رحلة للبر <<< أبا نصايحكم

[ظلال88]

السلام عليكم والرحمه ...حبايبي

صار لي فتره طوييييييييييله أفتر فالمنتدى وأخيييييييراً هذا أول موضوع لي

أبشركم

قررت ولأول مره آخذ الأهل البر ؟؟ << ترا عمري ما سرت البر <<< لا تستغربون ههههههههههه

قلت ما بطوّف هالأجواء الحلوه فلازم أجازف وأرووووح

أبا أسألكم كم سؤال وأتمنى كل وحده عندها خبره تجاوبني

1. شو أنسب وقت فالسنه للروحه للبر؟

2. وين تنصحوني أروح...أبا مكان جريب من عجمان وآخذ راحتي فيه هع هع << ترا أهم شي عند الأهل تكرمون"الباث رووووم بالإنجليزي وبالعربي بيت الراحه أو دورات المياه ههههههههه"

3. إذا قررت أطلع للبر....برايكم أي يوم فالأسبوع أطلع؟ وشو التوقيت الحلو من س كم للساعه كم؟

4. شو الاحتياجات اللي لازم تكون وياي؟

5. هل لازم تكون سيارتي فور ويل علشان أقدر أروح؟<<ترا مب متوفر هالشي عندي

6. وإذا نبا نشوي ونسوي جاي كرك وغيره ... كيف نتصرف؟وشو نحتاج؟ <<< وحده ما تدري وين الله حاطها هههههههه

7.هل ضروري يكون ويانا ريّال علشان الأمان؟

8.فالبر فيه حيوانات سائبه و حشرات؟ <<<< ترا أخاف


إنزيييييييين بلييييييييييز أبا ردود تخليني أقرر وين أروح

ويزاكم الله كل خير

أحبكم في الله

المزيد من آخر المواضيع من نفس القسم:

• اهم الفعاليات الترفيهية في دبي لشهر مارس
• افضل برنامج متنوع لزيارة دبي لمدة خمس ايام
• تقرير شامل عن السياحة في منطقة حتا في إمارة...
• تقرير شامل عن متحف اللوفر أبوظبي
• تقرير شامل عن حدائق مدينة محمد بن زايد في...
• تقرير شامل عن ممشى القرم في عجمان
• كل ما تحتاج لمعرفته عن البحيرة الكريستالية...
• تقرير مفصل عن السياحة في منطقة حتا في دبي
• مزرعة واستراحة الغروب للايجار اليومي...
• افضل انشطة صيفية ممتعة للاطفال في ابوظبي

[❀SρяίηĢ✿]

وعليكم السلام ورحمة الله وبركاته

ضحتيني بأستفساراتج هههههههههه

بجاوب على قد مااقدر اللي اعرفه لأني بصراحه مااحب البر بس بسولف عن اللي اعرف

بالنسبه افضل وقت للرروحه في الشتاء الجو يكون فنان وخاصه اذا كان فيه رش مطر خفيف
وهالأيام بعد حلو الطلعه للبر الجو بدا يبرد شوي شوي حلوه الطلعه بعد المغرب اللي يحب يطلع بالليل

بالنسبه للأماكن بصراحه ماعرف شي لأني مو اماراتيه \:

حلوه طلعت البر بنهاية الأسبوع في الويك اند هالوقت اللي دايما اشوف الناس تطلع فيه او الاجازات

الأشياء اللي تكون معج تكونين مسويه مشروباتكم الساخنه اللي تحبونها من البيت و تشيلون معكم مكسرات و خفايف تشوكليت و خرابيط التنزه
بس اذا تحبين تسوين الشاي في البر تشلين وياج دافور بس ماادري شو تسمونه هذي صورته



وتاخذين ابريق مال الشاي وشاي وسكر وجالون ماي عشان تسوينه بالبر

واذا حابين تسوون شوي تاخذون معكم فحم وعدت الشوي شرات ماتسوون وانتم طالعين البحر

يعني كل شي تسوونه وانتم طالعين البحر تسوينه بالبر بس بدون بحر هههههههههه

بالنسبه للسيارة بصراحه ماادري بس اعتقد يفضلون الفور ويل بس الخوف تعلق السياره بالرمل
بس عادي ناس كثير تطلع بصالون مافي مشكله

بالنسبه للريال يكون وياكم بالبر افضل يكون معكم ماتدرون شو يصير والأحتياط واجب

بالنسبه للحيوان السائبه هالفتره تبداء تطلع شوي شوي << ابد ماخوفتج هههههههه
ماعليكم منها قولي الدعاء " أعوذ بكلمات الله التامات من شر ماخلق " وان شاء الله مايصيبكم شي

