ليش يوم اقلي السمج يتقطع عندي

**بنت الامارات.** · 2011-09-26, 11:50

مرحبا

هلا خواتي دوم يوم اقلي السمج يتقطع عندي ما اعرف ليش انا في البدايه اقطعه واغسله بماي وخل ولومي وعقب اصفيه واحط البهارات وعقب انقعه اشوي وبعدها احر الزيت واقلي

المزيد من آخر المواضيع من نفس القسم:

**برق لمع** · 2011-09-26, 11:51

يمكن يكون مب مستوي تقلبينه
لا تقلبينه الا يوم يستوي تماما اقلبيه للناحيه الثانيه

**بنت الامارات.** · 2011-09-26, 12:15

ثانكس حبيبتي

**bellegirl** · 2011-09-26, 12:24

ربي يوفقج أختي

والزيت لازم يكون حار

والسمج مب وايد تم في الصوص يعني يكون شوية جاف

واتريي قبل لا اتقلبينه لين يتماسك من جهـة وبالهداوة بملعقة كبيرة قلبيه

اللهم علّمنا ما ينفعنا وانفعنا بِمَا علّمتنا وزدنا علْمًا يا رب العالمين

**مدى رضاكم** · 2011-09-26, 14:58

حبيبتى يمكن الطابى بارد يعنى خلى الدهن يسخن زين وحطى على السمج ملح يمكن ملحه قليل

**ظبي العدامه** · 2011-09-26, 17:43

اختي خلي الزيت يحمى ويكون حاااار وعقب حطي السمج ولا تجلبينه الجلب الثانيه الا يوم يحمر زين ويكون متماسك

**حلوه مرت** · 2011-09-26, 20:05

مثل راي الخوات خلي الزيت يحمى زين ولا اتقلبينه وايد عن تجربه موفقه حبيبتي

**الخفاشه** · 2011-09-26, 20:11

يالغلاا لانج تغسلينه بالخل او تنقعينه بالخل
ماعتقد السمج يباله خل !!!

كافي بهارات وتكثرين منه ع السمج مع شوية ماء عسب البهارات يغطي ع السمج
وحرري الدهن ومثل ماقالو الخوات خل يحتر الدهن عقب حطي السمج ولا تقلبينه الا عقب 10 دقايق
او ليمه تشوفين انه اتحمر من تحت عقب قلبيه بس الي يتقطع لانج تحطين عليه خل
جربي لا تحطين وعطيني البشاره وموفقه

**كام** · 2011-09-26, 22:51

حطيلة طحين اوكي عشان يحمي السمج من إنة مايتفتت وبتوفييييق للكل

**الظبي العنيد** · 2011-09-28, 23:23

لاتحطين علية خل وايد أنا كنت مثلج دوم يتقطع عندي عقب خففت الخل

**كمونة** · 2011-09-28, 23:30

طريقتي اغسلي السمج وعقب حطي ثوم وبهار وسنوت وليمون لا تحطي خل وعقب نص ساعة اشخليه وييبي طحين فيه بزار وقلبي السمج ودقي عليه عشان يطلع الزيادة وحمي الزيت زين وحطيه على اول وجه خمس دقايق وعقب اقلبيه ويوم يتحمر زين طلعيه على ورق نشاف وبالهنا وبشرينا

**Manar N** · 2011-09-29, 12:15

المشاركة الأصلية كتبت بواسطة كمونة

طريقتي اغسلي السمج وعقب حطي ثوم وبهار وسنوت وليمون لا تحطي خل وعقب نص ساعة اشخليه وييبي طحين فيه بزار وقلبي السمج ودقي عليه عشان يطلع الزيادة وحمي الزيت زين وحطيه على اول وجه خمس دقايق وعقب اقلبيه ويوم يتحمر زين طلعيه على ورق نشاف وبالهنا وبشرينا

مثلها أسوي تقريبا...الخل قوي..يلين لحم البقر ح فمابالك سمج..السمج لحمه أرق من الدجاج..وما يحتاج خل..نظفيه بملح فقط..وغسليه..وانقعيه بثوم وليمون وبهارات..ولازم تحطي طحين أو بقسماط عليه سواء مع بيض أو بدون عقب اقليه بزيت حار..وحطي مع الطحين بهارات وملح..

**شمعة الحب 4** · 2011-09-29, 13:54

لازم يكون الزيت حار وايد ويوم بتبهرينه خليه على الاقل ساعتين او ثلاث انا ابهره واخليه في الثلاجه وثاني يوم اقلي

**المزروعية1** · 2011-09-29, 15:33

اختي خلي الزيت يحمى ويكون حاااار وعقب حطي السمج ولا تجلبينه الجلب الثانيه الا يوم يحمر زين ويكون متماسك

**رنوسي** · 2011-09-30, 10:54

الغالية الخل والليمون يفتت السمج معروووووف لازم تقللين من استخدام الليمون والخل
وكثري بهارات هذي طريقة والطريقة الثانية انج تغمسين السمك بالبهارات وتعصرين عصرة ليمون وعقب تحطينه فالبيض وعقب طحين وتقلين
والأهم يكون الزيت حاااااااار مايكون عادي
ويوم تقلبين خذي ملعقة كبيرة حق التقليب ولا تقلبي الا لما يكون مال للأحمر او الذهبي
..

بس هو السبب الاول انه يتقطع الليمون والخل عن تجربة أختي

الموضوع: ليش يوم اقلي السمج يتقطع عندي

أدوات الموضوع

عرض

ليش يوم اقلي السمج يتقطع عندي

المزيد من آخر المواضيع من نفس القسم:

المواضيع المتشابهه

قلبي يتقطع على طفل

حالة يتقطع لها القلب

ابغي اقلي الفلفل فكيف اقليه