات مكركبه نفس الشي الصور فيها تعديل وفن واخفاء الحقيقة

[Cobon]

تصدقين انا مرة طلبت جلابية و يوم وصلتني القطعة قوم بو وار درهم
مع ان الموديل حلو و مرتب
اللي تطلب لازم تسأل عن التفاصيل و تخزنين الاشياء عندج في الرسايل ما تمسحينهم
يعني تسألين شو نوع القطعة
ع الاقل ما تحط لج قطع رخيصة

[مراسيل الوفاآ]

مثل ما قالوا الخوات وزياده ع كلامهن
انا من بديت اطلب من التاجرات كل تعاملاتي
وياهن سلم واستلم، جي اضمن يوم يوصلني
اللي طلبته اقدر اشوفه قبل لا ادفع هل هو
نفس اللي ف الصوره ولا غير وجي اضمن
انه حقي ما يضيع ك زبونه لانه بعض التاجرات
ما يخافن الله من يستلمن البيزات حتى لو الطلبيه
فيها شي بيقولن مالنا خص وعادي يطنشونج وما
يردون عليج بعد

[شعاع امل]

هذا موضوع ان الصوره غير والمنتج غير دارج

اكبر مثال

يوم تروحين ماكدونالدز ولابيرجر كينج ولا كنتاكي

لاحظي ان الصوره غيره والمنتج غير خخخخخخخخخخخخخخخ

يعني مفروض نشكيهم بسبب استخدامهم للفوتوشوب عشان يصورون لنا الاكل واو بس الواقع غير

فدائما اللبس اختي خذيه من محلات العبي احسن لا طلبيه ولا غيره

على فكره في محلات تيبع عبايه 500 درهم ولا اقل احسن من عبايات 2000 و 3000 صدقاً مرات في نصيب كبير يصير في محلات الكبرى!

[مياسة العود]

حتى انا صار لي نفس الموضوع شريت عباية من عند وحدة من الانستغرام ب 1000 وفي الصورة روووعه ومرتبه ....
وعلى حظي لما وصلها لي المندوب كنت في دبي ولما شفتها انصدمت !!!!
يعني لو شفتها انا في محل مستحيل افصلها وغير هذا قطعتها ابداً مب شي وخفيفه تشف !!!
ومن شكلها ما تستاهل حتى 200 درهم
ومن هذيك المره صرت وااايد احاتي اذا ابا اطلب من التاجرات ...

[ياقوتةخضرا]

نصيحتي لكل تاجرة الابتعاد عن التصوير الفني والفوتوشوب
لازم الصورة تكون من تصويرج وما تسوين لها effects
جذيه تعطين مصداقية أكثر لشغلج .

وبعدين حبيبتي انتي تقولين انها اعترفت انه "الخياط متصرّف من عنده ومغيّر القطعة"
هذا أكبر دليل على انه البضاعة اللي وصلتج غير مطابقة للمواصفات
وفلوسج لازم ترد لج !! انتي مب صارفة شوية !!

ارجعي كلميها ولا تسكتين عن حقج !

[اسيرت شوق]

في مثل يقول المال السائب يعلم السرقة
وانتوا بالسكوت على مثل هالتصرفات تخلونهم يتمادوا اكثر
ورائي من راي الاخت ياقوت خضرا

[نونة الدلوعة]

صح مثل ما قالت مياسة العود
القطعة خفيفة وتشف والقياس غلللط
يعني ماشي مصداقية في التفصيل
العبي اي كلااام
يعني شي يفشل ، اغش خلق الله عشان بيزات
وعلى فكرة مرة بعد طلبنا من تاجرة عبي بس قلنالها اتيي البيت وتراوينا العبي
كتالوج العبي غير عن العبي الموجودة ومحد فصل من عندها

يعني مب وحدة ولا ثنتين وايد على هالشاكلة
الله يهديهم شي يقهر والله

[نونة الدلوعة]

اسيرت الشوق نحن عندنا مقياس للشي
يعني انا مستحيل آخذلي غرض وهو ما يستاهل قيمته
والعبي اللي جفتها قلت تستاهل هالقيمة بس الصراحة طلعت ما تستاهل حتى ربع القيمة
انا انغشيت يعني
وعبيها ما كان فوتوشوب اللي مبين ان العبي اللي تعرضهم تفصلهم بمكان راقي
وطلبات الزباين تقليد من محلات رديئة

[سويتس ترافلز]

هيه صح كلامهم من حقج تشوفين الطلبية يوم توصلج قبل للتدفعين ولا درهم
لان مثل ما التاجره تخاف ع حقها انتي بعد كزبونه من حقج ! والمفروض تشتكين عليها عشان ماتكررها لان انتي بتسكتين وغيرج بيسكت لين متى!!

[مخترعه]

انا بعد اتعرضت لتجربه صدق اتعلمت منها. طلبت من تااجره منتجات اسمها فير اند وايت. ع اساس انه الوكيل الاول ف الامارات ولما وصلتني الطلبيه طلع السيروم طااايح وانا اول ماوصلني الطلب فتحت الكيس اتاااكد عقب قلت للمندوب كيف جي طاايح قال دفعي واتفاهمي معاها. قلت ماعليه التاجره مواطنه واكيد بتعوضني لان طلبي كله ب ٥٠٠ درهم. المهم رمستها قالت لي انا ما يخصني اتفاهمي مع الشركه انا براا البلااد مو ذنبي انزين انا مش ذنبي بعد المفروض هي كتاجره تتفاهم وتييب حقي منهم انا لي حق. للاسف اول قبل استلم الطلب مدح وهاك الاسلوب العسل وعقب السالفه اتسب واتهااااااوش بعد. بس والله طلعت خريط لا وكيل اول ولا شي لقيت تااااجره تبيع المنتجات الفرنسيه بسعر اقل من اللي تبيعه. اونه السيروم اضعاااف حقه تاخذه. الله لا يوفق كل نصاااابه. والتااجره هاي عنا. الحراميه. واللي تبي رقم التأجره اللي تبيع المنتجات تراسلني بطرشلها الرقم