أتمنى اني افدتج ولو بالقليل

وان شاء الله رحله موفقة

[ظلال88]

حبيييييييييييييييييييييتج سبرنغ

بصراحه ما قصرتي ... >>> صج شوقتيني أروح البر ... وطمنتيني وااااااايد

<<< ترا يوم نروح البحر ما نشوي <<< يعني جيه ولا جيه لا بحر ولا بر هههههههههههههه

تسلمين الغاليه ع التفاعل وربي يعطيج على قد نيتج وأكثر

موفقه

[عليــــــاء]

هههههههههههههههههههههههههههههه اللي هب بدوي لايسير البر احسن له

والبدوي يعرف للبر وحاياته ^_^

[ظلال88]

علايه <<< أتوقع إن أغلبية اللي يسيرون البر هب بدو

وأعرف وايد منهم ..

تسلمين ع المرور

[أجمل اللحظات]

يا حييج والله والبر يرحب بج ^_^



توه طايح المطر ما مداه يطلع العشب ^^

ان شاء الله بجاوب لج ع اللي اعرفه واسمحيلي ع القصور

1. شو أنسب وقت فالسنه للروحه للبر؟

انسب وقت في السنه ايام الشتا وما شاء الله من يطيح المطر كل الناس تطلع للبر وبما انه تعدل الجوو ممكن تروحون خلال هالفتره

2. وين تنصحوني أروح...أبا مكان جريب من عجمان وآخذ راحتي فيه هع هع << ترا أهم شي عند الأهل تكرمون"الباث رووووم بالإنجليزي وبالعربي بيت الراحه أو دورات المياه ههههههههه"

والله ما اعرف شو الاماكن الجريبه من عجمان وبخصوص الباث روووووم في منها تكون على شكل خيمه تحصلونها عند محلات اللي عندهم عدة الرحلات والسفر



عموما هو نفس هذا ولكن بدون ارضية بلاستيكية وهو سهل الفك والتركيب في ثواني


3. إذا قررت أطلع للبر....برايكم أي يوم فالأسبوع أطلع؟ وشو التوقيت الحلو من س كم للساعه كم؟

احلى شي تكون الطلعه في الويك اند.. او في الاجازات

وبخصوص التوقيت حسب ماتحبون

في ناس يطلعون من الصبح واذا يحبون يطبخون في الهواء الطلق لازم يشيلون كل العده معاهم

وفي ناس يحبون الاكل الجاهز يمرون على اي مطعم وياخذون غدا

وفي ناس يفضلون بعد الغدا ينطلقون لحد المغرب


4. شو الاحتياجات اللي لازم تكون وياي؟

لازم تشيلين وياج الماء واغراض الشاي والقهوه وابارييييج

وممكن تسوون اشياء خفيفه مثلا فطاير ومن هالاشياء تتسلون فيها ومكسرات بعد

واذا بتطبخون لازم وجود العده والحطب

واذا شوي بعد تشلين وياج الحطب او الفحم والاسياخ ومثل اللي فالصوره



وممكن تحتاجون لمثل هالشبك



وممكن تحتاجين لمثل هالثلاجه اللي ينحط فيها الثلج وتحطين الماي والعصاير والجوكلت فيها




5. هل لازم تكون سيارتي فور ويل علشان أقدر أروح؟<<ترا مب متوفر هالشي عندي

هو الاحسن فور ويل علشان تقدرون توصلون لاي مكان واذا سياره صغيره ممكن توقفونها وتتمشون مب شرط تروحون اماكن بعيده
وانا دايم الاحظ الناس اللي عندهم سيارات صغيره يوقفونها على طرف الطريج ويشلون كل اغراضهم معاهم بس مايبعدون عن السياره وااايد


6. وإذا نبا نشوي ونسوي جاي كرك وغيره ... كيف نتصرف؟وشو نحتاج؟ <<< وحده ما تدري وين الله حاطها هههههههه

رديت ع هالاستفسارات في السوال رقم 4

7.هل ضروري يكون ويانا ريّال علشان الأمان؟

من الافضل وجود ريال لاني ما احس بامان من دون رياييل حتى الرحله تكون حلوه معاهم


8.فالبر فيه حيوانات سائبه و حشرات؟ <<<< ترا أخاف

حيوانات سائبه مب في كل مكان

والحشرات عاد لا بد منهاااا تسوي اكشن حلووو ^^



ويزاكم الله كل خير

أحبكم في الله

وياااااج اختي ^_^

شوقتينا لطلعات البر

واسمحيلي هاللي قدرت عليه

[أجمل اللحظات]

