تبين الاندر وير يلق لق من نظافته وريحته؟؟عيل مالج غير طريقتي فالغسيل^______^

**مريم الشحي** · 2011-11-01, 06:53

مررررحبا خوااااتي

اليوم بيكون موضوعي بالصووور عن الطريقة الصحيحة في تنظيف الملااابس الداخلية والي أغلبنا يتهاونون في تنظيفها بطريقة صحية معنها جزء واايد حساس وقسم من اقساام الملااابس الي لااااااازم نوليها عناية خااصة,,عفكرة انا هالطريقة اعتمدها من اسنين فالغسيل,,

طبعاً مثل هاي الامور نحن ما نتركها فإيد البشاااكير ,,اولاً لأنه عيب,,وثانياً لأن البشكارة ما بترااعي انها ملابس خاصه وتحتاااي غسيل معين مب شرااات البااااجي وبتخلطلج فهالملابس المكووده والي فيها من ثيااب الشباب والبنااات ,,والله يستر >_< ...

خلوونا نبتدي بالاشيا الي نحتاايها وعقب بنبدى الشغل مع بعض ^__^

خواتي قبل اي شي ,,لازم نشتري سلة للملاااابس الداخليه ,,انا افصل ملابسي الداخليه عن الملابس الثانية من باب النظاافة

شوفي شرااات هاي اتلااقينها فداايسو وفالسفير وحتى فكارفوور ^^

وممكن تاخذين عودة اشوي شراات هاي اذا بطولين في فترة الغسيل (يعني انا ساعات ايمع مال 3اسابيع عقب اغسل مرة وحدة واحياناً اسبوعين من جذا استخدم العودة احياناً)

عقب اييب الطشت واحطي فيه ماااي دااافي مااايل للحرووره

ما انسى القفازات ^^من باب النظاافة والمحافظة عالاظافر

من عقب ما احطي الاندر وير (( بشكل مجلوووب)) ,,أظيف عليه فانش( بديل للكلوركس) لأني ماحب ريحته +انه صالح للملون والابيض^^ فماله داااعي للخووف من تغيير لوون الملابس ,,واترياا عليه لين تطلع الرغوة البيضة,,احينه افرك بيدي عدل لين احس انه القطعة ردت للونها الاصلي (هذا في حال ما كنتي تلبسين كيرفري او غيره) لأن لو شي افرازات فماراح يتخيس الاندروير دامج تلبسينه

احينه اصب الماي واييب غيره واظيف عليه ديتووول ,,واتريااا عليه ربع سااعه (ها من باب التطهير)

احينه دور الغسالة,,بس قبلها احطيهم فكرة الغسيل,,هاي خاااصة بالاندير ويير وشي منها لاستيك وشي منها لاستيك وامغلف ابشبك وانتي اختاري الي تبينه ,,بعد اتلاااقونهم فداايسو وممكن تتحصل فكارفوور ,,وهاي يستخدمونها عسب ما تتشربك او تتقرفص مع باااجي الملاابس^^ومنه اسهل لج يوم بتفصلينهم عن باجي الثيااب^^

اضيف عليهم الصاابون الي متعوودة عليه,,تايد ايريل بيرسيل الي هووه>_<

من عقب ما اعصرهم بالعصاارة واخلص وارد اغسلهم بالماااي,, احينه اييب الطشت مرة ثانية واظيف عليه المعطر والمنعم الي اباااه مع الماي الدااافي ,,وانواع المعطراات واااايد,, انا استخدم كومفورت و داوني,,عاااد خباالي داوني الاسود والازرق والكومفرت احب فيه الوردي والبنفجسي جد جد خباال^^ وتعلق فالملااابس ريحتهم ,,المهم اخليهم مال10دقايق وارد عقب انشفهم

احينه يااا دووور الكوي ,,بس قبل ما اكوي اييب مرش واحط فيه ماااي عادي

وازيد عليه زيت من زيووت بدي شووب ,,هذا رووووعة ريحته بالياسمين والبرتقااال يخببببببل ^____^ واحب احطيه فلوشناتي بعد^^

احينه اكوي عاادي ,,بس ابتدي من المنطقة الي هيه الحميمية عسب اتموت الجراااثيم والبكتيريا ^___^ هذا جاان تمت أصلاً

ووووووووبس ^_________^اتمنى اكووون افدتكم بشي لو بسيييط

المزيد من آخر المواضيع من نفس القسم:

**يَمّ** · 2011-11-01, 07:07

❀ ❀ ❀

ما شاء الله حبيت طريقتج وايد ، مشكورة ع الإفادة والله يجعله في ميزان حسناتج لأنج بتعلمين وايد بنات ع السنع والنظافة ^^
يزاج الله خير يا مريم الشحي ..

❀ ❀ ❀

**الاميره ميار** · 2011-11-01, 07:08

رووووووووووووووووووووعه الطريقه والله صح اهم شئ الاندر وير

وفي واحد برضوا ريحتوا تجنننننن بس والله ناسيه اسموو واااااو ريحتو تجنننننننننن تحطيه عليها تطلع تجننننننن

والديتول حبيب قلبي ماعنو غنى

يعطيييك العافيه ياقلبو فديتج على الوصفه والطريقه الحلوه ويااااازين النظااافه في كل شئ

**نبض الشارقة** · 2011-11-01, 07:21

لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله

**نوارةUAE** · 2011-11-01, 07:33

ما شاء الله الموضووع واايد حلوو وطريقتج رووعه الله يجعله في ميزان حسنااتج
وصدق نظافة الاندر وير واايد مهمه

**الفدعانية** · 2011-11-01, 08:33

للرفع.........

**thariya** · 2011-11-01, 12:13

مشكووورة

**شيخة العربان** · 2011-11-01, 15:42

يعطيج العافيه عالموضوع ..

**بنت الوصل** · 2011-11-01, 15:52

مشكوره ع الطريقه

**مون لايت** · 2011-11-01, 23:32

رووووووووووووووووووووعه الطريقه والله صح اهم شئ الاندر وير

**نور المعرفة** · 2011-11-02, 07:46

موضوع مفيد جزاك الله خيرا

**حياة القلوب** · 2011-11-02, 09:22

مشكوره الغاليه بالنسبه للاغراض شفتهم بتشيبو موجودين وفي كمان اللي تعلقي فيها الملابس الداخليه عالحبل للتهويه والتعرض للشمس حتى ما تتعرضي للاحراج كتير حلوين

موفقه مريوم

**farfela** · 2011-11-02, 12:33

حلـووة طريقتج ..،
ما شاء الله عليج دوومج مميزهـ في موآضيعج ،

تسلمين و الله يعطيج العافية
.
.
.

**بدر البدو** · 2011-11-02, 18:24

تسلمين ع الطرح
وايد حلوة طريقتج

**أم جاسب** · 2011-11-02, 18:59

مشكوره احتي عالفكره الحلوه ونتريا المزيد منج

الموضوع: تبين الاندر وير يلق لق من نظافته وريحته؟؟عيل مالج غير طريقتي فالغسيل^______^

أدوات الموضوع

عرض

تبين الاندر وير يلق لق من نظافته وريحته؟؟عيل مالج غير طريقتي فالغسيل^______^

المزيد من آخر المواضيع من نفس القسم:

المواضيع المتشابهه

.. اذا تبين توقيع خاص .. مالج غير الرغيد .. --> Free !

تبين عود معطر مغرق بالعطر وريحته خنينه؟؟!!