اب اب اب اب

[- ميمي -]

1. شو أنسب وقت فالسنه للروحه للبر؟

انا افضل بعد المغرب الجو يكون حلو

2. وين تنصحوني أروح...أبا مكان جريب من عجمان ؟

مكان قريب عندج ع شارع الامارات نحن انسير هالاماكن

3. إذا قررت أطلع للبر....برايكم أي يوم فالأسبوع أطلع؟ وشو التوقيت الحلو من س كم للساعه كم؟

افضل الوييييييييكند والوقت من 6 لين 11

4. شو الاحتياجات اللي لازم تكون وياي؟

ع حسب اذا بتطبخون هناك ولا بتاخذون من برع

5. هل لازم تكون سيارتي فور ويل علشان أقدر أروح؟

مب لازم

[ظلال88]

أجمل اللحظات <<< حبييييييتج بصراحه كفيتي ووفيتي
تقرير كامل ربي يحميج الغاليه ما قصرتي

قاعده أدقق بصوره الباث روم <<<< وين تروح الـ...... هههههههههههههه <<< بنستوي قطاوه نحفر هههههههههههههههههههههههههههههه


الردود المدعمه بالصور تحمس أكثر وأكثر وأكثر ....

والحشرات عاد لا بد منهاااا تسوي اكشن حلووو ^^

<<< خلاص بنحط من ضمن العده بف باف هع هع

يزاج الله كل خير الغاليه ونولج اللي تتمنينه ويكتب لج الخير دووووووووم

بإذن الله من نروح البر بحط التقرير كااااامل

تسلميييييين ع الرفع .. الله يرفع قدرج

[ظلال88]

الله يكرمج الغاليه ميمي..تسلمين ع الرد المفيد

الحلو فتوقيت المغرب إنج تاخذين راحتج أكثر
أنا أغلب ربيعاتي يسيرن البر عقب المغرب ... إنزين لازم ناخذ ويانا فنر وجيه صح؟
ولا المكان منوّر هناك؟

طمنتيني والله بخصوص السياره ...

ربي يحميج الغاليه ما قصرتي

فديييييييتكم حمستوني أروح بأقرب فرصه

[شمسة المرر]

مااقصرن الخواات
موفقه

[تراثنا الغالي]

بما انج يا عسل تحبين رحلة البر

إليك هذا الموضوع يمكن يلاقي قبول منج

كل شي موجود ,,ما تشلين شي سوى الكل الي بتطبخينه ..

وفي إجار يوم كامل بمبيت وفي بس نهار لحد الساعة 8 -9

http://forum.uaewomen.net/showthread.php?t=980646

[ظلال88]

الغاليه شمسه ... تسلمين الغاليه ع المرور ..

[ظلال88]

تراثنا الغالي <<< بصراحه عرض حلو ... وفكره عجيبه
تسلمين الغاليه ... بنستشير الأهل و بنشوف شو رايهم

الله يسعدج

[فوعة الورد]

اختي روحي بر الذيد وعندج البداير وحتا ومرغم ومليحة وكدرة والبحايص ولهباب ونتي من عيمان عدالج بر
ام القيوين السرة مثلا او مهذب وبر الصجعة في الشارجة وسيح المدم والروضة هاي البرور كلها حلوة والجو حلو
الحين برد شوية واذا على الاكل وشاي الكرك كل المطاعم اللي في البر عندهم شاي كرك وحليب بالزعفران روعة
خاصة الكفتيري اللي عند دوار المدام اللي يوديج حتا والعين وعندهم سنبوسة وبراتى ههههههههههه وشاي كرك
بس لاتروحين المغرب الا اذا كان بتبيتون في البر واذا بترجعون في نفس اليوم روحي الصبح احسن في الليل ظلام
ما بتشوفين شي والبر بدون رجال معكم ما حلو يمكن تغرزون لاسمح الله او يخترب الموتر او يخلص الماي
لازم رجل خاصة اذا بتخيمون في البر وحيوانات سائبة ما شي غير الركاب او كلب سلوقي صايع فالبر او ضب امضيع الجماعة او عريون معصقل بعد المطر ياسلام على العراين والبر والجو لي يكسه غيم